劉興記生煎包專門店

营业中

休息中

本身谂住叫散叫，但发觉佢地既皇牌套餐价更加便宜，即刻喊左一个麻酱手撕鸡粉皮+生煎包套餐，仲送一杯豆浆（$54）招牌生煎包外型精致，上面有少少芝麻同香葱作点缀，未食已经闻到好香！本身我预左会爆汁，食得好小心，但都系爆汁爆左出黎🙈 皮薄肉滑，生煎包一面煎到香脆，连埋肉汁一齐食，简直更上一层楼麻酱手撕鸡粉皮夏日炎炎，最适合食凉爽既食品。麻酱浓郁顺滑，好似有少少花生酱味道，配上青瓜丝，味道清新开胃。百步香葱油饼（$28）香脆有层次，唔知系咪咁啱我食果件系边角位，所以馅料相对较少，反而似食皮多过馅。但大体都唔错！可能去既时候尚早未到晚市，所以顾客未算好多，价格相宜，值得一试。