LA FAMILLE

营业中

休息中

講起出色嘅連鎖蛋糕店，La Famille 一定榜上有名，除左賣相吸引，食過幾次質素都好穩定，仲不斷推出期間限定款，成日路過都心思思想食。原本想試最新嘅香芋椰子，可惜放工時間去已經賣晒，不過都無阻我食蛋糕嘅決心，一口氣要左五件。店員細心提醒要即日食同打直拎啲蛋糕，可惜返屋企途中架車急停，件榛果咖啡朱古力飛晒啲忌廉出黎唔見得人，所以相入面得四件。質感方面，佢地嘅戚風蛋糕濕潤度啱啱好，唔油而且有彈力，忌廉幼滑輕盈。日本柚子:之前食過覺得可以encore嘅款，忌廉混合左糖漬高知縣柚子皮醬，蛋糕有一絲絲果皮，酸甜清新，最啱夏天食。香濃開心果:呢件貴$10所以特別期待，蛋糕有好多開心果碎，連啲忌廉都有果仁味，真材實料，加埋微酸嘅士多啤梨幾夾。意式香草奶凍:香草奶凍滑溜，見到有唔少雲尼拿籽，配原味戚風蛋糕同忌廉，都好食但味道無其他款式咁豐富。青森蘋果吉士紅茶:呢件都係近期新作，蛋糕聞落已經好香茶味，食落啖啖都有茶葉碎，深得媽媽歡心，青森蘋果以三盆糖煮過，有少少肉桂味，個餡係唔太甜嘅吉士忌廉。榛果咖啡朱古力:咖啡同朱古力味平分秋色，仲有粒朱古力脆脆喺面頭，雖然無圖畀大家睇但推薦你地一試！

食完飯行下街shopping, 原來La Famille係K11新開左分店, 之前買過黎食, 印象唔錯! 今晚就買幾個CAKE返屋企同家人做甜品!每款CAKE都用玻璃罩罩好放入係廚窗中, 賣相精美又吸引! 店員協助將每件cake固定好, 免得攜帶時會移位~【沖繩菠蘿完熟香蕉】HK$60店員介紹呢款只有K11呢間分店限定, 當然買黎一試!細味蛋糕, 有淡淡香蕉, 質地軟熟, 面層有大量甜甜菠蘿蓉, 略帶爽, 份量足夠每啖都可食到菠蘿果肉, 中心位有cream, 更顯香滑口感~【香濃開心果】HK$65蛋糕混入左開心果幼粒, 微微增加左口感, 中心位有Cream, 再配上清甜士多啤梨, 配搭簡單又好食!【意式香草奶凍】HK$54蛋糕上有小小奶凍jelly, 少少甜, 有陣陣雲呢拿香, 中心位都係有cream, 有幾粒酸妹妹藍莓醒醒神~

經常見呢間店賣廣告或者做活動，所售既唔係普通蛋糕，而係戚風蛋糕及巴伐利亞，比較特別，適逢朋友生日，就買黎同佢少少地咁慶祝下。甜品店甜點選擇由於我比較晏既時間去到，所剩無幾，就係有既款式上面選擇，店舖專售戚風蛋糕及巴伐利亞，味道都多。意式香草奶凍 $54新品，上面有藍莓做裝飾，蛋糕面有布丁，切開入面無餡就係戚風蛋糕，蛋糕軟熟唔似食空氣，食落甜度較少，適合香港人口味。白桃巴伐利亞 $46巴伐利亞係原產於德國南部巴伐利亞地區，上面係水晶造型加入食用花，底部有布丁，揀左白桃味而，造型精緻，白桃肉不少，食落去仲帶淡淡花香，啫喱及布丁口感，感覺清新。朱古力/法國玫塊/焦糖/抹茶瑪德蓮蛋糕 $18/個另外自己見到仲有瑪德蓮蛋糕所以都試下，每隻味要左各一，以為係普通蛋糕仔冇乜特別，估唔到都有驚喜，例如法國玫塊，蛋糕入面真係有玫瑰碎，食落香氣十足，除左signature items，瑪德蓮蛋糕都要試下。一個小蛋糕五十幾蚊左右，如果單獨同老死慶祝好岩，當然都有大size提供，唔洗食黎食去都係果幾間集團連鎖店。