Cafe 1950歐陸餐廳 (已結業)

週日跟媽媽黎到這開在屋邨商場中的新Cafe，裝潢時尚，空間寬敞，又有梳化位十分舒適。德國咸豬手$127豬手上台時已經切好一件件，方便食客，豬手外皮焗得頗香脆，但肉質略嫌韌左小小，要好大力才能切得開，豬手偏鹹，有點兒蓋過肉香，豬手下面還有酸菜，酸酸甜甜還有黑椒提味，跟豬手一起食可以除去不小油膩感，配菜還有薯條，size頗粗有口感。香煎法國鵝肝多士$42/1件鵝肝煎到外脆內軟，油脂十分豐富，底層的多士好香脆，一啖咬下可以食到軟綿綿而帶小小焦香既鵝肝和脆口既多士，再配上生菜和酸酸甜甜既黑醋汁，口感一流，這是媽媽既致愛。黑椒蜜糖雞翼$24一客有3隻，外皮香脆，內質嫩滑juicy，但基乎沒有黑椒的香味，反而有香草味，配上蜜糖很好味。白酒忌廉煮藍青口$75白汁很Creamy，有大量洋蔥香甜味，藍青口鮮甜，配上鹹淡適中既白汁，味道一流。椒鹽魷魚鬚$26一上台已散發很香的魷魚味，椒鹽魷魚鬚炸到很酥脆，肉質仍保持口感，炸漿有點兒辣，十分惹味。意大利凍咖啡咖啡唔會太酸，很香甜，比連鎖咖啡店好味。水蜜桃紅茶 

想食平價德國咸豬手，上網做完功課之後，就決定黎呢間CAFE 1950豬手上檯時已經切成細件，唔使自己切，吃落去好方便。豬手外皮咸咸地同好香脆，留有少少既半肥瘦既質地，好嫩滑。薯條好粗，食落有口感不過就真係好熱氣真係少食多滋味放縱完，要食幾日白粥(永遠得個講字)

今日同女朋友黎到1950cafe之前都聽人有推介過依間餐廳咁岩又黎到大圍 就特登搵左依間餐廳首先叫左個沙律，溫泉蛋煮得岩岩好仲好水汪汪咁沙律菜都算新鮮另外仲有白酒煮蜆同埋星期一限定既1蚊鵝肝味道都正正常常，可能友人推介既時候講得大好，令期望太高其次呢就食左三個主菜，德國咸豬手，芝士拉豬肋條同埋咖哩芝士雞飯。當中最好食既就係個飯，淡淡既咖哩芝士味再加埋熱辣辣既石鍋，又容易入口，又好味道。豬手方面，原隻豬手咁上台，仲幫我地切好哂，塊皮非常的脆，配上一啲開胃既酸菜，所以都唔怕會「流」芝士拉排骨，係最近最hit既韓菜，依度都有，而且味道都唔差，芝士好多，以鐵版上，熱辣辣，真係可以拉到一絲絲，不過排骨汁都多左啲，就變左芝士無咩味另外依度又有遊戲玩，又可以自己攞野任飲。