太子沢 (已結業)

太子係太子搵到呢間新開嘅拉麵店，舖頭細細但十分企理，於是就入去食個lunch。餐牌有大廚推介，拉麵跟小食同飲品一共減$15，於是同女朋友一人一個set。兩個拉麵分別揀咗黑沢麵同櫻沢麵。聽顏色名都應該大概知道個拉麵口味，分別係豚骨黑蒜湯底同櫻花蝦麵豉湯底。黑蒜嘅味道較重，而櫻花蝦都好夠香，配麵豉湯底係幾夾嘅；另外豚肉夠冧，入口即化；其他配料例如蔥，紫菜，熟蒜，流心蛋都好夠份量唔馬虎！小食揀咗個吉列炸蝦同忌廉蟹餅，新鮮炸起即食感覺非常好，又熱又脆，炸蝦連蝦尾都食埋！但我比較鍾意個蟹餅，內層嘅餡好幼滑，誠意推薦！飲品要咗完熟梳打汽水(白蜜桃)同信州木村汽水(蘋果)，都幾好飲，又夠汽。食完埋單都係$239，兩個人呢個價食到呢個質素都算唔錯。

星期日同男朋友一齊食個late lunch，我地入左太子一間日本拉麵店。餐廳裝潢好有日本風情，依家仲有萬聖節裝飾添。依家有優惠套餐，所有正價拉麵加小食可以減$10，加飲品減$5。小食叫左吉列炸蝦同忌廉蟹餅。吉列炸蝦炸得好酥脆，好香口。忌廉蟹餅外皮夠脆，內餡好幼滑，好出色。每碗拉麵配料都有味付竹筍、醬製木耳絲、日本紫菜、自家製流心蛋、長玉蔥青蔥，好豐富。黑沢麵用上豚骨黑蒜湯底，蒜味非常香濃，拉麵軟度適中。櫻沢麵用上櫻花蝦麵豉湯底，相對比較清，岩晒我，份量大，一定夠食。飲品要左完熟梳打汽水(白蜜桃)同信州木村汽水(蘋果)食拉麵配日本飲品，正。