原作養生湯米線

营业中

休息中

睇YouTube見YouTuber介紹呢間既招牌海龍皇泡飯好正咁，本身自己好鐘意食龍蝦，於是就去試吓啦～ 桃膠椰子雞湯米線 $68好香椰子味！ 湯底清甜，對比招牌海龍皇泡飯個湯底，呢個湯底較淡味～ 飲晒成個湯都唔會覺得口渴👍🏻 入面有杞子、蟲草花、雞肉同桃膠，好滋補！招牌海龍皇泡飯 $138龍蝦爽口彈牙，有鮮味！😍個湯底好味到不得了！蝦湯底非常濃郁，一上枱就聞到好香嘅蝦味～佢地加咗脆米落泡飯到，幾特別～黃金炸魚皮 $35大大塊即叫即炸既魚皮，超級香鹹蛋黃味！食落超脆口！好岩同朋友share食🤤環境舒服，店員服務態度好好👍🏻 本身仲想試個海蜇花，晏晝去到已經冇晒～店員話下次想食嘅時候可以打電話嚟問吓先，可以叫佢哋預留定當日你嚟食～

延續昨日在「紅磡」不似我預期的情況之下，與「必嘉街」港式燒烤小食食品餐廳緣慳一面的遭遇之後，今日我再次坐車前往「紅磡」「必嘉街」再碰運氣，結果那間燒烤小食食品餐廳始終未有開門營業。於是我在「必嘉街」旁邊的「黃埔新邨」「翠楊苑」地下位置，光顧一間，最初以為是售賣港式米線，實際上原來是主打養生湯米線的台灣菜餐廳，餐廳的名稱叫做「原作養生湯米線」。我最初看見餐廳的晚餐餐牌裡面，有一些名稱裡面加入「牛魔王」的牛肉類型湯米線食品，但是我後來詢問「原作養生湯米線」侍應之後，才知道所謂的「牛魔王」只是使用了「牛冧肉」，而沒有用上「牛腩」。所以我最後沒有選擇享用「牛冧肉」養生湯米線食品，改為選擇享用食店裡面稱得上算是招牌食品的雞湯米線食品「原作養生雞湯米線」。「原作養生雞湯米線」價錢比「蕃茄牛魔王濃湯米線」昂貴，需要港幣五十八元。實際上「原作養生雞湯米線」製成品裡面，雞肉主要用上雞全翼裡面的「雞槌」，還有疑似是「雞腿」部分，口感偏嫩的雞肉，加上還有例如是「木耳」的配料，令「原作養生雞湯米線」的雞肉甜味味道感覺變得很濃厚。另一方面，我還點了一份有「龍蝦」在裡面的「招牌海龍皇泡飯」，「招牌海龍皇泡飯」裡面

～原作養生湯米線～呢間野路過左好多次，今次都係第一次入去食。油醋海蜇花（$5️⃣8️⃣）佢呢個海蜇花相當之脆口，比平時食嘅海蜇更加脆🤪，調味啱啱好，我朋友平時好少食海蜇都食咗好多。桂花蜜糖雞翼（$2️⃣5️⃣）佢比平時食嘅蜜糖雞翼多左陣桂花味😍，估唔到雞翼同桂花都可以咁夾，而且炸得啱啱好🥰，唔會話炸到乾晒，下次一定要試吓其他味道。蟲草花膠雞湯米線（$6️⃣8️⃣ ）呢個米線啲料都好多下，花膠都有三四片，每件都好軟滑。而佢啲雞肉嫩滑得來好入味，對得住佢呢個價錢😋。個湯底幾好飲，雞味好濃。招牌海龍皇泡飯（$1️⃣2️⃣8️⃣）雖然佢呢間主打米線，但佢呢個泡飯真係好好食😍。除咗有龍蝦之外，仲有蜆同帶子。本身佢湯底個海鮮味已經好濃郁，佢仲加咗脆米落去，同埋啲飯一齊食，真係食唔停口😚，呢個強推。今次呢餐真係好滿足，啲嘢食真係好好味😍，一定會再幫襯。