LOST STARS LIVEHOUSE BAR & EATERY (已搬遷) 新店位置

今日差唔多係我返實習嘅last day，所以諗住食好啲！🤤我平時啲同事都有講過呢一間餐廳所以就入咗去試！入去唔使等位就可以坐，成間餐廳非常闊落而且因為佢係一間live house，所以即使我食lunch嘅時候冇live band表演，餐廳仍然會播放好多懷舊英語歌曲，十分有氣氛🎶💜我個人好鍾意食牛扒，所以就叫咗個慢煮澳洲肉眼，同埋人蔘茶。牛扒有啲太熟，而且肉身有啲硬，不過薯仔同其他配料還可以！可能本來我對呢一餐飯有啲期待，所以食咗之後都有少少失望...不過我覺得仍然有機會再返嚟食其他菜式嘅！

餐廳環境優雅寧靜，同男朋友一齊黎慶祝紀念日，午市唔算多人，可以同男朋友慢慢享受Tea Set 1pm就開始，賣相都好吸引，但我地想食飽啲，所以都係簡左lunch set。#strawberry yogurt #blueberry yogurt跟Set Menu，唔使加錢，用新鮮水果blend，好岩夏天飲本人好中意食甜品，所以介紹左先蛋糕跟餐加$30就有，總共有3款選擇，除左以下兩款，仲有心太軟。#Caramel Chocolate蛋糕質地偏軟實，最上層焦糖味重，下層朱古力味濃郁，兩者互相平衡，但整體有點甜。#Lemon Egg White最上層有蛋白泡泡，平衡左下層檸檬的酸，最底層的餅底鬆脆，三層各自有不同口感，非常推薦。#慢煮澳洲肉眼 炙燒荷蘭汁 沙律及香脆薯粒 $148除左荷蘭汁外，肉眼加左點鹽調味，整體偏咸，但肉眼煮到剛好，保持到肉汁。#加拿大保濕嫩豬鞍配馬鈴薯泥 蘋困乾蒽甜辣醬 $148果然名不虛傳豬鞍保持到濕嫩，近骨位尤其juicy，馬鈴薯泥非常多，食到好飽。

網上面見到呢間餐廳唔錯，就趁住放假，去歎個long lunch。奧運站行過嚟呢間餐廳只係5分鐘，玻璃幕牆嘅餐廳好soho。餐廳播放住唔同語言嘅輕鬆音樂，非常舒適。我哋到達嘅時間大概1:00，呢個時間tea同lunch都可以order。同老公點左兩份set lunch。餐湯係粟米湯，香濃而絞碎啲粟米好有咬口。加拿大保濕嫩豬鞍 - 感受到肉質濕潤，好腍好juicy，伴菜薯蓉香滑而且唔漏，配以酸酸地嘅伴醬，好好味。慢煮澳洲肉眼 - 好香嘅燒烤味，肉質juicy。我連伴菜薯仔粒都食哂～Today’s dessert (Lemon Egg White, Lava cake) - 檸檬味好重，上面嘅蛋白泡泡，配合成清新感覺嘅甜品。心太軟唔會過甜，切開嗰種感覺好治癒。餐飲Blueberry Yogurt, La Vie En Rose - 兩杯飲品都好fresh好健康，一個係酸酸地，一個係既聞到又飲得出好香嘅花茶。職員仲話夜晚會有live music 。呢間餐廳回頭率極高，而且職員都好專業，下次同d friends 聚聚又多個地方。

星期日無野做最好去搵間舒服既Cafe坐下食個Brunch！大角咀依間餐廳距離奧運站8-10分鐘，簡直係鬧巿中既綠洲。餐廳環境寬敞，中央位置有Live Band Stage，夜晚會有駐唱歌手表演。下午時份就播放住Jazz Music，感覺都幾放鬆。就算Weekend，一樣有Lunch Set ($98 - $148不等) 同Tea Set ($328/for 2) 選擇。Menu賣相都好似幾吸引，一於下次試！______________________________今次我地揀左2份Lunch Set，價錢合理。有湯、主菜、餐飲，唔夠既話仲可以加甜品添。🔸加拿大保濕嫩豬鞍 $148豬鞍同手掌咁大塊，好厚實。肉質嫩，無筋，脂肪含量低。配上馬鈴薯泥，好香滑；及蘋果乾蔥甜辣醬，酸酸甜甜夠開胃。🔸慢煮澳洲肉眼 配 炙燒荷蘭汁 $148慢煮既肉眼保留到肉汁，肉質嫩滑，一切落去就知同平時就咁煎既有分別。肉眼上加左芝士，半溶左之後特別好味。伴碟仲有沙律同香脆薯粒。餐飲選擇不只咖啡或茶，更有花茶/乳酪/酒類飲品。今次叫左🔸Coffee Latte 同 🔸Blueberry Yogurt。Latte杯上有

因為在這裏附近有活動要參加，便於活動開始前與朋友來這裏吃午飯。一進入餐廳發現擺設挺浪漫的。一首首的英文情歌作背景音樂，與一支支的玫瑰插在桌上，令我和朋友也不自覺的希望是與自己的另一半來這裏。還看見旁邊有一個表演台，原來晚上會有些樂團在這裏表演的。因為我們比較肚餓便叫了三個set lunch來share。 餐湯很快便送過來，原來是椰菜湯，比較驚奇因為做得不錯，一粒粒的椰菜花還可以在湯裏嘗試到，不過湯blend 得不錯，椰菜花的味道不會過於重。我們叫了一碟七成熟的慢煮澳洲肉眼，肉汁鎖住宰肉愛，雖然我朋友比較喜歡五成熟的牛肉但是我覺得是剛剛好，調味與牛肉也配合得非常好加拿大保濕嫩豬𩣑也做得不錯，豬肉本來因為醃製過本來有點辣，加入太多蘋果乾蔥甜辣醬的話會有點過辣而且掩蓋了肉本來的味道。所以不建議加太多醬汁跟豬肉一起吃。最後我們另外加叫的純素椰漿南瓜蓉幼扁面來了，喜歡幼扁面的椰漿味，挺意外的椰漿味竟然與南瓜味融合得很好。更喜歡裏面加了泰式茄子。Set lunch也會送飲品，我的藍莓 yogurt 做得都OK總括而言這裏吃lunch無論環境與食物也很好價錢也算實惠。