神戶屋日韓放題

营业中

休息中

朋友生日話想食放題，一個禮拜前book好晒位，唔駛等就可以入座啦～小妹第一次食同時有日式同韓式嘅放題，估唔到真係有好多唔同種類嘅嘢食選擇，除咗大路嘅日式韓式料理之外，仲有啲自選嘅菜式同埋特色料理。一開波梗係一口氣揀晒啲想食嘅刺身之後就狗衝去拎嘢飲啦～除咗啲大路嘅嘢飲之外仲有啲係來自韓國嘅酒精飲品，滿足唔同人士需求。刺身拼盤到～個刺身拼盤一嚟到嘅時候o左咀，心諗我啲朋友仔會唔會太喉禽，嗌得太多，點知我哋最後竟然食得晒喎～冇計，放工就會變飢民～有驚喜嘅係個生蠔， 好大隻同埋好鮮甜，呢個係店家送嘅，所以如果要再嗌嘅話就要加錢啦。另外海膽都係好鮮甜，同生蠔一樣再嗌要俾錢。不過其他任食嘅刺身都好新鮮，三文魚腩肥美，甜蝦大大隻，！我哋9秒9砌完個拼盤之後就開始食其他熟食啦～招牌炒蜆：蜆肉新鮮冇沙，份量都好多，惹味！韓國蜂蜜芥末炸雞：係韓式炸單邊雞翼黎，上面淋左好多蜜糖芥茉醬，又香又甜好好味！日式汁燒雞肉串：好濃燒汁味，雞肉燒得啱啱好，唔會太熟變到硬晒，呢個好味到我哋都encore左幾輪～鐵板馬拉盞炒通菜：成日出街食飯冇得食菜，於是一見到有菜就即刻想食！炒通菜好惹味，辣辣地咁，d通菜亦唔會老。食到滯

上次我食兆萬同躉大廈另一間放題時，o係下面曾經拎過好多唔同傳單，當時因為book 實o左o個間無幫襯到呢d，之後都有再研究下，今日想試下新o野，所以決定食呢間神戶屋。因為有訂檯，一人送一款海膽刺身、生蠔或者韓國雪條三選一！雪條臨尾先攞啦，我地仲有一份生蠔，係幾大o既一隻，滑溜q 彈，帶點海水o既鹹味。日本和牛壽喜燒同埋韓式芝士部隊鍋係入座贈送，只限叫一個。感覺上叫和牛好似會抵好多，哈哈……d 牛肉唔算好多油花，但仍然鬆軟唔韌，肉味濃郁。個壽喜燒湯底味道甘甜，d 豆腐、菜同金菇吸晒d 湯o既精華，變得好惹味！因為想試多d 唔同o野，我地唔係叫o左好多刺身。三文魚夠晒厚切，象拔蚌靈舍彈牙，海螺好鮮甜，迷你北寄貝其實都正常size 唔知點解叫迷你？個人特別鍾意泰式生蝦刺身，貪佢辣得幾過癮，天使蝦則啖啖肉，口感唔錯。炸物首先要推介沖繩網紙蝦卷，真係好好食呢個，係隻由好多層薄脆o既皮包住o既炸蝦，超級鬆脆而唔油膩，內裡隻蝦o岩o岩上時仍然係熱熱的，一啖咬落去，讓我十分驚嘆……另外個韓國蜂蜜芥末炸雞，配埋o個隻醬都幾特別。鐵板紐西蘭羊架油份充足，燒到好香。我地招牌炒蜆同清酒煮蜆都有叫，前者好大碟，

姊妹飯聚，我選了朋友至愛嘅放題，「神戶屋日韓放題」像是一個不錯的選擇，餐廳開設於旺角兆萬中心， 位置非常方便。 見到openrice 食評正面， 於是，我哋booked 了 6:30 pm ， 2 小時放題， 食完放題還可以去行吓街 ！大家坐下， 不足十秒，大家真係十分有默契地説 ： 梗係叫刺身先啦 ！ 刺身拼盤上得很快， 少於五分鐘，而刺身拼盤擺法也算漂亮. 刺身種類 好多， 包括有刺身有三文魚、蟹棒、甜蝦、北極貝、 等等，幾新鮮。  我最喜歡是厚切肥美三文魚刺身！好鮮， 好甜！ 食完一round 刺身， 再戰日式火鍋！火鍋配料多， 有蝦、蜆、肥牛等等。 湯底配上香濃肥牛，正 ！ 而配菜盡吸湯內嘅精華， 好味 ！壽司細細件， 好可愛 ，女士最啱， 又可以食多幾款。 最鍾意食火炙鹽燒三文魚腩壽司， 魚腩又香又滑香，魚油味十足 ! 招牌炒蜆是傑出之作，炒得夠晒鑊氣， 有紅椒青椒黃椒，炒得特別香，最重要係無沙， 當然要試吓!  黃金芝士燒廣島蠔和芝士燒黃金沙律開邊蝦，各色各樣嘅烤焗都做得唔錯， 香噴噴嘅芝士加上沙律醬 ！ 但芝士真的很飽肚架飲品種類眾多， 客人可以隨意挑選自己喜愛嘅飲品

同朋友6:20入座，裏面已經坐咗五六台客人。兩個人俾咗張四人卡位我地，坐得好舒服。店內以綠色佈置為主，牆身都用左竹既牆紙。而要全店都係卡位黎。另外仲有兩個房間，適合多人聚會:坐坐吓，越黎越多人，未夠七點已經有八成入座率，真係好『爆』。飲品自己攞:【食物】刺身種類都幾多幾新鮮，但兩個人食力有限:竟然有松葉蟹蟹鉗，開埋俾你，方便食用:呢度仲有火鍋，原本只有四個湯底揀:期間限定就多兩個湯底選擇，我哋揀咗日本和牛壽喜燒。一鍋細細鍋，兩個人啱晒，啲牛肉都幾好食!配一隻雞蛋火鍋配料揀咗海蜆同埋三文魚骨腩，三文魚骨腩好食好肥美亦都好滑:壽司揀咗火炙沙律醬燒三文魚腩壽司同埋海膽赤蝦壽司呢個火炙沙律醬燒三文魚腩壽司好好食，又滑又多肉，仲要勁多沙律醬。ENCORE之選:海膽赤蝦壽司以為佢嚟錯左，原來海膽就喺赤蝦下面:鹽燒活海蝦，好大隻好新鮮又彈牙:芝士燒黃金沙律開邊蝦，開埋邊，食得方便:黃金芝士燒廣島蠔，都幾大隻!招牌炒蜆，顏色賣相都幾吸引，幾有鑊氣:炸物好多選擇:竟然有迷你炸雪糕，原來就係炸荔枝味嘅雪米糍，一定要快食，溶得好快架:仲有就係韓國朱古力炸香蕉，原來入邊唔係新鮮香蕉，而係香蕉糕，有啲失望:迷你