鮮芋仙 (已搬遷) 新店位置

鮮芋仙喺香港開咗咁耐，每次經過每間分店都見到長期要排隊，一直都食唔到🥲難得今日早食完飯，門口見到唔係好多人，等咗10分鐘都唔使就有位🤩入座前要喺收銀處先落單，不過唔知點解收銀員態度好差😂好似好唔滿意咁😅anyway，落完單俾咗錢就可以入去坐，都好快就有得食！▪️招牌豆漿豆花 - 熱 ($50)豆腐底既豆腐花好正，滑溜既豆腐花好有驚喜，重點入面有兩大舊芋頭，仲有珍珠同芋圓，好有口感，非常足料😍▪️招牌仙草沙冰 ($48)第一次試呢個沙冰，有碎冰口感之餘仲有啲黑糖味，但又唔會覺得好甜！而且啲仙草超滑，芋圓夠晒煙韌。另外仲有花奶可以加落去，我怕太甜所以只係加左一半，依然覺得好好味😋到我哋食完出面已經好多人排隊，有機會好想再食多次🥰

七夕個晚出去尖沙咀食飯，食完飯諗住食埋糖水，講到台灣芋圓就諗起呢間鮮芋仙啦。等左20分鐘有位，入座前落單得45分鐘食。招牌仙草冰沙 4.5/5等到大汗淋漓，整返碗沙冰消暑解渴，仙草好滑，芋圓軟綿綿咬落去又唔會硬骨骨，真係與別不同，所以點解咁出名真係有原因。佢另外附上嘅花奶倒落去沙冰度，令到沙冰除咗仙草味仲有牛奶味，真係好好食。熱芋圓紫米粥 4/5唔同坊間嘅紫米露唔會好紫色，溝咗紅豆落去煲，係偏向紅色，比較浠唔會太杰，符合紫米粥而唔係紫米露。又唔會太甜，無論熱嘅芋圓同凍食，都係咁出色。地點:厚福街，位置方便又易搵，附近又多嘢食又有酒吧。環境:白色嘅色調，光猛舒服，但同隔籬枱有啲近。價錢:物有所值，$45係值得比，芋圓真係好出色。服務:都OK，就嚟夠鐘嘅時候見落雨，都冇即刻趕我哋走，等細雨少少先走。

話說之前8點呢間人氣店已經截堂食嘅隊，今次再早啲終於入到😂 叫咗 芋圓4號 $45裏面有芋圓、芋頭、紅豆、珍珠，加埋牛奶沙冰底，黎到一望好足料大份👀 招牌仙草沙冰 $45就有芋圓、仙草凍、仙草沙冰🍧 芋圓同珍珠幾好𡁻口🍠 有紅豆多啲唔同嘅甜味嘅層次😙 沙冰真係有啲粗但夠牛奶夾住食算OK🥛🥸 個芋泥大大舊夠粉綿好正😋 而最印象深刻就係個仙草，甘香軟滑、甜味岩岩好🤩 以前試過啲仙草質感一係就好硬，一係就似鼻涕，所以試完我覺得個仙草係值得再回頭😬 如果一樣要排咁耐就唯有隔耐啲先再食啦😂