蜜密 (已結業)

我係napoleon既超級fans!食過paris既作品~一試愛上..誓要尋找最好食既拿破崙! 好食既宗旨係:新鮮既酥皮唔會有水氣~要crispy鬆化脆口+蛋香奶油味既custard!而非cream+sponge cake!入到元朗，爭扎緊今次試邊間甜品好，最後揀左「伯爵茶奶凍」同「星星月亮太陽」！唔知點解個奶凍又有雪糕又有cream同栗米片。。其實簡單d好！而我怕拿破崙唔好食，所以冇單點，叫個招牌一次試三味！酥皮0鬆脆+吉士0香同極少雲呢拿籽！幸好不是單點！雪糕很普通，楊枝甘露還可以！應該冇下次！

< 和蜂抹茶心太軟配雪糕 $52 >和峰心太軟係用上優質進口抹茶粉，加上本地新鮮峰蜜，減少日常所用既砂糖，更加健康！食落去的確係食到香香既蜂蜜味，而內餡流心程度適中，抹茶味亦頗濃，冇被白朱古力喧賓奪主，絕對食唔有偷工減料既情況，而旁邊係豆腐雪糕，冰感重，豆腐味偏淡！

元朗既甜品真係多到數唔曬！而依間雖然坐落有d迫，同人流好多，不過咁靚既甜品一出現，個人即刻心情良好！星星月亮太陽 綠茶心太軟味道香濃，甜而不膩！食完甜品，當日心情即刻好曬！

好日都唔會入黎元朗，唔系今次去接朋友放工都唔會入元朗。朋友到，有d肚餓，食個甜品先，見到呢間叫蜜密嘅甜品店就入去試試。兩人點左兩個，一個系黑糖姜汁綠茶湯圓，一個系佢地嘅主打Honey Secert。湯圓賣相都幾好，好晶瑩剔透，可以睇到入面嘅綠茶餡，食落d皮煙煙韌韌，個餡好有綠茶味，同我覺得最正系個湯，好濃郁嘅黑糖同姜汁。到主打個Honey Secert上，外形好吸引，好靚，成個用糖整成嘅金絲球波波，呢個系真係要d技術，都幾好食。波波裡面系好多粒朱古力酥，朱古力酥都夠鬆脆，但可惜裡面朱古力醬唔夠多，傍邊個雪糕都唔錯，好重奶味。

元朗多美食 係香港人都知啦～尤其是係甜品呢！所以今個星期六晚就約左好朋友去食糖水兼吹水喇！呢間店係元朗西鐵站附近～過條橋就到！很方便架！去到大概9點半，入面已經坐滿人了！不過好快就入得去得蜜密 緊係要食佢地嘅綠茶蜂蜜心太軟&星星·月亮·太陽啦！呢2個甜品係排係頭2位，唔食 好像對唔住自己～講下個綠茶蜂蜜心太軟先!嘩嘩嘩～真正的外脆內軟，d 綠茶醬好溫暖，唔算甜，但綠茶味都算濃，連埋外皮一齊食，有種窩心嘅感覺～另外仲有豆腐雪糕～個雪糕雪得好夠～唔會好快溶食完心太軟先食都唔怕而且食完濃濃的綠茶心太軟 食返個清香豆腐雪糕，又是一種感覺跟住講下星星月亮大陽呢個星星係楊枝金露，有芒果肉， 柚子肉，西米露～芒果味不算濃, 可能是時令的問題, 但都算清甜的如果有吸管會方便點, 因為用匙羹有排"不"好似我呢d咁心急ge朋友, 應該好想一手拎起, 然後一啖飲哂佢!!!哈哈!!月亮是芒果拿破倫最喜歡食酥皮, 呢個皮好鬆脆,連埋d cream都芒果真的很夾!而且有3層!! 真係好夠皮呀!! 哈哈 至於呢個芒果雪糕, 就有好濃的芒果味啦!!!而且又係雪得好硬下!!唔會好快溶!!喜歡抹茶同芒果ge朋友仔~可以試

同屋企人食完飯,行左1陣,屋企人大家話食甜品,又唔知邊到有,,咪即上openrice睇下,見依間幾好又係隔離街,就1同5人去食,去到餐廳,地方不算大,1坐底我就即點HONEY SECRET,因為之前睇openrice見到,我心巳選定1定要食haha!但要第15分鐘,服務員話因為需時制作!等了15分鐘真的黎到,真係好得意,原來睇實物比相,係大好多的,入面底層有細朱古力粒, 酥皮朱古力醬. 雪糕雲利拿, 上面原來係焦糖醬做的, 焦糖波係手工野黎, 所以要整甘耐, 整體幾好,但價錢就貴d

