Home Kitchen

营业中

休息中

為咗慶祝週年紀念日, 想俾個驚喜老公, 於是揀咗好細心嘅小店home kitchen！早兩日先同店主溝通好想甜品碟要畫咩圖案, 店主好好人盡量滿足我嘅要求！見到後真心覺得好厲害, 老公都好滿意畫功精美, 加上食物有質素, 價錢有大眾化, 絕對值得再幫襯

今日好朋友生日我預早訂左依間朋友介紹既Home Kitchen聽講依度食物好好食，早幾日訂位仲可以有畫碟服務tim我比朋友早到，坐低睇到menu已經覺得啲小食好好食咁最後我地叫左個沙律，兩個小食，之後一人一個主菜溫泉蛋沙律沙律菜好新鮮，配埋啲汁好開胃^_^白酒忌廉煮青口睇openrice有食評推介，所以我地都點左一客，果然不負所望，煮青口個汁好香，配埋青口食一流！芝士軟蛋烤菇好多芝士釀左係隻菇上面，個烤菇食落好Juice，我自己極力推薦！軟殻蟹龍蝦汁燴飯好濃郁既龍蝦味，我偷偷問店員，原來個龍蝦汁係廚師自己秘製的，難怪咁好味我地驚叫太多飯同粉會太飽，所以叫左兩個慢煮食物慢煮雞胸店員一落枱，我地3個人立即嘩左一聲，佢個擺碟好精細，食落口更加不得了，佢個雞胸肉質冇出面食咁＂鞋＂，同埋好大份慢煮三文魚三文魚上面有啲類似蒜蓉既香科，食落好香口，我地幾個雖然都好飽，但最後都KO晒碟野心太軟不枉我早幾日打黎訂位，我知我朋友鐘意Iron Man，所以訂位個陣同店員講左，估唔到佢地咁有心機，畫到隻Iron Man咁靚。總括而言，食物好好味，性價比高，店員又有禮貌，一定會再黎食過！