宇治園 (已結業)

行海港城見到宇治園招牌，就好想起抹茶芭菲，餐廳人唔算多，唔駛等就有位👍🏻入到餐廳梗係要點抹茶芭菲啦😆，芭菲總共有5層，第一層有抹茶軟雪糕，加上抹茶餅乾同抹茶湯圓，餅乾鬆脆而湯圓有咬口，完全滿足晒喜歡抹茶嘅我😋，另外仲有紅豆伴上，口感豐富，食完上層，到第二層就有抹茶忌廉，忌廉嫩滑👍🏻，再落第三層就有抹茶海綿蛋糕，第四層就再多一層抹茶忌廉，直到最底層就有抹茶啫喱，啫喱嘅抹茶味道相對較濃，混埋抹茶忌廉一齊食更好。大滿足😋

之前係日本食過宇治園嘅抹茶雪糕，對佢念念不忘。但香港分店定價比較高，所以遲遲都未試。今日行開海港城又想坐坐，就過黎食杯雪糕。一坐低侍應會拿來綠茶，但原來會收返茶費，所以記住飲多d。而且這裡設最低消費，每人都要叫一樣野，本身念住share個沙冰都唔得。抹茶芭菲係好食嘅，食到每新一層都好開心抹茶漂浮個糖漿另外上，可以自己調教個甜度，我就淨係落少少已經夠啦。不過我覺得唔值68蚊，個杯本身已經唔大，上面個雪糕仲要細的可憐。味道係唔差嘅，不過性價比就唔多高啦。

又一間日本抹茶起家過江龍登陸尖沙咀港威商場，呢間宇治園係1869年京都開業，都快接近150年做茶歷史一上電梯左面就係餐廳，而右面係一間專賣抹茶，茶葉，零食手信等店舖餐廳環境簡潔乾淨，幾有和風感覺一坐底侍應就奉上一壺熱茶仲係用上生鐵茶壺，飲落都幾清香今次跟朋友嚟到，大家都未食午餐就點了鹿兒島產黑豚肉生茶麵$108湯頭清甜不油膩，而黑豚肉都幾嫩滑，主角生茶麵係加入宇治抹茶，食落爽口彈牙仲帶微微茶香抹茶芭菲$88令我有驚喜面上係抹茶曲奇及抹茶軟雪糕，入面內層仲有紅豆、白玉、抹茶寒天、抹菜蛋糕等其實都幾豐富，抹茶雪糕好濃茶香帶一點回甘，食落軟滑仲有少少奶香焙茶餡蜜$78朋友就好喜歡，焙茶超濃帶香，因為焙茶炒過，所以唔會有茶苦澀回甘味道，加入餡蜜仲淡淡香甜仲帶有濃濃的煙燻味最後仲係店舖見有抹茶粉賣，回家又沖了一杯來試，一小匙沖上熱水，茶香味都濃，不錯喔!!