今晚同亞媽食完飯....見仲早...所以去左搵甜品食..~見咁岩係鳳悠東街所以就黎試呢間講左好耐好耐都冇食過既甜品...一入到去...坐位都唔係話算多...但一抬頭....就見到有好多甜品選擇了...我就嗌左個和蜂抹茶紅豆窩夫配豆腐雪糕 抹茶窩夫重蜜糖味,但落得太多朱古力醬喇!有點兒冇左抹茶味! 但豆腐雪糕味道好突出!呢個要讚好...原先以為朱古力味咁重豆腐味唔方會有...但竟然唔係...旁邊亦有小丸子和紅豆蓉!紅豆蓉亦算好味,不太甜!份量多到不得了....建議2個人食啊..之後再嗌左個【星星，月亮，太陽】2個對比的話....這個會更為喜愛....首先佢有甜甜的MANGO雪糕...份量是一球啊..中間便是MANGO拿破倫....即叫即整....香酥鬆軟....中間夾著的吉士醬是大愛的....雖然是很肥...但當吉士醬遇上甜甜的MANGO....簡直美味極了...到了最後還可以來一杯...楊枝甘露....因為本身已好口渴,,但看見店內寫著不提供清水...所以有了一杯...楊枝甘露最能解渴了楊枝甘露不甜不酸...入面加以有新鮮的果肉....份量適中...西米亦煮得恰到好處....如果每晚也

食完飯行返去元朗西鐵站坐車返去，經過見到有間細細甜品店就入去試下。坐置吾多大約十幾個位，餐牌設計幾特別和牆上有手繪的主打甜品都幾得意。Honey secret $98：人手做的焦糖波波，少甜可以淨食都可以，裡面有新鮮焗制的朱古力粒粒酥。原來下面仲有朱古力醬，一齊食甜味剛好。仲有雲利拿雲糕，可以清下喉嚨都吾錯。甜蜜王國$108：黎到見到放的裝飾十分漂亮和大份，窩夫有蛋香但吾夠熱，朱古力心太軟朱古力味好夠和入面心太軟熱一起食味道不錯，之後雪糕我食曲奇，吾算甜所以頭先朱古力甜味可以中和返。最後是拿破倫，邊位燶左少少但好香和脆口，中間吉士醬好香而吾甜。

好味既綠茶心太軟真係好難搵，咁岩又係元朗試到🙈好濃既綠茶味，唔太苦，唔好甜😂 而且都流心既👍🏼旁邊配豆腐雪糕都好食，不過硬左d，好難叉黎食😂 星星，月亮，太陽以芒果為主，楊枝甘露普通，但放係旁邊細細既星星形柚子jelly就幾好食😜中間個拿破崙都不錯👍🏼皮脆鬆軟，d cluster 都幾好食 最後薑汁綠茶湯圓，淡淡綠茶味，不過如果可以流心少少就好喇總體而言，係會再去食😜

之前上網見到好多人都推薦佢地既綠茶心太軟我本來都系個綠茶控，所以見到咁多好評就緊系去食啦去到個環境系有啲細，不過衛生良好需然佢地既甜品款式比較少，但佢地既甜品款式都好特別，好少見，不過今次冇影到餐牌綠茶心太軟既綠茶味好濃我本來以為好淡，點知好足料佢加埋個豆腐味雪糕點綴翻，好夾總括黎講我覺得唔錯，平時試得多朱古力心太軟既可以試下

今晚走左入元朗同朋友食飯, 食完飯一定要食多個甜品, 佢帶我去附近人氣店, 一於試下先.入到鋪面都幾細, 枱有幾張, 黃金時間應該等位要一段時間.睇左一輪餐牌, 有幾款特別吸引既甜品, 而其他就較一般. 所以雖然覺得貴, 但都試左個Honey Secret ($98), 等左都有一段時間先上枱, 賣相係唔錯, 好特別.個金絲球體係糖漿整成, 打碎佢可以一片片食, 味道就係甜既味道. 入面有D麵包物體, 凍凍地又硬硬地, 可以點朱古力醬食, 唔算太特別. 另一個球體係雲尼拿雪糕, 呢個最正常, 有雲尼拿味唔會太甜.如果以呢個價錢都幾貴, 98蚊著左大半以上係手工錢, 因為基本上個甜品係無咩材料.

