影片
更多
2017-03-18
2070 浏览
荔枝角嘉名工廠大廈嘅The Hub / The Space,講真入口唔係咁好搵,當日仲有架大貨車停晌門口,令我錯過咗個入口,回頭折返再細心咁睇先搵到,lift係舊式嗰種,對於唔係成日出入工廠大廈嘅我嚟講係有少少唔知點嘅感覺.Lift門一打開就見到佢哋嘅招牌,呢刻嘅我先安心落嚟.走入去之後又係另一種感覺,完全唔記得咗啱啱搵路同上嚟嗰陣嘅疑問.裝修有格調又柔和,好鍾意呢種透入自然光線嘅餐廳.佢哋仲有露台,走出去望下附近嘅工廠大廈,冇乜壓迫感,反而有種愜意嘅感覺.佢哋係以任食雞翼馳名,不過係要晌特定日子舉行,而且必須預約,聽講每次推出都好快爆滿.呢次遇唔上,咁就試試佢哋嘅午餐啦.午餐有六款主菜揀,雖然唔多,但豬,牛,羊,雞,海鮮都有,仲有個是日廚師推介,總算照顧到唔同人士嘅需要.而餐湯同沙律就可以去自助吧拎,仲要係任食嘅.自助吧入面除咗餐湯等等之外,仲有紫生菜,羅馬生菜,紅菜頭,車厘茄同粟米,醬汁就有和風日式醬,凱撒沙律醬同千島醬,可以拎嚟自製沙律.另外仲有冷切肉,煙三文魚同其他醬汁例如油醋汁,法式芥末,法國班馬利芥末,薄荷啫喱等等可以自由任用.同埋設有爆谷機,拎嚟做餐前或餐後小食都OK.當
荔枝角嘉名工廠大廈嘅The Hub / The Space,講真入口唔係咁好搵,當日仲有架大貨車停晌門口,令我錯過咗個入口,回頭折返再細心咁睇先搵到,lift係舊式嗰種,對於唔係成日出入工廠大廈嘅我嚟講係有少少唔知點嘅感覺.Lift門一打開就見到佢哋嘅招牌,呢刻嘅我先安心落嚟.
走入去之後又係另一種感覺,完全唔記得咗啱啱搵路同上嚟嗰陣嘅疑問.裝修有格調又柔和,好鍾意呢種透入自然光線嘅餐廳.
佢哋仲有露台,走出去望下附近嘅工廠大廈,冇乜壓迫感,反而有種愜意嘅感覺.
佢哋係以任食雞翼馳名,不過係要晌特定日子舉行,而且必須預約,聽講每次推出都好快爆滿.呢次遇唔上,咁就試試佢哋嘅午餐啦.午餐有六款主菜揀,雖然唔多,但豬,牛,羊,雞,海鮮都有,仲有個是日廚師推介,總算照顧到唔同人士嘅需要.
而餐湯同沙律就可以去自助吧拎,仲要係任食嘅.
自助吧入面除咗餐湯等等之外,仲有紫生菜,羅馬生菜,紅菜頭,車厘茄同粟米,醬汁就有和風日式醬,凱撒沙律醬同千島醬,可以拎嚟自製沙律.另外仲有冷切肉,煙三文魚同其他醬汁例如油醋汁,法式芥末,法國班馬利芥末,薄荷啫喱等等可以自由任用.同埋設有爆谷機,拎嚟做餐前或餐後小食都OK.
當日嘅是日餐湯係忌廉南瓜湯,質感非常濃稠,入面加咗洋蔥粒,味道香甜.我仲拎咗蒜蓉麥多士,切成長條形咁賣相幾好,外邊脆內層稍稍軟身,蒜蓉味香,用佢嚟蘸湯食都唔錯.
沙律方面我就拎咗紫生菜,羅馬生菜,車厘茄,粟米同冷切肉,蔬菜新鮮爽脆,冷切肉仲有三款唔同口味.
然後就食主菜,慢煮澳洲鮮豬鞍配蘋果醬,面層鋪咗蘋果蓉,旁邊就有烤蘋果同新薯.
鮮豬鞍非常厚身,食起嚟比較有咬口兼幾多肉汁,同埋有陣陣香草味.蘋果蓉同烤蘋果微酸微甜,可以減去肉類嘅膩感.
食完主菜就叫埋甜品嚟試,蘋果批嘅上層灑咗金寶脆脆,下層就係蘋果肉同紅莓醬,佢哋仲特登焗翻暖暖哋,批底脆身,酸味明顯都幾消滯.
Green Tea Latte面層奶泡入口軟綿綿,之後就係綠茶嘅甘香,甜而不膩.
最後仲去自助吧拎咗少少爆谷做餐後小食,當日係焦糖味嚟.餐廳嘅環境舒適,同地面嘅反差都幾大.食物唔錯,服務亦周到,令我有個唔錯嘅下午.
张贴
