劉興記生煎包專門店

营业中

休息中

來到元朗想食平靚正上海菜，就會諗起呢間劉興記，因為朗屏站附近都開咗佢哋嘅分店！因為餐廳除咗有每日新鮮製做嘅招牌生煎包之外，仲有其他上海美食㗎，例如係上海菜飯、拌麵同小食等等～招牌生煎包(6隻)💰HK$50生煎包餡料豐富，一咬落去仲係熱辣辣，而且爆汁效果一流，充滿住豬肉嘅鮮甜味～蟹黃生煎包(2隻)💰HK$38同樣都係熱辣辣同埋有爆汁效果！除咗豬肉嘅鮮味之外，仲多咗份濃郁嘅蟹黃香味～原味上海小籠包(4隻)💰HK$40小籠包即叫即蒸，爆汁嘅效果都好澎湃，外皮軟糯，肉餡鮮甜滋味～鮮雞湯小雲吞(12粒)💰HK$35鮮雞湯清澈鮮甜！小雲吞皮薄餡靚，而且比想像中大粒好多，份量十足～凍 低糖豆漿💰HK$8係一杯好濃厚嘅豆漿，仲可以無限refill～

見到網上熱烈討論，一直十分好奇。難得放假，就與好友一同試試，終於明白點解咁受歡迎。✨上海小籠包✨✨蟹粉小籠包✨皮薄餡靚，原味湯汁滿滿，搭配香醋，非常開胃。蟹粉小籠包，蟹肉微甜，餡香湯鮮，沒有任何腥味，非常高質。✨招牌生煎包✨ $35岀現最令人期待的一幕，輕輕一按就爆湯汁，令人超級興奮🤩皮煎得甘香但軟熟，咬落不會過硬。肉餡飽滿，充滿肉汁，鮮甜不膩，好食😋✨排骨蔥油拌麵✨$42排骨大件，粉漿很薄，炸得香脆👍🏻最正是蔥油拌麵，蔥油比例恰到好處，不會過鹹過油，鹹香味十足，非常好吃。✨百步香蔥油餅✨ $28與想像的很不同，以為係普通蔥油餅，卻有意外的驚喜。這個香蔥油餅，更像是香蔥油酥，由多層餅皮製作而成，於其中釀滿香蔥。一口下去，超級鬆化，葱的香氣喺口腔中爆發，超正。✨豆漿✨$8豆漿唔單止低糖，而且仲可以無限加添，非常佛心價👍🏻👍🏻👍🏻價錢相宜，食物質素高，難怪發哥也支持，想食嘅朋友記得早啲去攞位。想睇更多介紹，馬上Follow我啦😁。#big_big_foodie #big_big_foodie食勻元朗

👨🏻‍🍳劉興記生煎包專門店 (元朗)📍元朗俊賢坊18號權益大樓地下15號舖 「特意黎食爆汁生煎包」 見到食評爆晒汁，吸引左🤤門口已經見到貼住發哥到訪既相。 🍽️麻醬手撕雞粉皮 + 生煎包（2隻） $54配凍豆漿套餐🤤麻醬手撕雞粉皮可以揀多醬，無揀到😫不過都夠味的🙈正常生煎包真系會爆汁！！同埋熱上⚠️小心燙⚠️肉汁同鮮肉都好鮮甜，軟糯包，煎過既包面會有D硬脆。 👍🏻🍽️蟹粉小籠包（4隻） $80超推！！真蟹粉枱上放有醋，薑絲另上。小籠包吾會一拎起就穿/漏汁！！好少餐廳做到🥹而且肉汁非常鮮甜，蘸醋更帶鮮！！以為食緊大閘蟹🥹 🍽️原味小籠包 （4隻） $40同鮮肉湯包好似，不過細隻D，肉汁濃D，一樣都系吾易漏汁👍🏻 👍🏻🍽️鮮肉湯包 $20原本想點爆汁鮮肉湯丸，點錯左🙈不過錯有錯着😆比原味小籠包大隻，肉汁更清甜😻個人中意鮮肉湯包>原味小籠包 🥛凍豆漿 $8低糖🙈吾岩我重甜人士🙈🙈偏稠身小小，有小小渣🙈 劉興記用既肉都幾新鮮，無論肉質、肉汁都好出色👍🏻下次要試爆汁鮮肉湯丸！！ #劉興記生煎包專門店 #劉興記 #元朗美食 #生煎包 #麻醬手撕雞粉皮 #蟹粉小籠包 #原味小籠包 #上海小籠包 #豆漿

