茶之環 (已結業)

我和茶之環的邂逅是在2011年4月日本廣島火車站内，在不同牌子嘅楓葉饅頭中，只有茶之環是抹茶味的，我抹茶怪當然買嚟試下啦。 上新幹線急不及待開嚟食，一食之下真係驚為天人， 抹茶味非常濃郁，食過好多日本各樣抹茶味和菓子糕點，佢真係第一位，當時好後悔買得少。  之後幾次去日本亦會在樂天訂購茶之環其他抹茶甜品送去酒店，因賞味期比較短每次都不能買太多，但其實都買成八千幾円，因有得免費送貨。  得知茶之環在香港開分店，真係想都冇想過，萬分之高興，急不及待翌日去幫襯，一解相思之苦。  最想食的係要冷藏的甜品，因為在日本郵購冷藏食品帶回香港較麻煩，所以未食過。抹茶蛋卷用抹茶蛋糕卷著抹茶忌廉，抹茶味超濃郁，不過忌廉有啲膩，食完會覺得濟。 抹茶梳乎厘， 抹茶的香味同芝士的味道平衡得好好，食落軟綿綿，入囗即溶。抹茶夾心蛋糕，兩層抹茶海綿蛋糕夾著中間抹茶忌廉， 抹茶蛋糕鬆軟，抹茶味香濃，但亦都係忌廉比較膩。 抹茶卷蛋有強烈抹茶味，我通常會放在office 食番條做下午茶提提神。 而我最喜歡的抹茶費南雪蛋糕(Financier)沒有在香港店出售，希望遲啲店方會引入香港賣啦。