享慢煮意 (善慶街) (裝修中)

朋友想搵間靜靜地又有feel嘅餐廳食飯，上OpenRice望一望🧐我就揀咗《Fast Gourmet 享慢煮意》 🍽️上次去完同集團嘅《享慢煮泰》，雖然對佢嘅咖喱慢煮牛面頰念念不忘😌但今日大家又唔係太肚餓，想light 少少😂，所以冇叫set,點咗3個dish，加杯特飲慢慢享受下，傾下計1️⃣真空慢煮雞胸牛油果流心蛋沙律 $106輕食沙律，流心蛋流出嘅蛋汁連埋牛油果加慢煮雞胸粒，入口清新2️⃣慢煮鮮挪威三文魚忌廉意粉 $158呢個超好味，三文魚煎得外香内嫩😍個意粉忌廉汁做得超good 👍🏻3️⃣白松露流心蛋高纖意大利飯 $138朋友大推呢個飯，有大量雜菌同芝士配高纖意大利飯，好有奶油香，成件事都唔覺heavy😌一啲都唔覺漏4️⃣白桃芝味特飲 $48有奶蓋同花花鋪面，打卡一流之餘，芝士味濃郁，飲到底仲有好多果肉，飲得又睇得🥰今次中上環<Fast Gourmet>嘅體驗都幾好，由食飯到服務都好有心思，餐廳細細，想靜靜地傾下計嘅又坐得舒服嘅，呢到都係一個好選擇😆

今晚去左上環古董街買野，經過見到有間西餐廳，於是去食晚餐😋😋🌟 招牌龍蝦湯牛角包🥐牛角包焗得香脆，內裡軟熟，切開中間係龍蝦湯，龍蝦湯味濃，而且好香龍蝦既味道，調味亦都唔錯😋😋🌟 慢煮雞胸牛油果流心蛋沙律 （$106）流心蛋配上牛油果🥑，味道好夾，用蛋汁撈沙律菜比起用沙律醬健康好多👍🏻👍🏻雞胸經過慢煮，肉質嫩滑，調味唔會太咸😋😋🌟 西班牙黑毛豬穀物意大利飯（$148）黑毛豬肉味濃，外層煎得好脆，食落唔會油膩，意大利飯食落唔會好浠，而且加左藜麥，配搭得唔錯😋😋🌟 美國頂級牛腹扒配香煎鴨肝牛腹扒煎得岩岩好，唔會太熟，牛味重，牛肉相當軟熟，鴨肝香口，擺盤擺得好出色，色香味俱全，必點😋😋🌟 白松露雪糕配焦糖燉蛋雪糕好重既松露味道，食落口係甜既白松露，相當特別😋😋焦糖燒得香脆，燉蛋既蛋味濃郁，呢個甜品唔錯😋😋

之前喺OpenRice/其他ig page睇食評都覺得唔錯，就想試下呢間餐廳。見到經eatigo訂枱有單點食品半價優惠所以就嚟試下，睇下係咪食評中所講咁好食。老實講，本身對呢間餐廳期望都幾大。半價優惠要每人嗌一杯正價飲品先有，而加一就以原價計算。我哋今次兩個人埋單$325，比原本平差唔多二百蚊。餐廳環境正正常常，乾淨企理，但呢個價位要同人搭枱坐，感覺唔太好。跟住我哋就嚟睇下食物質素點啦~1. 爆漿日本蟹羔牛角包 $88個牛角包焗過火咗dd，同埋切開冇爆漿效果，不過我見隔離枱有切到爆唒漿咁嘅😂。包體因為吸咗蟹羔醬嘅水份所以唔脆，同埋唔夠牛油香。蟹羔方面，我覺得壽司舖嘅蟹羔比呢個更濃味好食。個包整體一般。喺餐廳堂食正價$88唔多抵。經OpenRice訂takeaway，有七折，但我發現OpenRice上嘅原價唔係$88，係$42，七折後$29就買到。唔知堂食同takeaway嘅分別係咪有蟹籽同冇蟹籽🤔。但我覺得有冇蟹籽都影響不大，蟹籽喺成個包嘅味道入面好似冇乜存在感😂。整體：2. 慢煮雞胸牛油果流心蛋沙律 $106沙律菜算新鮮，份嚟嚟講，食量正常嘅女仔，淨係食沙律唔食其他嘢嘅話應該係唔夠飽