JD Euro (Jade) Cafe & Bar (已結業)

第一次食土耳其菜，估唔到咁新奇！我同朋友兩個人叫咗dinner set for 2($498)，本身冇包餐湯，但係餐廳話送餐湯俾我地試下！餐湯係扁豆湯，啖啖都飲到豆蓉，香滑creamy。 特色沙律，有沙律菜、蕃茄仔、青瓜、紅蘿蔔片等等，非常新鮮爽脆，特別中意蕃茄仔嘅口感同甜味。 特色小食，係炸薯條、燒茄子，上面鋪咗２片薄餅，香口得黎又唔油，燒茄子特別惹味，仲配上茄醬同埋麻醬，攞薄餅包住食就更有風味。 主菜我揀咗牛肉，係薄切牛扒配薄餅。牛扒有一個手掌咁大，用黑椒粒黎調味，唔會太生，係我中意嘅熟度，肉質條理分明，鮮甜得黎又非常有口感。 估唔到竟然再送咗甜品，係伊斯坦堡龍鬚糖，賣相精緻，食落同香港嘅最大分別係，佢冇咁入口即溶，所以反而食到層層嘅絲。隔離仲有一爐土耳其嘅糖，口感唔知點形容好，好特別。 依款係土耳其茶，類似紅茶嘅味道，可以加少少檸檬汁同糖黎調味。 土耳其菜有啲似西餐，但係會 佢嘅調味同醬料同西餐又唔同喎，仲有唔少特色菜，值得一試！

香港少有食正宗土耳其菜既地方，尼間餐廳除左可以食到地道菜外，環境更加舒適，聽住音樂，慢慢嘆。叫左dinner set for 2 people ($498，需加一)。有沙律，自選2個主菜，小食，餐飲。餐廳仲送左餐湯and特色甜品，超開心。扁豆湯有濃濃既香味，打成糊，口感更加食到扁豆粒，好豐富。而且熱辣辣上枱，暖胃。碟旁仲有塊檸檬，可以加d落去調味，酸酸地又幾夾，唔會好odd。沙律一盤有沙律菜，車厘茄，特別在於餐廳再加入青瓜片，紅蘿蔔片，比其他餐廳既沙律更加有口感。小食餐牌冇特別寫明係咩，本身以為普通一碟，但送上枱驚喜十足。有2塊烤薄餅，底下鋪滿薯條，烤茄子，烤三色椒，配上蕃茄醬，芝麻醬，好惹味。好少會落芝麻醬，但同茄醬好夾，酸酸地。烤薄餅包住d薯條加醬，係另一種出色既組合。主菜可以揀牛/羊/雞/素菜，廚師會自行幫你烹調配搭烤薄餅/飯。我揀左雞肉，雞肉切件醃好，經烹煮後，肉汁鎖實，肉質嫩滑。亦配一小碟蕃茄芝麻醬，可以醮。另外，有d蔬菜伴碟，唔同主菜既伴碟都會唔同。雞肉配飯食，一流。更有甜品食，係地道伊斯坦堡龍鬚糖，配上朱古力醬，仲有土耳其薄荷糖and檸檬糖各一粒。龍鬚糖唔同香港食個款，佢

今日同朋友去咗呢間餐廳食土耳其菜， 一入到去， 完全畀個環境吸引著😍😍食飯枱旁就係落地玻璃，可以一路望住個日落一路食野😍😍😍好正👍👍餐牌都製作得好精緻好靚，有好多唔同嘅菜式揀👍店員好有善，好有禮貌，好好態度，仲好熱情👍👍佢仲即場示範如何沖土耳其咖啡😍😍我們叫了二人套餐（晚餐）， 套餐包埋兩碗扁豆湯， 作為前菜簡直一流👍👍我們選了牛肉做主菜，牛肉很入味👍👍另外我們還叫了土耳其pizza， pizza的皮香脆可口，裏面很足料，好入味👍👍 食完好滿足😋這款二人餐包埋的特別小食也值得一讚， 最喜歡它的土耳其pizza皮， 包裹著薯條配菜點埋醬汁，好入味， 即使分開食，薯條都好香脆， pizza皮就甘食都好好食😋👍👍整體嚟講，好滿意呢間餐廳， 淨係環境已經好吸引，再加上店員熱情嘅態度， 同埋嘢食好有土耳其風味，好好食， 好似去咗一次土耳其旅行咁😍😍正呀！