醬缸韓國料理 (已搬遷) 新店位置

一早知這間餐廳人氣爆登，之前試過專門過黎book台，都話要2個月後，真係無乜心機食，原來佢星期五同六是不接受booking的，只招待walk in客，好吧，今天就來試一試。這天6點2左右來到，入面已滿座，門口有一排櫈順住它們排隊就是了，這時前面大約有4-5組人啦。等到6點8到就有位啦，記得齊人才可入內，未齊又要等到齊先放你入去...店面好細，一眼睇哂，4個人通常不用搭枱可以坐埋一角，2個人就慘d通常排排坐好似茶記咁，同唔識既人就坐響你旁面，是不會稍為拉開下枱的，要有心理準備。一坐下就上前菜，不過不失，沒有特別推介，但實在太肚餓，算係有d野咬下...今天叫了醬油蝦$258只有5隻，上菜時待應會問你駛唔駛剪，唔想食到污漕手指當然最好不過啦，同時佢會附送一碗紫菜白飯，飯底澆上麻油，香氣十足，已忍不住要開動啦! 醬油蝦很新鮮，食時配上青辣椒或一片蒜頭，十分美味，蝦頭反而有d腥，受不了的朋友都係唔食比較好，剩下的醬油千萬不要浪費，精華都在這裡了，一口紫菜飯配上醬油，真的很想添飯。食到差不多，才上這牛肋骨，肉質鬆化，而且牛肉非常多，無論當中的紅/白蘿蔔都已非常入味，meau入面叫燉排骨，圖片同實物