美味故事 (已結業)

上次黎過呢間樓上餐廳食野覺得食物質素唔錯，今日再次黎尋味先，食個早晚餐或者遲下午茶先離開。餐廳個名幾得意，叫美味故事，位於一棟舊樓，不過餐廳入面裝修舒服，仲有個迷你舞台同band。餐牌有多款午餐，主要係意粉同烏冬，仲有沙律，焗薯同全日早餐。免加一。用QR code落單。慢煮2小時羊架2支骨拿破崙意粉 $108呢款限定主菜慢煮2小時羊架2支骨拿破崙意粉好抵喎，即刻試吓先。一上枱就聞到好香嘅孜然粉味，羊架食落超腍又唔羶，呢個價錢抵食。意粉係spaghetti，份量好多，撈左適量番茄醬，偏乾身，質感就腍身少少，不過好彩加上少少洋蔥片，半粒車厘茄同少少菜苗，可加添口感。午餐包餐湯，蒜蓉包及田園沙律，仲有橙味水果茶，或加錢升級餐飲。餐湯係有少少羅宋湯味嘅南瓜濃湯，好特別喎。餐湯賣相好可愛，有兩個笑臉。田園沙律係加左少少芝麻醬嘅沙律菜，仲有半粒車厘茄。蒜蓉包呈長條形，外脆內軟，好香蒜蓉味，唔錯。荔枝藍蝶花 加$18 （左）白桃藍蝶花 $38 （右）跟餐加錢要左特飲，兩杯都要浪漫嘅藍蝶花。藍蝶花顏色好靚，上面係凍凍哋嘅藍蝶花汁，下面係暖暖哋嘅白桃同荔枝汁。白桃汁味道濃少少，荔枝汁就淡啲，兩杯都唔過甜

平時去旺角唔知食乜，自不然會去726揀嘢食，但原來過多兩棟樓有棟唐樓都有樓上餐廳，仲要幾寬敞吓想食個二人晚餐就啱晒，呢個set都包幾多嘢，有湯、沙律配小食、主菜同飲品一入嚟就已經有杯西瓜沙冰冷靜吓，真係好過送熱水呢間嘅扒燒得非常用心同出色，黑毛豬鞍燒得勁香，未切已經香噴噴，點蘋果醬食，完美地夾。配咗墨汁冷麵，有啲脆絲送麵，口感一絕大胃未食過咁嫩嘅羊架，一咬就骨肉分離，嚼佢完全冇攝肉入牙罅。酸忌廉焗薯亦然，一叉佢，就勺到，唔使用劍㗎，酸忌廉同肉碎嘅調味超和味冇諗過蟹柳沙律會有咁出嘅蟹味，菜又夠爽口，菲達芝士波波卷都好特別，味道好有層次貌似啫喱嘅寒天海藻，質感真係如啫喱一般，但深化咗柚蜜嘅調味，成件事更加bling bling。配埋三文魚他他多士，深海嘅感覺不停起伏湯就肯定好飲過迪麗月巴整嗰啲，南瓜味超香，蘑菇都飲得出超有誠意地豐富，而且仲有哈哈笑拉花抹茶蛋糕唔單止外表幾有驚喜，味道同質感都得意，面嗰層澀澀地，白色蛋糕位就係非一般嘅綿檸檬蛋糕係好味嘅保證，而且加上金寶，口感更提升，成件蛋糕食起嚟幾滿足抹茶latte泡沫激厚，懷疑係打足400次，抹茶睇落層層分明，攪勻佢再攤多陣，又回復兩層分