Second Bite Bar & Grill (已結業)

之前起openrice見到呢間小店已經好想試下，朋友喺附近返工，所以今日放工就約佢去食啦！舖頭既裝潢設計玩味十足，好有藝術氣息，牆上面同埋天花都有唔同嘅圖畫，環境都幾chill，最岩放工黎輕鬆下。見到餐牌選擇好多，唔止西式，仲有日式嘅刺身等等。不過我哋今晚都係揀咗食海鮮為主嘅。越南野生大頭蝦蝦汁扁意粉意粉好彈牙，再加上蝦汁，再配上非常新鮮爽甜的越南大頭蝦。店員上菜時仲專登提醒我哋要將蝦汁淋上去先食，更加帶出大蝦的鮮味。隻大蝦有手板咁大隻，個蝦頭充滿住蝦膏，好邪惡啊手抓海鮮我地揀左膏蟹，扇貝，同埋粟米，用蒜香牛油炒。店員會先比圍巾同埋膠手套你，咁樣食海鮮嘅時候就唔怕整污糟雙手啦。用蒜香牛油炒嘅海鮮唔會蓋過本身海鮮嘅鮮味！環境，食物，服務都好好，食到好滿足喔

平時好少去長沙灣食野，去開西九龍做野，於是就約埋男朋友係呢頭周圍行下，順便發掘下有無咩好野食。行行下見到Second Bite呢間餐廳，名好有趣，好似話俾你聽，當你食完一啖之後，你就會再食第2啖，第3啖咁。望落個門面都幾有特色，裝潢有少少美式工廈風風格，應該係個唔錯嘅選擇，於是就走左入面，獻出我地GE第一Bite！餐廳好有藝術同鬼馬嘅感覺，上上下下，左左右右都掛住唔同嘅畫作，畫風帶點幽默嘅，帶點超現實嘅感覺，好似想帶你走出現實咁。黑色嘅牆身，簡單咁有一個字句「I Love you to the moon and back」，今日同男朋友黎食飯，而另一句正中心坎，不自覺咁笑左出。=)桌上已經擺好左餐具迎接我地，而我同男朋友亦都好急不及待睇餐牌，點野食。我地叫左個頭盤 凱撒炭燒雞扒沙律($128)，本身打算用黎墊一墊肚，等主食到，估唔到有意外驚喜。菜、麵包粒、同沙律醬我覺得係食料到位就OKAY嫁啦，令我地驚喜GE係佢GE雞扒，雞肉經過調味，有D咸咸地甜甜地GE燒汁味，雖然唔知隻雞係咩名堂，但肉質非常、非常、非常之嫩 同埋 皮好薄，完全食唔到有肥膏。我本身唔食雞皮唔鐘意佢果種口感，但佢GE口

New spot！住喺荔枝角區要試fusion 菜真係選擇唔多.之前見到網上介紹，專誠同班老友一齊試下！超驚喜！我地一行6人主打試左佢地嘅手抓海鮮，係正嘅！每樣有晒價錢份量，自己可以揀鐘意嘅海鮮份量！當日我地點左膏蟹（真係超級爆膏）,波士頓龍蝦（係新鮮彈牙嘅），其他青口、蜆同翡翠螺等都好肥美。當然有多d款式選擇會更好。 不得一提嘅係佢地個海鮮盤配有好多款蔬菜配菜選擇，配埋佢地個招牌辣醬炸秋葵勁正！罪惡感都冇咁大！牛扒今次揀左日本空運嘅頂級飛驒牛，超juicy 同牛味勁香口。不過份量有d大，人少d都食唔晒。最最最愛嘅係招牌大頭蝦意粉，隻蝦真係仲大隻過埋意粉，好少見到有咁大隻嘅！另外要提提佢地嘅水果茶炮，係有誠意嘅，茶味同水果味都好出，仲配埋新鮮水果！不過當晚可能人太多，入面環境音樂太大，建議可以將音樂收細，方便傾計店員服務好好，好細心，上海鮮盤時會主動幫手帶上圍巾！

上網睇到有海鮮食 所以過嚟試下 環境唔錯 牆上面嘅畫好特別 出面有得泊車都幾方便！睇得出佢哋好有心思🧐第一次係蕉葉上面食海鮮侍應好細心咁幫我地帶圍裙嘢食好精美 侍應都好健談。唔錯係一間幾特別嘅餐廳值得一試 會黎再食☺️個沙律好足料雞翼岀到黎熱辣辣🍺🍺真係要讚下個意粉 個意粉軟硬度啱啱好個汁好好味嗌左6款海鮮 4款蔬菜有幾款醬汁可以揀 蒜蓉牛油 胡椒奶油我地最後揀左佢地既招牌辣汁 小辣個招牌辣汁好特別 好適合送啤酒🍻完個海鮮已經好飽 食唔洛甜品🍮下次先再試

之前經過以為係酒吧黎，後來有店員企門口先介紹到係食海鮮。睇過圖片後就忍唔住當場訂定3日後既位。今次試食既係$888海鮮套餐第一次係芭蕉葉上面食海鮮😂套餐限定有齊9款海鮮，仲包埋雞肉豬肉，蔬菜同埋飯麵，真係一次過齊哂，唔洗逐樣叫。重頭戲係個secondbite特製辣醬，有大中細辣揀，醬汁夠濃，唔夠醬可以再另上，食落去辣得黎又過癮香得黎又唔會俗。杯IceTea係手調，喝落去酸酸甜甜好過癮。因為準備海鮮都要啲時間，所以前菜就叫左個凱薩沙律。另外亦都有介紹白酒同香檳，適合成班人聚餐。小食都係即叫即整，好香口。雖然係新鋪，但係睇得上餐廳都好有心思，廚房都落足功夫，有師傅仲出黎大廳問我地意見，店員亦都每時每刻留意住我地有冇需要態度好自然，完全唔似新開餐廳個種陌生同緊張氣氛，最緊要係見到店員相處融洽真係令人有在家既感覺。食得西餐預左唔便，不過最緊要食物既質素對得住個價，今餐係抵食既不過希望餐廳會出優惠咁就更加引人入勝*海鮮套餐要提前一日訂，如果walk-in 就散叫