JD Euro (Jade) Cafe & Bar (已結業)

第一次食土耳其菜，估唔到咁新奇！我同朋友两个人叫咗dinner set for 2($498)，本身冇包餐汤，但系餐厅话送餐汤俾我地试下！餐汤系扁豆汤，啖啖都饮到豆蓉，香滑creamy。 特色沙律，有沙律菜、蕃茄仔、青瓜、红萝卜片等等，非常新鲜爽脆，特别中意蕃茄仔嘅口感同甜味。 特色小食，系炸薯条、烧茄子，上面铺咗２片薄饼，香口得黎又唔油，烧茄子特别惹味，仲配上茄酱同埋麻酱，攞薄饼包住食就更有风味。 主菜我拣咗牛肉，系薄切牛扒配薄饼。牛扒有一个手掌咁大，用黑椒粒黎调味，唔会太生，系我中意嘅熟度，肉质条理分明，鲜甜得黎又非常有口感。 估唔到竟然再送咗甜品，系伊斯坦堡龙须糖，卖相精致，食落同香港嘅最大分别系，佢冇咁入口即溶，所以反而食到层层嘅丝。隔离仲有一炉土耳其嘅糖，口感唔知点形容好，好特别。 依款系土耳其茶，类似红茶嘅味道，可以加少少柠檬汁同糖黎调味。 土耳其菜有啲似西餐，但系会 佢嘅调味同酱料同西餐又唔同㖞，仲有唔少特色菜，值得一试！