餐廳主打特色生煎包，當然要叫啦。餐廳裝修是比較傳統嘅，而且如果叫套餐仲可以免費有豆漿。豆漿黃豆味濃，而且仲好滑溜。我見到餐牌有兩款生煎包，分別是招牌生煎包及蟹粉生煎包，所以我兩款都同時點了來吃，而且價錢都好平，兩個生煎包都只係$20。生煎包同出邊餐廳不同，有少少似晉級版小籠包，咬一口即爆汁，而煎香過包皮熱辣辣好脆口。招牌生煎包有少少胡椒的味道，全個包都滿湯汁，很香口。蟹粉小籠包整個包都有蟹黃味道，一樣好多湯汁，肉質滑溜，餡料十足。招牌擔擔麵湯底有花生味道，而且仲有櫻花蝦乾和碎花生及蔥花，全碗好香口。上海排骨菜是自家製酥炸香酥排骨肉質嫩緊。全碗都是菜飯。我哋當晚六點幾嚟食飯，食客都陸續入嚟食飯，而且都有唔少外賣，好味價錢又抵食。🫶

呢排食意粉多，打算今日去食返餐中式少少嘅晚飯🤣喺元朗出沒，喺元朗廣場後面行下行下搵到一間食生煎包小籠包😇店鋪入面裝修都幾中式，唔算話好大，但中間有兩張瓷器嘅櫈，都幾得意🤭🦀蟹粉小籠包 $80/4隻熱辣辣上黎，一打開蓋已經香噴噴🤗新鮮蒸好拎出黎真係好香😆小心翼翼咁夾佢上隻匙度，用筷子整開少少d湯汁已經流哂出黎，勁香🥰食落去都好有蟹粉味，入面嘅肉，蟹粉同湯汁加埋一齊食，皮薄餡靚🐽原味生煎包 $20/ 2隻見每一枱都會叫生煎包，我地都叫左兩隻😆佢出面嘅黑芝麻好香，咬落去個皮仲係脆，唔會好厚😀入面嘅湯汁都好多，成個都好味😋🧇手工豆沙鍋餅 $28食上海菜嘅話我通常都食高力豆沙或者豆沙鍋餅，呢度嘅豆沙鍋餅都幾得意，我平時食嘅係煙煙韌韌嘅多，但係佢呢個都幾脆😛當然中間都有煙韌，而入面豆沙嘅份量我覺得岩岩好，特別係我自己唔鐘意食太多豆沙，唔會太甜，唔錯😁🥛低糖豆漿 $8食生煎包慣左都會配一杯豆漿，呢杯係低糖豆漿，唔係太甜，都係個健康嘅選擇😇

招牌生煎包6隻（$45） + 麻醬手撕雞絲粉皮+生煎包2隻（$54/套餐/包豆漿）+ 原味小籠包4隻（$40） + 百步香蔥油餅（$28） ★－:+:－:+:－:+:－:+:－:+:－:+:－:+:－:+:－:+:－★​劉興記生煎包，暫時全港有6間分店，分佈元朗荃灣旺角大圍上環，今晚同媽咪喺元朗店食嘩～發哥呀～～第一次幫襯，梗係要叫招牌生煎包，食之前唔知道肉汁多成咁，輕輕一咬，湯汁老實不客氣噴射式噴出嚟，噴到一枱都係，連媽咪件衫同頭髮都有Sorry🤣查實可以改名叫「超！爆！汁！生煎包」！大家食嘅時候要萬事小心🤣生煎包上層厚皮鬆軟，撒咗啲黑芝麻同蔥花，底部煎得金黃夠脆，肉餡紮實，瘦肥比例大概7：3，唔錯！即叫即蒸小籠包，外皮不算薄，勝在湯汁多，大大隻今個夏天未到8月已經日日熱到34度，食嘢只想食啲清清涼涼嘅嘢，叫麻醬手撕雞絲粉皮就啱晒～手撕雞份量唔算多，麻醬夠多夠香，夠黏口之餘唔會苦，粉皮口感滑而爽口，唔會黏埋一堆

