HeSheEat (白布街) (已結業)

HeSheEat比人最大嘅印象應該就係甜品,但係其實都有吾小主食可以選擇。黑松露香氣十足,一上枱就聞到,燉飯熟度啱啱好,粒粒分明,吾會太淋或太硬,雞肉肉質都幾嫩。墨汁味幾濃郁,意粉亦好彈牙配埋新鮮魷魚加上少少辣,都幾惹味,不過就稍為咸左D。流心效果都幾高,抹茶味都夠濃,不過就甜左少少同埋心太軟外層如果再焗脆D就更加好啦。旁邊嘅雪糕冰感亦太重,如果換球比較creamy小小嘅雪糕做仲好啦。厚鬆餅非常之鬆軟,而且帶有蛋香,加埋岩鹽焦糖醬仲有冰火交融嘅雪糕,相當吾錯。

推薦程度：食過會想再去食咁。推薦食品：檸檬焦糖班戟卷芒果拿破崙抹茶窩夫抹茶心太軟(嗰陣係隱藏menu，要問先有)重叫咗嘅嘢食：厚身熱香餅呢間鋪位𠮩𠹌到呢！淨係識行，要表達嘅話...𠮩𠹌囉！不過去呢到食都值值地嘅。首先要講HeSheEat啱啱發圍嘅時候已經有唔少身邊人去食，好劣評都有。直到自己真係去食已經係半年後(or even longer)。所以以我食到嘅呢個質素，佢哋水準真係有番咁上下(除咗熱香餅)。排隊嗰啲唔多講，就算係你/妳宜家睇到呢篇食記，即刻去，我相信都係要排隊！直接講坐低，位係比較窄嘅，但尚可接受，畢竟香港寸金尺土，人哋租個鋪位，重畀你/妳坐到大爺咁，一係佢啲嘢食收好貴，一係個老闆有錢冇地方洗。坐低有鬆又舒服傾到偈，okay la！到點嘢食啦，一人一樣，同行一個後生仔話要抹茶心太軟喎！我哋幾個未食過嘅聽到耳都豎眼都突！乜嘢嘢抹茶心太軟？！正當我地眼都曚埋嘅時候，佢四萬咁口同我地講：「唔洗搵喇！呢到(menu)冇架！隱藏menu嚟架！」即刻4個人4把口妖出嚟！結果就揀咗對上提過嗰五樣嘢！逐個嚟，排名不分先後。檸檬焦糖班戟卷個檸檬雪芭、焦糖、pancakes 夾到絕一絕！焦糖

成日見到HeSheEat既promote 以為會幾好啦點知個心太軟真係令我好失望.....甜到我想嘔..但係個豆腐雪糕都算ok 好濃豆腐味 最緊要係五會太甜個souffle本身五錯，但係食到最後竟然有pat甜到漏既朱古力醬！成個甜品扣嗮分個雞翼係家姐既，我無食，因為食完上述甜品想嘔☹️☹️☹️ 而且D waiter淨係掛住禁電話，嗌幾聲先應，態度真係！！！個心太軟等左成35-40分鐘！真係好耐🙁真係好失望

上X下BLYRA、上上下下左右左右XO⋯⋯兒時打機，最喜歡就是chok曬D隱藏人物出來。萬萬想不到今次在這間cafe裏，都chok到個侍應推介meun上暫時未有的甜品：抹茶心太軟配豆腐雪糕。原來這是一年前同Levis crossover推出的期間限定，因為很受歡迎，所以一直有供應。銅鑼灣店更已放入meun，但旺角店就沒有，要chok出來的。朱古力心太軟實在太普通，亦吃得太多了。知道有「新產品」，當然要試一下。這個抹茶心太軟果然名不虛傳，將勺子輕輕地放入綠茶蛋糕的心扉，濃稠的抹茶醬馬上溢出，抹茶味濃且香，一眾綠茶控定必愛上！蛋糕質地外脆內軟，上面更灑有開心果碎，香口之餘，口感亦更豐富。豆腐雪糕雖然並非主角，但淡淡的豆腐味中和一下濃郁的抹茶味亦是不錯。此外，還點了一杯榛子咖啡沙冰。沙冰打得十分幼滑，上面的cream亦非常軟滑，而且奶味濃郁。再灑上焦糖碎榛子碎，軟滑中帶點香脆，跟濃香的咖啡味配合得恰到好處。講座總是沉悶的，但過後能坐在如此舒適的環境中品嚐美食，忙裡偷閒，為這天增添不少色彩！

晚飯過後, 心血來潮想吃甜品, 旺角甜品舖多過米舖, 左選右選, 選了HeSheEat Café.與友人分別點了自己喜好的飲品. 我選了一杯冰凍有機玫瑰排毒美顏茶, 玫瑰花茶配上士多啤梨雪葩, 感覺消暑, 夏天最佳飲品. 經店員的推介下, 甜品分別選了檸檬忌廉班戟, 班戟皮薄; 配有滋味蜜糖脆脆和香滑乳酪. 另一款選了抹茶心太軟, 外表與一般心太軟並無分別. 外層疍糕充滿抹茶香味, 內裡流心的抹茶醬, 抹茶那濃味亦亳不吝嗇, 還有粒粒豆在內, 有口感; 再配以豆腐味雪糕, 一濃一淡配搭得宜.

被掛在店門外的霓虹燈吸引，我猜這有趣的名字是指男女都喜歡吃吧～餐廳裝修特色屬於有趣年青的一派，射燈都吊得很低，某程度上也是種藝術吧，不過二樓的吊燈有點吊得太低，太近會有點太光。牆上寫著一些甜品的選擇，回想起讀書時畫黑板的回憶～真是貼心的餐牌，有４種不同的推介，分別推介給女性、男性和男女都喜歡的～我點了燕麥乳酪奶昔，厚厚的一層忌上灑上燕麥，味道有微微的酸，稍為偏淡，跟忌廉混合後都仍然是偏清淡，不是太能吃得出是乳酪，不過少糖點我還是蠻喜歡的。抹茶心太軟配雪糕沒有太大驚喜，但味道是很濃的，抹味茶很重，岩漿亦足夠，但稍嫌蛋糕焗得不夠香脆，不過要脆就要多牛油，所以兩者亦是很難選擇，我也不太吃太油。