和老友食晩飯邊吃邊傾，埋單後仍意猶未盡想繼續談，此時便馬上轉場直奔到舊時元朗人稱作"雞地"的一帶，找一個地方落腳邊食甜品邊再噴口水....回看這兒之前的評論，竟發現是一面倒的讚好，在甜食店林立的元朗區內這倒是十分少見的。小弟著實亦甚有興趣來會一會她，看看是否真的一如所料般那樣出色....聽聞這兒也算是區內其一長龍店來的，但很幸運的今天來時卻不用排隊可以直行直入暢通無阻，相信這和外頭天氣太冷以及正值平日有些關係吧....可恨自己沒有事先沒有做功課，點完吃完後走出門外才發覺店內的推介是全沒有叫....真是太失策了....和老友隨隨便便點了兩份甜品。添置了斑蘭口味的焦糖燉蛋看上去就似和普通的creme brulee沒大分別，但放入口後卻驚覺其斑蘭香味是頗明顯的，而且蛋香及味亦相當突出之外亦蠻滑溜....配合著冰凍甜滑的呍呢嗱雪糕來同食，感覺的確是一如店名所言，是夠晒"甜蜜"....友人點的朱古力奶凍，口感是蠻滑的但可可味就未見太突出；置頂的朱古力雪糕被雪至硬如石頭。在此冰天雪地的情況底下這簡直是活受罪....邊在噴口水邊吃，事實上都無暇細意體會眼前食物之真味....唯有等下次有機會重臨再仔細

今日黎元朗工作，例牌又預早上op揾食，睇見蜜密有個"糖波",即刻就鎖定宵夜一定要揀呢間！店子小小，但裝修新穎，並沒有平時甜品店既頰窄感覺~牆上貼有食客既相片，還有可愛字體手寫menu,增添了一份親民感。這應是新menu吧？之前睇op食評menu不是這樣啊，新menu底部是木板，刻上店名logo,帶來一份原始且天然感。正面是卡紙，打開就是食物名稱及價錢，可是並不是每款食物都附上相片，例如店員推介我們點的<<抹茶的季節>>就沒相片亦沒有在名稱旁加上括號簡單介紹是什麼，在相機先吃既年代，只憑店員口頭上解說又很難說服客人點一份不知賣相而價錢不算平的甜品呢~不過既然店員極力推介，我們還是點了一份試試~抹茶的季節 $68幸好賣相不俗，其實是抹茶芝士凍餅及抹茶latte,配以小丸子及蜂蜜。抹茶芝士凍餅比平時吃到的芝士凍餅軟滑很多，抹茶味濃厚，芝士味不很突出，可是店家特意混入了小顆的cream cheese，的確驚喜，消化餅餅低雪過夜仍保持脆身，個人認為面層紅豆可以省去(相信主要是裝飾用途吧)，整個抹茶芝士餅已經很好吃！旁邊一小塊蜂蜜，店員告知是加進抹茶latte內同喝

夜晚同朋友係千色個邊食完SET DINNER，就散下步行過黎蜜密食甜品！天氣咁凍一定要食返D熱既甜品尤其係元朗天氣仲凍過出面抹茶心太軟 （hk$52)抹茶味香濃，甜度岩岩好，不過抹茶醬比較杰身，流心程度唔高，但配豆腐雪糕都幾好食，味道清甜，而小丸子煙韌有咬口芒果窩夫配雪糕（hk$50)窩夫屬厚身，外脆不過唔內軟，口感比較實心幸好芒果肉多又甜！

甜蜜密比利時朱古力窩夫（$52） 窩夫賣相一流，鋪滿朱古力醬，朱古力味都算係濃，岩曬甜魔。窩夫熱辣辣上枱，可惜因為太多醬既關係，食得慢既會淋左啲。Honey secret🐝 ($98) 上枱之前真係完全估佢唔到係咩黎架，好緊張！到上枱之後，真係要相機食先😍，係一個糖絲整出黎嘅大波...咦，未得住，原來仲內有乾坤！ 掀開個波，原來入面仲有朱古力餡拿破倫。 你以為咁就完😏？仲未！波波下面仲有朱古力醬可以用黎點拿破倫！食呢個甜品嘅時候司令真係覺得好驚喜，唔怪得叫honey secret啦。益力多沙冰（$28） 食甜野既時候禁不住要叫杯野飲清下喉嚨，所以司令叫左益力多沙冰🤓。冰打得夠碎，益力多一啲都唔姑寒，飲落好似細個將益力多雪係冰格之後拎出黎食咁。以後元朗又多個好選擇啦。