蜜密 (已結業)

聽日紅日，唔使返工，飯後再同閨蜜嚐甜蜜既時光!可能呢間隱世既甜品店位置太僻，唔使排隊。店內雖小，但俾人溫暖既感覺!最適合同知己談天說地!等左大概15分鐘，第一款甜品已經好吸睛，好似宇宙中既太陽同月亮相對住，好有心思!太陽既表面係甜甜既麥芽糖絲，打開蓋，內有細塊夾雜朱古力粒既牛油餅酥，撥開餅酥，碗底有一層甜度適中既朱古力醬，將餅混合一齊食更好味，唔怪得叫secret 喇，原來內有乾坤! 代表月亮既係雲尼拿雪糕，雪得好凍而且唔太甜。唯一美中不足既係餅酥唔夠脆且有少少韌  講味道既話呢款抹茶心太軟真係無得輸，賣相亦不錯。雪糕係特別既豆腐味，至於主角，輕輕一切，熱辣辣濃郁抹茶味既流心湧泉般流出黎，要擋都擋唔住呀，配上略有蜂蜜味既軟蛋糕，實在一絕!

元朗鳳琴街陰暗一角有間精緻甜品店**蜜密**店舖座不多，亦比較窄，裝修簡單。不過見好多元朗友都推介佢地既抹茶心太軟同honey secret，等我地又試下係咪咁好味先！

食完個晚餐之後就來到這店食飯後甜品    我相信不論是男女老幼都愛甜品的。呢間店嘅面積好細，但就係大有來頭! 乜野來頭我就唔清楚，總之好味就得啦!齋睇已經超吸引 型男或甜品? 我揀 甜品 抹茶心太軟 有心太軟蛋糕一件，跟紅豆、丸子、水果、一篤cream，抹茶雪糕一球。用刀輕輕力切一切就爆晒d流心醬出黎! 流心的綠茶夠濃夠味。杏仁鳥結芭菲賣相靚靚，比起某d酒店有過之而無不及。味道細緻，而細緻之餘又好夠甜，既細緻、又好夠甜之餘亦很獨特! 就係呢一種使人難以忘懷，妙不可言的這種 「既細緻、又好夠甜之餘亦很獨特」 的味道。味道好到爆燈，我係會再來幫襯囉! 真心 sweet 囉!

剛剛才在元朗食了一餐滿意既晚飯後，又決定來個甜品宵夜，一路上不停找路，終於搵到你啦，是近期頗為熱門的甜品店「蜜密」。之前聽過食友話甜品賣相很美，心裡固然有所期待。.店子的環境不大，一看眼晒，只有十多個座位，店主也有用心的佈置呢。.像這牆壁上貼滿客人的食後感小字條和拍立得相片，相信店子能與客人打成一片，感覺窩心。.看看餐牌，有中式糖水、涼粉/西米露、心太軟，拿破崙、窩夫、木糠布甸、奶凍、楊枝金露系列、果汁、小食和一些店子主打甜品，種類不少。但由於剛剛才食完晚餐，所以便決定和友人各點一個甜品。.抹茶心太軟 $48心太軟用上木盤上桌，木盤上用了抹茶粉灑上店子的名稱，伴了一球抹茶雪糕，另外也加了些紅豆、丸子、果肉和忌廉伴碟，整個賣相大大加分啊!.一切下流心非常澎湃，養眼度很高，深怕會流出木盤，真係超級流心。心太軟焗得唔錯，外帶微脆，內裡係蛋糕質感，配上滿滿的流心抹茶，入口帶有抹茶的甘甜卻不甜膩，相信一個人食晒整個不是問題啊。.比利時朱古力窩夫配雪糕 $50朱古力醬的紋理很有美感呢，整個感覺沒這麼單調，窩夫口感外脆內軟，配上朱古力醬同吃頗為滋味的。