鮨文 (已結業)

朋友強烈推介嘅餐廳點都要試吓啦午餐分兩段時間包括12:00及13:45我們選了12:00食Omakase最緊要準時我哋當然係喺門口等開門帶位姐姐有啲寸亦係全個experience最差嘅一環如果連佢都改善埋 就真係一百分💯我哋揀咗$880嘅Tasting Menu嘩⋯好味到一個點而家逐一介紹首先係呢個蟹肉蒸蛋個蛋係熱到㷫嘴嘅好鮮味跟住係漬物八爪魚加兩種刺身個八爪魚非常淋 而且好入味刺身係油甘魚同秋刀魚秋刀魚經過火炙 唔會腥然後係酥炸帆立貝帆立貝咬落去外脆內軟啲肉一絲絲好新鮮幼鰤壽司好鮮甜青目鯛壽司加咗少少蘿蔔蓉再火炙唔記得呢個係咪象拔蚌但係上菜時佢仲郁緊㗎牡丹蝦加上蟹麵豉味道好似加咗蟹膏咁三文魚子非常新鮮海鮮湯用個茶壺上頭兩杯建議就咁飲之後便可以加入青檸汁穴子壽司算係最普通㗎啦呢個海膽飯簡直係全日嘅highlight海膽多到不得了而且非常新鮮非常好味呢個手卷都係有別於一般平時手卷只係個頂有材料呢個手卷係全個手卷都有材料

我第一次在香港食omakase，原因是我覺得在香港很難吃到很美味的日本菜。而價位去到$2000一位，我就寧願去酒店食法式fine dining好過，起碼質素好似有些許保證。這次就當是滿足一下好奇心，膽粗粗去試一試omakase究竟行不行。於是試了離屋企比較近的這間，結論是果然食法式fine dining好過。（可能有其他omakase做得好好，但這間給我的就是這個感受）先來一個三文魚籽蒸蛋，用昆布湯來蒸蛋固然好吃，但付出這個價錢最少要有這個水準。接着是水雲附土佐醋+來自關西的真名鰹+赤崎蠔，除了很大隻外，這個𧐢算是整晚比較突出的口味，after taste比較乾澀，應該鐵則較重，我個人很喜歡。鮟鱇魚肝本身口味就比較淡，但我就無喜愛無不喜愛。香箱蟹拆肉混和蟹膏，再拌以煮蟹得來的高湯凝膠，應該要蟹味很鮮濃，但出奇地整體味道很淡。吃到這個時候，我心裏有個感受，覺得這間餐廳主要是食珍貴新鮮食材，但食物處理調味卻不甚了了。我是認為加適量的多樣的但合適的調味，往往更能提高食物本身的鮮味。吉列帆立貝配他他醬是好吃的，帆立貝新鮮大隻，現炸得剛剛好。但我有疑惑這麼快食炸物不會蓋過之後魚生的味道嗎？鹽燒白

幾經辛苦，終於去完西藏，仲要無高山症，當然要熱烈地彈琴熱烈地唱，嚟鮨文又食omakase！茶碗蒸一打開個蓋，入面充滿自家製三文魚籽，每粒都晶瑩剔透非常飽滿，同外面嗰啲完全冇得比，係清甜帶柚子香㗎！至於個蛋真係好滑溜，帶少少鹹香嘅茶碗蒸真係無得頂！刺身5款1. 平靜魚切咗絲嘅平靜魚，加入芝麻、蔥花及薑蓉，入口先食到芝麻味，但千祈唔好放棄，要繼續咬，啲魚味先會出㗎，記住唔好咬幾吓即刻吞呀！2. 天婦羅帆立貝帆立貝炸到半熟，上幾次食都係開邊後釀入海膽，但今次轉做微辣嘅明太子，再加上一片紫蘇葉，外面再包紫菜，外層好薄，一咬開入面一絲絲嘅帆立貝肉顯現易見，口感好之餘呢個配搭又好新鮮3. 櫻煮八爪魚之前幾次喺元朗店都未試過，原來係黃埔店限定！要花上3日去烹調，第一日同八爪魚做massage後用低温煮；第二日先用明火慢煮，期間每10分鐘檢查一次check吓個煙韌度；第三日先加入自家製醬油浸一晚，慢煮出嚟嘅八爪魚肉身依然係粉紅色，就好以櫻花咁，所以佢就叫櫻花喇。不嬲怕咬唔開而唔鍾意食八爪魚嘅我，完全係被震懾住！軟綿程度非筆墨可形容，簡直一咬即開，仲非常入味，又帶少少八爪魚鮮味！係非常花心機嘅一款菜色！

為慶祝能克服高山症，成功到達相信會係我一生能到達嘅最高地 – 珠峰大本營，去咗試鮨文嘅黃埔店，去鮨文當然係omakase，今之試了不起1850嘅，有好多嘢食，分別有茶碗蒸、刺生5款、壽司8款、雲丹盛、手卷、湯同果物食日本嘢，當然唔少得漬物，比平時嘅大碟，有子薑、黃瓜、淮山、牛蒡同紅酒橋頭茶碗蒸一上碟只見到三文魚籽，真係好多，先試一口三文魚籽甜甜哋，一問之下，原來係自家制，用醬油浸過，仲有酒香，再試下蛋，好滑，入面仲有帶子同菇刺生5款平靜魚切咗絲，加入由芝麻、蔥花同薑蓉，入口先感受到芝麻味，再咬多幾口，魚味出晒，一絲絲慢慢食，送酒一流天婦羅帆立貝帆立貝炸至半生熟，開邊，釀入明太子，配上一片紫蘇葉，再包上紫菜，入口外脆內軟，帆立貝仲係一絲絲的櫻煮八爪魚呢個係黃埔店限定的，烹調時間要三日，第一日要先同爪魚按摩，再用低温熟成，第二日就開始用明火進行慢煮，仲要每10 分鐘檢查一次，到咗第三日就加入自家製醬油浸一晚，之所以叫櫻煮係因為煮完之後爪魚係粉紅色的，好以櫻花咁，同平時食嘅八爪魚好唔同，淋到難以形容，仲要好入味，喜歡辣嘅朋友，可以試吓點柚子胡椒醬酒蒸鮑魚係來自九州嘅鮑魚，用清酒慢火煮7小時，