豚道樂 (大河道) (已結業)

同友人到荃灣閒逛，上次都係食呢間門口有兩三人等候，大約十分鐘就安排入座Bar枱位置有得叉電，都幾細心飲品先到我叫咗白提子梳打，唔太甜又夠氣，幾好友人則點了此綠茶可樂，一開就聞到大大陣綠茶味，隔兩日友人到便利店再飲其他牌子綠茶可樂，表示此綠茶可樂較佳友人點了原味拉麵，湯底夠香濃我就點了特上櫻花蝦拉麵，頭啖湯有濃濃蝦鮮味，櫻花蝦數量多得驚人推介大家食粗麵，爽口彈牙，掛湯能力高無需用匙羹都可以做到一啖面一啖湯嘅境界仲追加咗呢個肉，味道甜而不膩，用蜜糖燒又可減少油膩，大讚餃子控嘅我，點都要食餃子，皮薄，肉好多點咗餃子汁去咗油膩感成餐拉麵一d都唔油膩但係唔小心發覺友人原來係個油膩男

今日咁岩行開荃灣又好耐冇食拉麵,就揀左呢間試試!入到去侍應安排左窗口位。一坐低就見到枱上面有usb線畀人叉電,好貼心!間店既裝修同擺設都幾有心思,侍應仲提我地枱下面有鈎可以掛袋,夠曬方便!睇睇Menu,見到款款都好吸引咁!最後Vi點左碗冬日限定既辛味番茄芝士拉麵、餃子同一支抹茶汽水。面方面揀左曲麵,硬度就揀普通。配料方面揀左青蔥同豬腩肉,冇加辣醬。落左單之後等左十幾分鐘麵先到,可能星期六晏晝間店都幾多客,所以等得有少少耐。不過麵一到心情即刻好番曬,成碗麵望落去同 menu幅圖都有九成似,好吸引!配料埋得好整齊,聞落去都好香蕃茄味!食落去d麵都幾彈牙,軟硬適中,岩曬Vi既口味。而湯既味道濃郁,唔會太咸,蕃茄味好夠,不過略嫌有d杰。而芝士味雖然唔係好濃,但撈埋蕃茄湯同紅洋葱個味道幾match!而且半溶既芝士掛係麵到食到芝士既質感,但就無咩辛味~~塊豬腩肉都幾肥,不過因爲夠薄同埋有略略燒過咁,所以都可以接受。同埋皮個個位有d un,要用多d力先咬得開,但同樣因為夠薄既關係而唔算好大影響。餃子方面,個底脆脆地做得唔錯。個餡雖然只係普通豬肉同椰菜,但食落啖啖肉,都算唔錯啦!另外支抹茶可樂幾特別,

上次在荃灣吃另一間拉麵（拉麵台風）感覺好差之後都有一段時間冇起荃灣食拉麵，今次又來荃灣覓食。見openrice 呢間拉麵小店有不少好評，於是來試試！等左位大約十分鐘就入內，侍應十分周到，幫我擺袋之餘亦介紹店內有提供充電線，十分周到貼心黑蒜油豚骨拉麵湯底濃郁，唔算太油膩，蒜味亦十分濃郁，但略嫌湯太少，食到尾已經冇哂湯叉燒方面十分薄及嫩滑，入口即化溏心蛋略嫌太熟，唔夠溏心麵質方面，控制得當，選擇硬麵條真係有咬口，唔會煮到爛整體而言十分不錯！抹茶可樂身為抹茶控又點會唔試下，不過好可惜冇乜抹茶味，似飲糖水整體而言，十分不錯的拉麵小店！

一開始就俾呢個名吸引住，加上屋企過黎都好方便，所以一個人過黎食。下午茶時間黎，人不太多，故不用排隊。店員友善的將門推開，高聲嚷著日文 "歡迎"。第一感覺，不錯。環境整體都好舒服。有大木台適合大顆人。落地玻璃—排座位更適合單身食客。位子上都附有一組可供不同型號電話的充電線仲有Free Wifi 好方便常爆數據人。店員不厭其煩的向每一位客人解釋每一款麵的特別。例如粗的麵鹼水比較重。不同部位豬肉的口感等。最後點了碗特上原味豬骨拉麵 - 麵質選擇了硬配幼身麵，另加芽菜本身比較怕過份油膩的豬骨湯底(有D總是勁過過橋米線面嗰陣油，你懂的！：P)呢碗唔油，飲落去湯濃。流心蛋個心"朗朗"下豬肩肉及腩肉各兩片，正好滿足我樣樣想試下的心態。唔會係"全脂肉"，愛亮晶晶肥膏的人也許會失望。份量女生剛好，或者會食剩兩啖男生也許需要加底。本身係抹綠茶控，所以必點呢枝抹茶汽水。坦白說，茶味唔覺有。有過口味幾清新幾得意。個樽真心想私有化帶回家。仲有款招財貓樽裝飲品貓貓控不要錯過喔！下次吧！給自己多個藉口再黎。