日嚐 (已結業)

大角咀有好多隱私高質小店，而日嚐就係其中一間，呢間日式餐廳長期排長龍，而且價錢都好親民。 脆炸吉列豬扒w/稻庭烏冬 $58豬扒炸得外脆內軟，配埋烏冬都好夾，份量適中，而且好滿意佢哋嘅伴菜，個芥末八爪魚唔算好辣同嗆鼻，就算唔食得辣都可以試試！ 慢煮澳洲牛舌w/越光米飯+豉油蛋 $98超級滿意呢個set～首先啲牛舌非常淋同有牛味，而且仲勁多汁，配埋飯真係一流，而且個豉油蛋係完全流心，撈埋飯真係好好食！ 忌廉蟹肉餅 $38一碟有3嚿蟹肉餅，食落好creamy同埋真係食得出啖啖蟹肉～ 花花世界 $15呢款嘢飲好啱打卡，因為有漸變色好靚～而且味道都不錯，唔會太甜 白桃乳酸疏打 $15呢款要撈勻咗先好飲～因為啲白桃乳酸會沉底，第一啖飲嘅時候覺得有啲酸，然後飲飲吓會覺得好開胃。

呢間小店全日套餐最平$58就有，包左主菜、季節沙律、冷盤、飯麵，更不設加一，價錢幾親民喎！想食豪啲仲可以嗌「九宮格」$388/二人份，一個set可以試晒佢地嘅signature，岩晒有選擇困難症嘅人全日套餐▪️慢煮黑毛豬配蘑菇汁 $78經慢煮嘅黑毛豬肉質軟腍，肥膏位爽彈，香口唔羶有肉味。▪️慢煮封門柳配自家製雜菌燒汁 $98封門柳反而有少少失望，偏乾偏韌左啲，肉味無想像中咁濃。< 季節沙律 > 柚子紫薯青蘋果沙律/芝麻醬秋葵/韓式涼拌青瓜 三選一。較少見嘅柚子紫薯沙律 柚子味較重，紫薯味較淡，整體偏甜。< 冷盤 > 蒜味墨魚仔/山葵八爪魚 /中華沙律 三選一。墨魚仔同八瓜魚軟彈唔會太韌，前者較甜，後者山葵唔會太攻鼻。< 主食 > 稻庭烏冬/蕎麥麵(冷)/越光米飯 三選一，更可加配醬油蛋/明太子 +$8前者蛋味濃郁 可添滑溜口感，後者甜甜辣辣相當惹味，推薦大家加配小食▪️唐揚炸雞軟骨粒 $38大大粒嘅雞軟骨有別於一般嘅得粒軟骨，食落啖啖肉，軟骨位反而唔算好多。外層炸得香口唔油膩，內𥚃肉質唔乾，不過炸皮就唔算好薄。唔當佢係雞軟骨黎食，其實口感味道都