閨•家 (西九龍中心) (已結業)

又黎深水埗食呢間野，今次主要叫小食為主～不過都叫左兩個主食～真係好平好抵食！今次試下個新既鰻魚炒飯先！😋呢個炒飯好足料好大份，用日式豉油炒出黎，味道偏甜，口感唔似茶餐廳果種快炒乾爽既飯，係比較軟既口感配搭埋粒粒鰻魚，都係唔差既！豬扒蓮藕餅飯都係每次黎會食既菜式之一，今次個擺盤都幾靚🥰 豬扒入味，唔會太乾～今次叫左4碟小食🤪多到張枱都差啲擺唔落，因為佢每碟都份量十足！炸饅頭依然係我必食既野😛呢個涼拌海蜇手撕雞都幾正，朋友都覺得幾好食😋用雞髀肉黎整，每塊肉都係嫩口～手拍青瓜夠開胃！老火湯依然出色～呢個價錢其實真係好抵食～

搬出嚟住之後唔係成日有機會飲到媽媽嘅叫湯水，之前都會去買啲湯包返屋企飲，不過如果有食店可以食埋飯我一定會衝去食～一路聽聞良心店閨家嘅湯水好正，今晚放工就去左食晚飯，叫左每枱必點嘅招牌豬扒飯，呢個係香茅豬扒，食落甜甜地，豬扒好腍，伴碟嘅有香蔥油同埋梅菜，加埋白飯有較製過嘅豉油，唔覺意會食多咗！梅子金沙骨以為係好熱氣嘅菜式，嚟到時見係炆煮過嘅排骨，肉有咬口，但唔會黐哂牙咁，醬汁甜甜地，易送飯，同行友人表示煮得好食過佢娘親煮果個⋯我嚟呢度最主要係因為碗湯，湯水款式日日唔同，我去嘅果日係海底椰栗子煲豬展唔係味精湯，係好媽媽味嘅湯料，湯料好足，湯水好清甜！我真係好滿意～小食叫左手拍青瓜同埋滷水豆腐，兩樣水準都幾好！食完飯飲埋湯基本上好飽，尤其豬扒飯居然有兩大塊豬扒，份量真係好足，兩個人再叫兩個小食真係多左少少⋯無時間煲湯嘅上班族得閒真係要嚟飲碗湯💛

曾經食過北角分店既閨家，回味無窮，但平時收工真係好少去北角。今次嚟到深水埗，餐廳大排長龍，試下味道如何先。招牌豬扒飯兩塊好大塊金黃色嘅豬扒，揼得好鬆軟，好容易就咬得開，而且醃得好入味，送飯一流。手刴香煎蓮藕餅 + 甘荀麵蓮藕餅外層稍為煎香，每啖都咬到爽口既蓮藕。甘荀麵既麵條好長偏軟身，都幾唔錯。蟲草花百合無花果煲豬展最值得一試既係每日唔同既老火湯，鮮甜滋潤得嚟飲得出無落味精，煲足4個鐘，係誠意之作。手拍青瓜蒜蓉醬好惹味，食落有少少辣但係絕對接受得到，份量都唔少。⭐️ 炸饅頭外層香脆熱辣辣，配埋煉奶真係錦上添花。簡單既小食都整得好有水準，絕對會再翻兜呢間餐廳。

閨家呢個名聽就聽左好多次，但咁耐都未有機會食，今次黎到深水埗撞岩新開冇耐嘅閨家就試一試！💛香煎蓮藕餅豬扒飯 $56 +溏心蛋 $6蓮藕餅真係好好好好味！平時都好鍾意食蓮藕，呢到蓮藕餅好香，仲好爽好有咬口，又唔會好似平時啲肉餅咁油👍🏻👍🏻👍🏻豬扒都超好味，又淋又入味，好正！溏心蛋就貪得意另外加嘅，就咁食嘅話有點兒太鹹，一定要送飯💛手剁鹹魚煎肉餅飯 $48呢個肉餅又係超好味，鹹魚味勁香，鹹得岩岩好，就咁食都唔會太鹹，仲要$48有兩大塊肉餅，好抵食！💛手拍青瓜 $28真係估唔到28蚊有咁大碟青瓜，好抵食，對我黎講唔算太辣，少少辣少少麻幾開胃🤤🤤💛跟餐老火湯💛呢個不得了，唔怪得杜生飲完都咁大反應！同出面啲19餐湯差好遠，飲得出佢好重料，蘿蔔味勁香，超鍾意😋😋