靚煲皇 (已結業)

原本約了朋友在星期日喺靚煲皇食飯，但＂山竹＂來襲，所以被迫取消！於是大家改約了星期三放工再去過。我喺觀塘返工，所以朋友喺朗豪坊等埋我才一齊行去靚煲皇。上次同另一個朋友吃過麻辣香雞煲，今次試一試個花膠老爺魚鍋，揀了胡椒蘿白做湯底$398。（加送了鹹酸菜^_^）另外點了四寶餃$78丶生猛海鮮（海蝦）$58、手打墨魚滑$98，2個人食，份量充足，食到捧腹😋。老爺魚係生猛海斑，切片上碟，魚鍋上枱時已幫你放了好多斑片丶花膠喺入面，所以唔使淥就有得食了！食完鍋入面的斑片再淥碟上的，這樣可以保證食到魚的滑溜同鮮味！大片花膠口感腍滑，Q彈十足，男仕都要補一下骨膠原。竹筒載住的墨魚滑賣相別緻，朋友用匙羹做出大小不一嘅型狀放入去淥（幸好冇影響口感😅），口感很爽很彈牙，沾少少甜醬更加好味！這裏的四寶餃有雲吞丶水餃、韮菜餃丶野菌雞肉餃，共8粒。我最愛食韮菜餃，韮菜香味突出，一試就知是新鮮即日包的，雲吞亦不錯👍🏻！🦐海生蝦一碟8隻，竹簽穿住放便淥又方便剝殼，沾少少蒜蓉丶辣椒豉油，非常鮮味😋！最後才撈起吸收左之前海鮮同肉類精華的蘿蔔，又腍又甜，非常正！最後只剩低奶白的魚湯，如果個肚仲有位置，真想叫多碗白飯黎做湯飯

秋風起就諗起打邊爐上次係靚煲皇食過番尋味因為材料真係好新鮮，而且都幾抵食老闆服務一流又好傾，佢會主動教我地點食先係最好食所以今次聚會地點又決定黎番呢到其實我係貪佢有usb插頭叉電同埋wifi多到比我開直播都得其實仲有響玲同烏冬！不過只可以擺12張相，見上次擺左就忍痛放棄啦🙈鮮炸自家製響玲極度推薦大家試！真係新鮮腐竹炸出黎🤤🤤所以可能比其他食物耐小小先到，但岩岩炸完個下真係香到癲，吸埋個湯勁好食，每次黎都必叫！烏冬又係勁彈牙，都係自家制架！無普通烏冬既酸味，建議大家淥一陣就好食，唔好浸到淋曬，曬左個靚烏冬呀！

之前都有同朋友去過依間打边爐，食過翻尋味，今次要再嚟同屋企人嚟食今次要極力進介極上肥牛，肥牛賣相又靚又新鲜又好味，肉質鲜甜又滑脆鯇片很爽脆，好鮮美，厚薄適中，賣相雪白晶瑩，愛食魚的我，一定要追加手打墨魚滑肉質夠實夠鲜，手工好，工夫了得，每次嚟食，都一定會叫

香港人除咗生活急促，生態仲好獨特，例如鐘意冬天食雪榚、夏天打邊爐，突然挑起條筋想試下「如何大熱天時打邊爐」。不過人大咗，相對起「任食」，「質素」更形重要，記起大角咀有間「靚煲皇」，搬鋪後一次都未去過，於是就約埋男公關再次出征。成年無嚟過，由樓上鋪搬去對面街樓的地鋪，雖然Size好似差唔多，不過裝修同座位都大有進步，由平民化升級感覺更高檔。檯凳新束束之剩，亦有椅背，坐都坐得舒服啲。冷氣通風都唔錯，雖然夏天，有冷氣打邊爐無難度，而且食完唔會個身一陣「邊爐味」。仲有細檯仔同籃用嚟放袋用，相當貼心。特別要讚嘅係除咗有電視，仲有Wifi同USB差電口，慢慢一邊打爐，一邊打手機Game長期作戰無難度！一埋位阿姐就送上前菜，花生瞬間掃清，但酸瓜對好多人嚟講就真係太酸，幾乎無乜食過。除咗前菜，阿姐亦會遞上醬料Box，方便客人依個人口味「混醬」。邊爐湯底有好多種，除咗平時嗰啲「沙嗲」、「皮蛋芫荽」等，仲有「冬陰功」、「豬骨煲」、「花膠海參雞」等多種特色湯底。亦有少量鑊氣小炒，不過打得邊爐就唔叫Lu。靚煲皇 $238雖然想叫「花膠海參雞湯」，不過因為有朋友唔食花膠，最後都係要「靚煲皇」。本身就係胡椒豬骨煲