蘇媽.蘇媽馬來西亞茶餐室 (已結業)

蘇媽蘇媽唔單止門面靚，入邊嘅裝修仲好有特色。一字骨肉骨茶要先飲咗個肉骨茶先，之後再食入邊嘅餸菜，記得要調校自己喜歡嘅醬油，之後再叫店員添返熱辣辣嘅肉骨茶，一字骨都算多嘅大概有四條，仲有豆腐卜，同埋金菇，肉骨茶嘅味道非常之濃，好飲。招牌砂煲老鼠粉，店員嚟到都提我地要趁熱攪拌，撈勻咗之後食，入邊嘅魚仔好鹹香，仲有老鼠粉好彈牙，撈埋一齊嘅口感係彈牙仲有魚仔嘅鮮味。馬來黑叉燒，叉燒半肥瘦，加上蜜糖嘅味道，真係難以抗拒，如果好怕肥肉嘅人可以選擇淨係食瘦嗰部份，不過我真係抗拒唔到，個腩肉係非常之油分豐富。馬來西亞串燒(6串)，串燒加埋沙嗲醬，簡直係好有馬來西亞嘅風味。甜品就點叫一個海南鴛鴦燒麵包，呢個麵包入邊有一塊厚厚嘅凍牛油，再配合埋熱辣辣烘咗嘅麵包，加上咖央醬，可以話係內冷外熱，仲要脆卜卜，真係減肥都要放埋一邊先。

突然之間好想食肉骨茶同咖央！就選擇咗去蘇媽😝之前食過覺得唔錯 今次去食都冇令我失望😆- 魚仔醬撈啦啦之前食過有啲沙 今次就好好只係得一兩隻有沙撈埋啲醬汁好好食😆- 棒棒骨肉骨茶鍾意佢個肉骨茶可以任添啲肉好好味😝初頭諗住會冇乜肉食 但係啖啖肉😆- 招牌砂煲老鼠粉我鍾意食比較乾身少少既老鼠粉 佢都比較乾身 但係覺得有少少淋左啲- 椰香咖央多士每次必食咖央多士！新鮮熱辣辣食 真係好好味呀！食完一件掛住傾計 點知第二件就凍左建議真係一上就好即刻食啦😝

之前都已經食過蘇媽蘇媽深水埗店，後來經常好多人等位就少食咗喇，不過依加開多咗幾間分店，所以決定再嚟食😋 喺香港食馬來西拉菜唔難，但好飲嘅肉骨茶唔係間間有💛•🥢 百吉爹肉骨茶-豬腳彎 $58兩個人食又想食老鼠粉就叫咗個細肉骨茶，今次揀咗豬腳彎～ 豬腳片大約有5塊，唔會好肥，不過肉質有少少嚡，加上有啲筋，所以有啲啲難咬，但啲肉都幾入味～😋 另外仲可以點自己用蒜蓉、辣椒、黑豉油同頭抽調嘅醬（墊枱紙上面有教學👍🏻）肉骨茶嘅熱湯好濃郁，藥材味好突出，但唔會覺得苦/難飲，加埋肉味會有啲甜甜地，而且一啲都唔油，好易入口😋P.S. 佢哋建議要先飲肉骨茶嘅熱湯，再食肉，再飲熱湯～•🥢 招牌砂煲老鼠粉 $92除咗肉骨茶，老鼠粉都係呢到嘅招牌之一，用熱辣辣嘅砂煲上，店員提醒我哋盡快撈，所以都無影好多相啦🙈 老鼠粉即係粗啲嘅銀針粉，食落腍得嚟又有啲咬口，上面鋪滿魚乾、蝦乾、炸蒜、肉碎同蛋，撈勻之後睇落每條老鼠粉都好深色，但食落都係偏淡，可能因為豉油係偏甜，不過連埋魚乾同蝦乾一齊食就惹味好多，鹹香味好足～•🥢 椰香咖央多士 $35多士烘到超級脆，入面夾住滿滿嘅咖央醬同牛油，多脆內軟，雖然有牛油同咁多咖央醬會有啲

星期日lunch突然好想食星馬菜😋立即諗起→蘇媽蘇媽馬來西亞茶餐室😋 黎到銅鑼灣搵蘇媽😆 平日去開深水埗店好多人🙈銅鑼灣分店好大，不用等位就可以入去食啦👏🏻👏🏻⭐以下必食推介:1️⃣海南鴛鴦焗麵包 $42兩塊鬆脆多士夾住塊厚厚冰凍嘅牛油🧈仲有厚厚一層咖央🤤好正💯推介推介!! 必食!! 😋😋2️⃣棒棒骨肉骨茶 $92先會有兩碗熱湯🫖藥味濃👍🏻但好美味，絕對無苦澀味✅ 然後就上一個熱辣辣小煲🍲有三條大大支嘅棒棒骨🍗🍗🍗加埋黑豉油+生蒜蓉+好新鮮嘅紫天椒🌶️超正👍🏻👍🏻如果有再多啲豆腐卜就好啦😭好好味好索湯👍🏻👍🏻3️⃣招牌砂煲老鼠粉 $88新嘗試👍🏻 熱煲上菜👍🏻🍲好似煲仔飯咁😆 開蓋就先到一隻半熟蛋🥚仲有好多肉碎、炸蒜等等撈均就可以食啦😋 yummy👍🏻不過要快啲食🙈 因為好快就會痴底🙈

