手作鮮芋站 (已結業)

阿媽最鍾意食芋頭製品，某日路經九龍城，見到呢間手作鮮芋站，係香芋專門店，所以就買啲返去孝敬阿媽。呢度除咗主打唔同款式以芋圓、芋泥製作嘅食物，當然仲有平時常見嘅茶飲，選擇豐富。而且仲有芋泥吐司，呢個真係必試之選。最後我就揀咗3款各具特色嘅食品。首先我覺得呢個芋泥奶凍吐司甚有驚喜，冇諗過茶飲店裏面可以做到吐司。吐司共有兩款選擇，而我就揀咗限量發售嘅芋泥奶凍吐司，麵包經過烘焙，中間夾住厚厚嘅芋泥同大大件牛奶布甸，口感實在太豐富，而且分量十足，食完非常飽肚又滿足。另外仲揀咗招牌仙草芋圓。入面材料包括有手作三色芋圓、仙草凍、黑糖珍珠、蜜紅豆，仙草芋圓凍一直都係我嘅至愛，而呢個加入咗珍珠同製作過嘅紅豆，口感更加豐富更好味。當然唔少得揀番杯飲品，手作芋泥鮮奶入面嘅芋泥份量都不少，我仲打開杯蓋用匙羹逐一品嚐。另外佢仲有冷泡茶供應，路過買支茶飲清涼又解渴。手作鮮芋站仲有獨家芋芋送服務，真係夠晒方便，下次一定再幫襯！

最近九龍城廣場對面新開左間「手作鮮芋站」，顧名思義，「手作鮮芋站」主打用鮮芋頭製作出各式各樣嘅台灣小食如爆餡芋泥吐司、芋圓和茶飲，茶飲有超過50款，除咗有人氣芋圓鮮奶茶外，仲有冷泡茶、奶茶、蜂蜜茶、水果茶、芝士奶蓋茶～芋頭控一定要去試下啦！😏🌟推薦❗紅柚菠蘿🍍金鳳茶王（$28）茶味濃厚嘅台灣青茶金鳳茶王，有着高山青茶嘅香醇，配上新鮮紅西柚和菠蘿🍍果汁，酸甜度調配得剛好，香甜清爽，加上滿滿果肉，口感十足！👍🏻甜品好大碗好足料，兩個人share一碗都得！外賣包裝夠穩陣，十分鐘路程都完全冇倒瀉～👏🏻招牌仙草芋圓（$38）用料好足，有齊手作三色芋圓、仙草凍、黑糖珍珠和蜜紅豆，黑糖糖水底唔會甜度適中，手工芋圓比坊間的較為大粒，一碗有成十幾廿粒，都幾多，口感幾煙韌，不過味道就比薄弱，🌟推薦❗楊枝芋圓甘露（$42）楊枝甘露食得多，楊枝甘露同芋圓crossover就第一次試～😂楊枝甘露嘅芒果汁底好pure好true，香甜可口，裏面仲有粒粒芒果🥭肉、柚子肉和西米，加上有手作三色芋圓，咬口十足！「手作鮮芋站」 仲可以Whatsapp落單，九龍城區內買滿$120，或區外買滿$300可以免費送貨，唔洗用外賣平

早過多星期，因為入到沙田，試了「豆乳狂人」 的多款甜品，當中更有不少是加入芋圓的，這天，就因為乘屯馬線來到九龍城逛逛，意外遇到這一家「手作鮮芋站」，主打台式飲品及手工芋圓，雖不致於芋圓癮大發，但卻挑起買來回家作飯後甜點的念頭。鋪面一看就知是外賣店，簡單的裝修，如大多數的台式茶飲店。食物選擇十分之多，飲品方面有冷泡茶、奶茶、蜂蜜純茶、真水果茶、芋圓鮮奶、芝味奶蓋、手搖特調等，而食品方面有芋圓甜品及台式吐司 。當然，門面貼上了個別亮點飲品、食品，以及一些飲品排行榜，如沒太多心水，不妨以此作個參考。已是11月了，還是多麽的熱，所以，先來一杯「芒果芋圓鮮牛奶」（$38）解解「暑」。雖然要了少冰，入口依然冰涼清爽，而先啜一口鮮奶，奶味濃郁，橫看已見下了很多芒果，再用力拌勻，變成芒果鮮牛奶後，芒果的香甜味很突出，而且，口感非常幼滑，一邊喝，再一邊啜上芋圓粒粒，大小適中，QQ好吃。稱得招牌，應該有一定水準，「招牌仙草芋圓」（$38）是以手作三色芋圓、仙草凍、黑糖珍珠、蜜紅豆為組合，食材配搭豐富。芋圓、地瓜圓、紫薯圓果然新鮮製作，做得很出色，極具咬口，又好有芋頭、蕃薯味，仙草滑溜溜，配黑糖珍珠，純香煙

台式飲品·芋圓糖水·吐司每天跟時間競賽的一星期終於完結，Happy Friday的晚上來到九龍城，廢廢的me應該係第一次黎呢度-__-走過幾條街就愛上左，一個新舊交融臥虎藏龍的街道!對芋圓毫無抵抗力的我來到九龍城廣場對面的一間外賣店，同一個老闆前身係茶理史，因爲特許經營期限過後改咗店名繼續經營。睇翻舊相，那曾經貼滿memo紙的一幅牆...只是展現方式的不一樣，初心還在！全人手製芋圓，就如老闆改的店名一樣，是全人手製作的新鮮芋圓，Logo主色係紫色芋泥色，兩粒芋丸拖住手晚餐+糖水一次過買曬芋泥肉鬆吐司 ($42) 吐司經烘烤表面微香脆，麵包雖厚但夠鬆軟，芋泥濕潤綿密，肉鬆香。以吐司整體來講，相比起出名的你妳表現更好，無論是麵包的柔熟還是於芋泥的濕潤度。招牌仙草芋圓(手作三色芋圓、仙草凍、黑糖珍珠、蜜紅豆）$38芋圓超級大粒！雖然是我見過最大粒，但咬開能保持軟身。每天手作實在不容易，搓、揉捏成團是力的表現。仙草凍夠滑、蜜紅豆軟綿，相對珍奶稍微甜咗少少。黑白良知珍珠奶茶($28)唔知飲咩好，被名字吸引到，黑白是良知。要求了少甜少冰的調配，甜度適中，竹炭和牛奶兩者之間取得平衡。但願我們在灰色的