四川担担麵 (已結業)

提款遇著提款機死機，今日要去取回張卡！ 之後先食午餐，因為已過了午餐高峰時間，所以都唔使怕排隊！上網搵一陣！見附近呢間擔擔麵店食品唔錯！去到店內無客！快餐店格局（櫃台上仲有食物燈箱，座位闊落，光猛乾淨，門口有普通話收銀阿姐落單！（講到我條脷打結 ）佢介紹我食午市套餐（$70），A(主菜）+B（小食）+C（飲品），我揀時候佢都比好多意見我參考，例如問我鍾意乾定湯麵、泡菜鍾唔鍾意酸之類！揀好坐下來，好快店員會取餐比我，快餐型式，除了主菜用瓦碗之外，其他飲品同小食都係用即棄容器！成都擔擔麵：熱拌麵，叫了少辣，都好辣！但仲食到（不過食到係咁流鼻涕 ）花生醬肉醬好濃！沾滿彈牙有咬口麵條食！好味道！四川泡菜：白醋蔬菜片，酸味為主，蔬菜片好薄，咬落好爽口，可以解擔擔麵嘅濃味！雖然個膠兜賣相唔好，味道唔錯！份量都唔少！茉莉花茶：紙杯上，唔係茶包，仲見到啲茶葉（而且隔離枱問過，收銀阿姐話係茶葉沖嘅）茶幾香夠濃！夠熱！如果用瓦杯存熱會更好！服務勤快，其實都係得收銀阿姐一腳踢，收錢打飛執枱！佢仲會比其他食客意見！辛苦了！快快食一餐滿足嘅麵食！