一下子被掃版嘅生煎包專門店😳 睇住佢裝修，既然咁紅，緊係要試試😆S2 麻醬手撕雞絲粉皮＋生煎包2隻 $54天口熱真係無乜胃口，我會食涼拌，份量唔少，有好多青瓜絲，清爽開胃。生煎包有原味及蟹黃，套餐就跟原味，2隻點夠喉，所以單點多隻蟹黃味$18/隻。原味已經爆哂汁，其實佢係屁股向上再灑上芝麻，所以面簿，而底做返厚底少少等佢無咁易穿，煎到個底脆增加口感。蟹黃就更加濃郁，$18/粒唔平，但真材實料，蟹黃蟹肉真係填滿內餡，湯水同樣咁多，食落滿滿口感！

本身諗住叫散叫，但發覺佢地既皇牌套餐價更加便宜，即刻喊左一個麻醬手撕雞粉皮+生煎包套餐，仲送一杯豆漿（$54）招牌生煎包外型精緻，上面有少少芝麻同香蔥作點綴，未食已經聞到好香！本身我預左會爆汁，食得好小心，但都係爆汁爆左出黎🙈 皮薄肉滑，生煎包一面煎到香脆，連埋肉汁一齊食，簡直更上一層樓麻醬手撕雞粉皮夏日炎炎，最適合食涼爽既食品。麻醬濃郁順滑，好似有少少花生醬味道，配上青瓜絲，味道清新開胃。百步香蔥油餅（$28）香脆有層次，唔知係咪咁啱我食果件係邊角位，所以餡料相對較少，反而似食皮多過餡。但大體都唔錯！可能去既時候尚早未到晚市，所以顧客未算好多，價格相宜，值得一試。

話明係食生煎包，嚟到緊係食生煎包😂 呢間舖頭可以話一夜之間爆紅？突然被瘋狂洗板，搞到好想一試究竟！環境餐牌原來唔止生煎包食！仲有套餐添，但我想淨係食生煎包，所以都選擇散叫。 招牌生煎包 $45/6隻自問對生煎包來歷唔係話太認識，睇店家張貼出來先知生煎包都有分幫派！而呢到係灬渾水派，揚幫做法（開口向下）、未發酵面、皮面灑上黑芝麻，皮薄餡大，真係每一粒都做到爆汁🥹湯汁濃郁，肉嫩多汁，底部煎至脆口增加口感，高質！ 蟹黃生煎包 $38/2隻鍾意更濃口味嘅就唔可以錯過蟹黃味，比起原味更加爆汁，而且裏面更有蟹肉，呢個價錢亦都容易接受。

身為大西北牛牛🐮，連發哥都幫襯嘅生煎包，梗係要去朝聖啦🔹招牌生煎包超級爆汁，包子底煎到金黃色唔燶，用本地豬肉做焰料，肉質鮮嫩美味，不愧是招牌菜🔹蟹皇生煎包第一次食生煎包會噴射式爆汁，餡料有蟹粉、蟹黃、蟹肉同豬肉，十分足料，絕對係誠意之作🔹麻醬手撕雞絲粉皮人手將雞肉撕成絲，配上Q 彈粉皮和香濃麻醬，份量十足，十分飽肚🔹上海排骨菜飯豬扒肉嫩香脆，炸粉唔太厚，配埋菜飯一流🔹手工豆沙窩餅去上海餐廳必點甜品，外脆內軟，豆沙餡唔太甜，難得外皮亦唔太油膩