手作鮮芋站 (已結業)

今日去開九龍城街市買餸，見到有間標榜每日新鮮手工製作芋泥同芋圓嘅甜品舖叫「手作鮮芋站 」，決定試一試。我嗌咗招牌嘅手作芋泥芋圓鮮奶、芋泥Oreo吐司同椰汁桃膠西米撈。芋泥芋圓鮮奶唔會太甜，每日新鮮製造嘅芋圓煙靭有咬口，食得出唔係整完放咗好耐嘅硬口感，芋泥蓉都唔會太多太濟；芋泥配Oreo嘅配撘都幾新奇，用麵包夾住嚟食都幾飽肚，而且味道唔太甜；西米撈嘅材料有三色芋圓、椰汁、西米同桃膠，三色芋圓係由番薯、紫薯同芋頭混合木薯粉製作而成，口感非常彈牙，西米粒亦都煮到粒粒分明，配上而家流行而營養價值又高嘅桃膠，加上濃郁嘅椰汁，食完碗糖水非常滿足！📍九龍城賈柄達道113號地下17號舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

九龍城自從開咗地鐵站之後都有好多新店加盟，最近又有新開嘅 #黃店 茶飲店鮮芋站，主打手作芋泥芋圓飲品💜，芋泥吐司同埋芋圓甜品，選擇好多！不過只限外賣不作堂食。人氣手作芋泥芋圓系列都好推薦🥰！如果經開嗰頭都會想再試！.① 手作芋泥芋圓鮮奶💜🥛 ($36)// 依杯人氣𝙣𝙤.1真係足料都顛🥳!!! 首先芋泥好多同埋飲到淡淡芋泥真係幾誇張✨ 鮮奶味好特出，至於芋圓份量都好多，軟腍得嚟都煙韌，小編就覺得好飲過茶星人嘅芋泥鮮奶喇🙈，因為至少都會飲到芋泥香同埋口感重。//𝙁𝙤𝙤𝙙：🌕🌕🌕🌕🌕🌘② 奶凍芋泥吐司🍞 ($42)// 芋泥吐司喺網店就見得多，實體店都係第一次食到！吐司嘅麵包體有搽過牛油再烘過，所以牛油香頗重🧈。芋泥好順滑而且好足料，而另一主角奶凍嘅牛奶味都好重，比想像中更加濃，不過就會蓋過咗芋泥嘅味道啦。建議2個人食一份，因為每人食半份都已經好飽🤰🏻//𝙁𝙤𝙤𝙙：🌕🌕🌕🌕🌕🌘③ 古早冬瓜茶+小芋圓 ($22+$6)// 冬瓜茶覺得都幾出色，比起迷夏客或者天仁茗茶再好飲啲。加埋小芋圓增添多種煙韌口感同埋飲完好解渴好涼。//𝙁𝙤𝙤𝙙：🌕🌕🌕🌕🌕🌑.💜手作鮮芋站 (九龍城)九龍城賈柄達道113

同友人遊九龍城，感受城墟風情。見到呢間紫色logo手作鮮芋站，寫住小芋圓、芋圓甜品用心人手製造，不是供應商來貨。咁岩朋友係芋圓迷，於是外賣幾款甜品返屋企食，最可惜當日芋泥吐司沒有供應。手作芋泥芋圓鮮奶$36:鮮奶味濃，入面有一大舊幼滑芋泥蓉，底下仲有不少煙韌有咬口白色小丸子、小芋圓等，層次相當豐富。招牌仙草芋圓$38:入面手作三色芋圓，仙草凍、黑糖珍珠、蜜紅豆，仙草凍滑，夏日食透心涼，蜜紅豆綿。三色芋圓真係極大粒，煙煙韌韌，咬到少少紫薯、芋頭、蕃薯顆粒，手作芋圓果然與眾不同。黑糖薑汁芋圓：入面同樣有手作三色芋圓同黑糖珍珠，不同既係芝麻湯圓，仲有好大件嫰滑愛玉凍，口感豐富。自己偏愛黑糖薑汁底，感覺較養身。Poster睇到仲有獨家戶戶送服務，同區買滿$120或區外滿$300，可享免費送貨，方便而優惠。

九龍城廣場對面馬路有一間路邊店因為好少地方有好味嘅手作芋泥 所以特登過嚟食 果然不失所望 好滿足今日開始天氣涼 叫啲hot drink試吓好想叫嗰一個芋泥奶凍三文治 9pm太夜去已經冇晒但係想飲嘅嘢都仲有喺度～^_^呢度嘅芋圓全部都係自家手作 超有心! ♥︎ 手作芋泥芋圓鮮奶(HOT) $36軟綿綿嘅芋泥 加上熱辣辣嘅鮮奶 底下仲有細細粒嘅小丸子芋圓 煙銀軟糯 真係非常非常值得推介 竟然可以咁好飲 真心非常喜歡💕 ♥︎ 青檸蜂蜜話梅特調(HOT) $28 好少嘅飲品 但都係店員推介嘅一款 原來真係好好味!! 解渴 甜甜地酸酸地 係清新嘅青檸味 懷舊嘅話梅味 滋潤嘅蜂蜜全部真材實料 非常超值 啊～ ♥︎ 黑糖薑汁芋圓 $38芋圓用上三色芋圓 芝麻湯圓 再加上仙草加上黑糖薑汁底 呢個組合好豐富

平時最鍾意飲芋頭鮮奶，知道呢度有間專賣店所以過來睇下。店員介紹話其實呢間店之前係茶理史，不過而家改咗名做手作鮮芋站，店裡面既班底係一樣架，不過d芋圓佢地而家自己手作😁叫左杯手作芋泥芋圓鮮奶走甜，呢度可以用自攜杯（讚讚）🤗呢度除左野飲，仲有芋圓甜品同埋芋泥吐司買，有機會都想試下。由於夜晚冇乜人，好快有得飲。佢既芋泥喺順泥果隻，冇粒粒芋頭咬，飲落真係唔甜，飲到純鮮奶嘅甜味，啱晒我口味，證明d芋泥煮嘅時候落嘅糖應該唔多，而d芋圓咬落夠煙韌，有新鮮煮好嘅感覺，有淡淡芋頭味，我okay。推介俾d鍾意芋頭奶但係又唔鐘意食太甜既人試下🤗