盛記盆菜&盛記麵家

营业中

休息中

呢間餐廳好有老闆嘅個人風格，周圍都掛咗好多充滿特色嘅裝飾。出邊係屋村，但係餐廳就好似入咗去另一個世界，好鍾意咁特別嘅餐廳。呢度好多食物都係自家製，充滿特色，亦都好好食。服務更加係非常高質，店員服務細心，令我哋過咗一個好開心嘅晚上。晚市只有打邊爐，我哋嗌左鹹菜胡椒豬肚湯底，湯底非常足料，配料食極都唔完。好欣賞佢哋嘅象拔蚌刺身，非常鮮甜，切得厚薄適中。而餐廳獨有嘅蠔仔餃亦都好有特色，自家製果然唔同啲，充滿麻油香。呢兩樣嘢都係必食！另一樣嘢一定要食嘅就係手切肥牛，店員話例牌會瘦啲，而大嘅手切肥牛會比較肥美，我哋就揀咗瘦啲嘅例牌。亦都非常好食，本地牛肉充滿牛味，亦都切得厚薄適中！呢個自家製嘅響鈴亦都不得了，非常之新鮮，好香脆，但係又無一般坊間買到響鈴嘅油溢味！雖然好邪惡，但係吸收曬湯底嘅精華真係好好食。因為慶祝屋企人生日，我哋亦都嗌左壽包，店員仲好細心咁樣準備咗好可愛嘅熊仔蠟燭，好有heart。除咗食物出色之外，呢度嘅服務亦都係世界級嘅一流，所有店員都好attentive，有咩需要都會即刻幫到你。佢哋嘅服務態度好好，成個氛圍好開心。好想多謝佢哋，俾咗一個咁開心嘅晚上我同屋企人。

週日晚相約了數名好友吃火煱，在其中一位好友建議下，選了評分不俗的沙田盛記試菜。盛記開業在瀝源邨熟食中心，論環境衛生，不會有太高要求，環顧四周，水平都可以接受。餐廳到處都掛有一些自家製作的裝飾擺設，頗有特色。在店員介紹下，先試一份象拔蚝刺身，象拔蚝切得薄薄，色澤通透，口感爽脆，味道鮮甜，幾好食。肉類生料試了手切牛肉、牛肉粒、黑毛豬、醉雞等等。手切牛肉色水紅潤，輕輕一灼牛香富足。牛肉粒油花豐碩，灼至七成熟，保持軟腍口感及少許肉汁，同樣美味。把黑毛豬切成薄片，生熟程度易於掌握，不會灼至鞋口，食味不俗。醉雞酒香芬芳，雞件滑身頗有鮮味。其他生料如墨魚丸、午餐肉、韭菜餃等都頗有水準。各式菜蔬都孟新鮮，葉菜尤其翠綠。連墊於生料碟底的蔬菜也同樣質佳，可見其誠意！