影片
更多
2016-01-30
976 浏览
推荐程度：食过会想再去食咁。推荐食品：柠檬焦糖班戟卷芒果拿破仑抹茶窝夫抹茶心太软(𠮶阵系隐藏menu，要问先有)重叫咗嘅嘢食：厚身热香饼呢间铺位𠮩𠹌到呢！净系识行，要表达嘅话...𠮩𠹌啰！不过去呢到食都值值地嘅。首先要讲HeSheEat啱啱发围嘅时候已经有唔少身边人去食，好劣评都有。直到自己真系去食已经系半年后(or even longer)。所以以我食到嘅呢个质素，佢哋水准真系有番咁上下(除咗热香饼)。排队𠮶啲唔多讲，就算系你/妳宜家睇到呢篇食记，即刻去，我相信都系要排队！直接讲坐低，位系比较窄嘅，但尚可接受，毕竟香港寸金尺土，人哋租个铺位，重畀你/妳坐到大爷咁，一系佢啲嘢食收好贵，一系个老板有钱冇地方洗。坐低有松又舒服倾到偈，okay la！到点嘢食啦，一人一样，同行一个后生仔话要抹茶心太软㖞！我哋几个未食过嘅听到耳都竖眼都突！乜嘢嘢抹茶心太软？！正当我地眼都曚埋嘅时候，佢四万咁口同我地讲：「唔洗揾喇！呢到(menu)冇架！隐藏menu嚟架！」即刻4个人4把口妖出嚟！结果就拣咗对上提过𠮶五样嘢！逐个嚟，排名不分先后。柠檬焦糖班戟卷个柠檬雪芭、焦糖、pancakes 夹到绝一绝！焦糖
推荐食品：
柠檬焦糖班戟卷
芒果拿破仑
抹茶窝夫
抹茶心太软(𠮶阵系隐藏menu，要问先有)
重叫咗嘅嘢食：
厚身热香饼
呢间铺位𠮩𠹌到呢！净系识行，要表达嘅话...𠮩𠹌啰！
不过去呢到食都值值地嘅。
首先要讲HeSheEat啱啱发围嘅时候已经有唔少身边人去食，好劣评都有。直到自己真系去食已经系半年后(or even longer)。
所以以我食到嘅呢个质素，佢哋水准真系有番咁上下(除咗热香饼)。
排队𠮶啲唔多讲，就算系你/妳宜家睇到呢篇食记，即刻去，我相信都系要排队！
直接讲坐低，位系比较窄嘅，但尚可接受，毕竟香港寸金尺土，人哋租个铺位，重畀你/妳坐到大爷咁，一系佢啲嘢食收好贵，一系个老板有钱冇地方洗。坐低有松又舒服倾到偈，okay la！
到点嘢食啦，一人一样，同行一个后生仔话要抹茶心太软㖞！我哋几个未食过嘅听到耳都竖眼都突！乜嘢嘢抹茶心太软？！正当我地眼都曚埋嘅时候，佢四万咁口同我地讲：「唔洗揾喇！呢到(menu)冇架！隐藏menu嚟架！」
即刻4个人4把口妖出嚟！
结果就拣咗对上提过𠮶五样嘢！
逐个嚟，排名不分先后。
柠檬焦糖班戟卷
44 浏览
1 赞好
0 留言
个柠檬雪芭、焦糖、pancakes 夹到绝一绝！焦糖中和番柠檬雪芭嘅酸，再配搭pancakes 嘅清香，好balance。反而因为自己对焦糖脆粒麻麻地(痴牙)，所以冇乜好感，不过就算冇脆粒都唔影响嘅！
芒果拿破仑
101 浏览
3 赞好
0 留言
呢个都真系要赞！首先芒果甜度爆灯，酥皮松脆，custard系带番到个味道出嚟，雪糕呢，普普通通。
抹茶心太软
68 浏览
0 赞好
0 留言
佢直头系一件艺术品！(其实...其他几样都好艺术品)
呢味，我真系要讲，唔爱抹茶嘅人，唔好考虑；爱抹茶嘅人，唔洗考虑！
佢个抹茶系浓缩咗咁！唔配起云呢嗱雪糕食呢，你系好似饮紧ristretto、好似就咁开罐Campbell soup唔加水就咁啪咁！extremely condensed！𠮶一抹抹茶朱古力先系神来之笔，系有层次感嘅，好微妙，我好肯定我系试咗个心太软先，再刮少少朱古力试，佢都冇输畀个流心馅！重点系佢个样完全睇唔出系朱古力！靓到绝伦！
抹茶窝夫
32 浏览
0 赞好
0 留言
相比起心太软，呢个waffle 亲民好多。
如果你/妳系对抹茶唔抗拒，又唔想成日都系芒果，呢款会系个好好嘅选择。顺带提番，呢个系脆皮嚟嘅！waffle最紧要系外脆内软。冇个脆，就淋吱吱；冇个软，就硬grut grut。但呢个可以取到中间个平衡点，加分嘅！抹茶配红豆，就好似咖啡配牛奶、粥配油炸鬼(话时话，油炸鬼呢个名点嚟？)咁，可以冇咗后者，但有后者系另一种享受。呢到配上咗红豆，为单调嘅窝夫添上一道色彩。
如果觉得抹茶味唔够嘅，配埋个雪糕食就啱啱好。
反而呢，个糖浆会抢味，唔建议落。
厚身热香饼
50 浏览
0 赞好
0 留言
到最后喇！热香饼终于嚟，呢个我可以好简单用一句话咁介绍下。
「食佢就系食紧个厚身嘅麦当劳热香饼！」讲完！
要多句？好！「佢有雪糕同格仔饼酱。」再讲完！
以上就系五款我第一次去HeSheEat食到嘅嘢，五中四，一普通，咁计都有90分啦！
张贴