裝潢完全符合南洋餐室風格，簡樸光猛，看來企理迅速。彩色餐牌簡而精，並非常常見到的菜式，頗有新意。 桌上備以黑豉油、頭抽、幸福辣椒，隨意添味；不過其實用不上，因為全部菜式本身已是濃郁重味的了。 馬拉沙嗲串燒 $88我喜歡吃沙嗲，先來雞、豬各三串，燒得微焦香口，肉嫩有份量。 靈魂在於沙嗲醬，沒有令我失望，濃郁味香，混合了香料，調得甚有馬拉風味。 招牌砂煲老鼠粉 $88喜出望外，砂煲的高温，成就材料的香惹，如甚有鑊氣般。 全部材料皆是濃郁香口，包括豬肉碎、豆卜、魚乾、豬油渣、生雞蛋，長長順滑的老鼠粉，仿似靈活的老鼠般滑至可快閃，混合來吃，味道豐富，甚有鹹香，惹味至會唔令人追吃！魚仔醬蘿蔔糕 $48魚仔醬撈啦啦 $56魚仔醬鹹香出眾中帶點鮮味，配實在的蘿蔔糕或新鮮蜆仔各有千秋，難得蜆仔選材新鮮肥美。一字骨肉骨茶 $128菜單上佔據整板紙，十款材料選擇，湯底一樣，而且淨湯可以無限添加。香而沒有霸氣的藥材味，湯頭順口味美；大大支一字骨，肉質不太嚡口仍可以，內有少量豆卜。榴槤多士餅配雪糕 $65有點驚喜，相比估唔中榴槤蓉味濃特出，多士餅香軟，榴槤控會喜歡。運作流暢，員工算是有禮貌，值得再來。

📍蘇媽.蘇媽馬來西亞茶餐室💛• HK• 椰香咖央多士• 美綠恐龍• 招牌砂煲老鼠粉• 魚仔醬撈啦啦• 檳城亞參喇沙首先必點的一定是「椰香咖央多士」鬆脆多士夾著濃郁椰香和斑斕味的咖央醬，食落竟然甜而不膩🤤「美綠恐龍」夠濃夠甜，如果再凍少少就完美啦！至於招牌菜「砂煲老鼠粉」我就覺得一般，味道比較淡和單調而且太過乾身⋯⋯反而「檳城亞參喇沙」不錯，整體偏酸辣，配埋紫洋蔥和青瓜絲好惹味！另外亦點了小食「魚仔醬撈啦啦」雖然蜆肉有少量有沙，不過魚仔醬才是精髓！鹹香鮮味食得好滋味。又，店員都非常親切有禮，舖面光猛整潔而且冷氣十足，正呀！

成日見旺角間鋪排長龍今次見到銅鑼灣分店試業中又唔使點排隊終於有機會試吓個老鼠粉—————————————————試完有啲小失望😔煲粉好淡冇乜味啲黑醬油入唔到配料啲肉碎同銀魚仔仲濃味過啲粉至於個白咖喱面湯底帶甜要撈勻啲辣醬先好食如果唔係就會變咗甜嘅車仔麵😂杯冬瓜龍眼冰好解渴 好飲都可以有下次嘅試吓肉骨茶或者叻沙—————————————————✱ 招牌砂煲老鼠粉 $84✱ 檳城白咖喱麵 $55✱ 淨通菜 $45✱ 冬瓜龍眼冰 $22

平時係九龍區既蘇媽排隊排到傻, 都未有機會一試🙈難得平日經過無意中發現銅鑼灣新開左😂新店睇落都幾大間, 座位都幾多下🤨店內牆身仲充滿住啲特色既畫🥰🥪sɴᴀᴄᴋ·椰香咖央多 $28 ﹟多士烘到熱辣辣, 外層脆脆derr, 食落口感交雜…有斑蘭, 咖啡同牛油既香味, 但整體黎講都係有少少偏甜, 不過味道係幾特別🤔🤣🍴ᴍᴀɪɴ· 辣死你嗎 配咖喱雞肉 $58 ﹟中間奪目既綠色飯其實就係用椰漿加斑蘭去煮, 而飯周邊就有幾種配料, 分別有蝦片, 青瓜, 花生, 乾魚仔, 都幾豐富😍而個咖喱雞都發揮不錯, 夠入味, 雞肉難免有少少鞋, 但就勝在整得夠腍身, 成舊都係肉, 唔洗lur骨👍🍴ᴍᴀɪɴ· 招牌砂煲老鼠粉 $84﹟食落比較普通, 無預期咁惹味😂就係雜綿銀針粉煲, 主要個調味都係醬油, 有少少比較偏甜既豉油🙂🥤ᴅʀɪɴᴋ· 椰汁斑蘭冰 $33﹟飲落有淡淡既斑蘭味, 但椰汁味相對地係比較出, 杯野有小小驚喜係佢底部有d綠色斑蘭味既西米露😙🙌

喺深水埗食過一次之後, 就成日都好想再食。奈何過海係好需要動力 LoL某日突然見到朋友話蘇媽喺銅鑼灣開, 雖然未知喺邊, 但已經好興奮。隔左幾日後由,灣仔行去銅鑼灣, 突然見到差唔多嘅裝修,但招牌貼住紅紙, 原來soft opening!!!第2日即刻叫老公陪我去, 叫返我地上次食過好食嘅野😂檳城阿參叻沙– 好重酸辣味, 蝦醬撈埋落去又另一種味道, 好食😙招牌砂煲老鼠粉 – 要盡快將所有野MIX晒佢, 算幾好食。玻璃魷魚配通菜梛香咖央多士 – 超好味。多士勁脆配梛香咖央醬超正🤤怡保白咖啡😍呢日之後經過親都見到好多人等位~ 遲D有時間我會再黎食~💛