豪園麵家

营业中

休息中

「豪園麵家」位於靜中帶旺的現崇山商場，是老店新舖，現在由店主的第二代掌舵，菜餚集傳統與新穎，款式也多元化。拔絲欖角骨~很鹹香冶味的欖角蓉及蜜味排骨，祇是略嫌拔絲不足。黑椒牛柳絲炒麵~黑椒的味香微辣很能提升食欲，港式炒麵是雙贏，被獻汁舖蓋的炒麵，吸收獻汁味道，炒麵十分美味可口，週邊乾身的炒麵則脆卜卜，可謂一麵兩吃，妙哉！海鮮什菜煲~冶味的欖角骨和炒麵，要點選較清淡的海鮮什菜煲平衡一下，海鮮三主角分別是：鮮魚片、鮮蝦及鮮魷，還有腍甜芥蘭與西蘭花。雲吞麵~豪園以老麵店起家，雲吞麵不可不嘗，麵質爽滑彈牙，大地魚湯底，九份蝦一份豬肉的雲吞，口感極佳！套餐還有白飯及老火湯，還點選檸檬薑絲煲可樂。

今晚去左黃大仙附近食晚餐，揀左呢間外貌親民嘅中菜館，叫咗精選兩人套餐，食到飽飽好滿足。先嚟嘅係老火湯，隨餐附送，湯底足料，有瘦肉同粉葛，好滋味。清灼時菜，芥蘭翠綠鮮嫩，另外有蠔油分開上。仲有一碟拔絲欖角骨，上菜嘅時候熱辣辣，好夠鑊氣，欖角骨帶少少焦香，甜甜哋好開胃，仲配埋我最鐘意食嘅玻璃菜。最後各人一碗大大碗嘅蠔仔肉碎粥，有好多蠔仔，仲加咗啲冬菜同比目魚乾，味道濃郁，送蠔仔粥一流。口痕叫咗炸雲吞，炸得好脆皮，蝦肉好彈牙好好食！不過朋友喉嚨其實唔太舒服，即刻叫咗杯熱西洋菜蜜潤下喉

今晚在黃大仙辦點事，順道在附近晚餐，發現這家豪園麵家，就來一試水準。餐牌選擇繁多，除了有傳統港式粉麵之外，還有不少鑊氣小炒，亦有不同的套餐。鹹蛋黃味一字雞翼先來一客單骨雞翼作為小食，原來有8隻翼共16支骨，份量絕不少，今次選擇了黃金的做法，所謂「黃金」是裹一層薄薄的鹹蛋黃茸下油鍋一炸，頓然色香味都更上一層樓，單骨雞翼外皮香脆，炸粉厚薄得宜，鹹蛋黃鹹香惹味，而內裡的雞肉，軟嫩多汁，一咬透發出蛋黃奇香和非凡惹味。拔絲欖角骨點了一個2人套餐，選了招牌的欖角骨，黑醋入饌，天然果香馥郁，酸中帶甜，所以做成的醬汁酸、甜、鹹味平衡，加上欖角的獨特香氣，味道融和，而且稀稠寬緊合度，豬肉肥瘦適中，炸漿厚薄得宜，入口咬嚼有外層焦香酥脆而內裡嫩滑的滋味。蠔仔肉碎粥套餐亦有兩大碗蠔仔粥，蠔仔肥大肉厚，已經不算是「蠔仔」，蠔味鮮冶而肉質嫩滑，粥中更有方魚及肉碎提味添香，每一啖都滋味豐美，老實說水準比不少所謂潮州打冷舖更好。菜心套餐中有清灼時菜平衡一下，可以選擇唐生菜、菜心及芥蘭。

黃大仙游泳之後好肚餓。商場附近太多人，所以黎到現崇山商場附近有間夜晚都擺到外面噶潮州菜。好耐無食中菜，因此要叫小菜白飯黎填飽果肚。|拔絲欖角骨^好惹味，伴碟果個類似撈葉噶脆而翠綠，菜品擺相好吸引。本身欖角性味淡平，有舒筋活絡之用，潮州老藥桔本身都有欖角成份。因此成蝶雖然系炸過噶排骨，鬆脆肉質柔軟。加上陪襯欖角同珍珠葉一起，並不覺得熱氣。|小炒皇^呢個勝在镬氣夠喉，所以腰果，章魚以及鹹魚粒，綠色噶韭菜，成碟熱辣辣。鹹鹹香香，加上鑊氣十足。|檸茶BB^其實同普通凍檸茶差不多，祇不過檸檬已經去左粒粒。不用自己去粒。下次想試一試黑椒薯仔牛柳粒。唔知系未疫情期間，埋單有九折。真系抵食！