越男仔

营业中

休息中

沙田特色越南菜之選🇻🇳性格比餐廳👍🏻食物、飲品款式多多😆份量大份又滿足🤰🏻🥥手撕雞椰汁酸湯檬粉 $82份量都幾足，面頭滿滿雞絲同蔥花，湯檬充滿椰子既香味，食落椰香濃厚得黎帶微微酸，幾開胃滋味🦐招牌蝦醬炒飯 $98份量都多，二人食都ok, 以蔥花、洋蔥、雞蛋、蝦炒香，飯粒分明，濃郁蝦醬味，整體味濃咸香🍋雙檸七喜 $30青檸及檸檬加上七喜，酸酸甜甜幾開胃🥒青瓜青檸 Soda $42青瓜及青檸加上梳打，清新怡人又消暑

又去左食越南仔啦 依然係滿座!今次主攻返麵食 份量都好大碗差唔多次次都食唔晒🤪.◽手撕雞椰汁酸湯檬粉 $82湯底的椰汁味好濃 帶微微的酸香頗開胃特別的 檬粉幼滑爽口卦湯手撕雞份量也適中.◽越男仔生牛湯河粉 $88湯底比較清澈可口 唔會過於油膩店家還提供調味架 可以自行再調配味道牛牛大大片之餘入口嫩滑如果怕生的話 建議可以浸耐啲湯🤪河粉仲好滑順!.◽冰凍水果茶 $32加左好多雜果的水果茶甜度適中 夏天飲真係岩晒

經過呢頭 心思思想食越南菜 就行左入去兩個人食三個菜 剛剛好飽其中包括 🥚窩蛋烤牛肉生菜包🥗牛肉🥩有d紅白酸蘿蔔絲 🥕係隔離 加埋只雞蛋拌埋一齊 雖然唔似得豬肉生菜包 但係另外一番風味🐔手撕雞椰汁酸湯檬粉椰汁🥥湯底唔會太酸可以接受範圍內 手撕雞絲算足夠 檬粉🍝唔會太淋 反而爽口 🦞越式海鮮蝦油炒金邊粉呢度菜式一定要一上菜即刻食 撈埋一齊 鑊氣充足 唔會太油唔會太霖 火候🔥掌握得剛剛好 鮮蝦🍤有d彈牙算唔錯🥥椰子沙冰好彩點左椰子🥥沙冰 因為生菜包裡面有d辣椒🌶️剛剛可以緩解辣味 剛剛好😂🫖香茅薑蜜暖身養胃 香茅味道可以接受 飲完落去個身暖笠笠🥰

今晚約左個住沙田嘅朋友食晚飯，由佢帶路嚟到”越男仔”。門口見到寫住”十三週年”慶祝活動，可見佢喺河畔花園附近眾多食店中都有一定歷史。店外已見到兩個大餐牌，部分小食仲有優惠大激賞外賣自取除咗有9折外，滿$90 可以加$1就有一份例牌海南雞，真係好抵。餐廳內佈置有趣，貼左好多溫馨提示，真係幾有趣。1. 越南蒜香牛油雞翼(5件)($65)，首先職員好細心，上左雞翼後立即送上骨碟，值得一讚。雞翼炸得外皮香脆，充滿牛油同蒜香，內裡雞肉好熱辣辣，好好味嘅一道前菜2. 手撕雞椰汁酸湯檬粉($82)，碗粉上枱時真係嚇咗一跳，真係好大碗，份量十分足料。最出色係個湯底，由越南酸配上椰汁，少少酸，食落十分醒胃，好適合夏天食用，酸湯底係重點推介另外，手撕雞份量十分多，配上黑椒調味，確係出色上粉後，職員好主動遞上調味架供客人隨心使用，又一細心表現。3. 串燒拼盤($142)，內容豐富，牛肉、豬頸肉、雞肉各兩串，菠蘿一大塊。菠蘿新鮮好甜，豬頸肉肥瘦適中，再配上有花生香味嘅沙嗲醬汁，又一驚喜之作整體而言，職員服務態度良好，食物水準之上，值得一試再試。

招牌簡單青綠色，入到去感覺好唔同，好多盞鬼裝飾，餐廳都幾大，好多2人/4人卡位。食物款式好多，要選擇都要啲時間，💰價錢偏中上。✨味道74分，環境75分，服務72分。.🔸手撕雞椰汁酸湯檬粉($82)手撕雞的確幾香幾入味🐔，咬落都滑👍🏽湯底個味幾特別，平時好想食呢一個味道配搭。佢有椰汁香🥥，但係配酸酸地既味道，湯底配上檬粉🍜，整體都幾開胃😌。.💈沙田沙田圍路1-7號勵城花園地下1號舖