漁川米線 (沙咀道)

营业中

休息中

漁川的賣點是鮮甜魚湯米線，環境絕對不吸引，坐得也不舒服，但時不時會心思思想吃一碗。比起成行成市的麻辣酸辣米線，我更欣賞這種簡單溫和的味道。之前吃過原條魚的米線，覺得比同區「三條魚」米線好吃。這次嚐嚐招牌米線，鯇魚啖啖肉，加上香口的魚餅和軟綿的魚腐，超級滿足。魚湯依舊鮮甜，相信沒有味精。雖然招牌米線不錯，但下次再來我應該會點原條魚的米線加蕃茄，湯底比招牌米線更鮮甜！另外招牌米線跟一杯熱飲，我點了奶茶，意外地質素不錯，值得一讚👍🏻

今晚突然想食米線，無諗個行經多間有名的米線，都滿座了經既苦惱推理下，諗到依間魚湯米線。店內雖小，說真的，不要展望會坐得舒服，因晚市多人，每個人都要同陌生人坐哦。見到旁邊的人都食一整條魚加泡飯or米線，自問本人食魚技術勁淺，好怕有魚骨插到，所以今次就揀左店內牆壁相片中的南瓜木瓜鯇魚尾米線了魚湯感覺無咩味情，店家都豪不客氣地俾左食極都有既木瓜同南瓜，個人十分喜歡食木瓜同南瓜，店家都煮得淋淋的，值得1讚哦，魚尾無咩碎骨，對於食魚會5小心吉到既人嚟講，係1件好事，不過小編都係小心為上米線彈牙，湯內除了有魚尾外，仲有3塊鯇魚肉以40幾元既價錢，食到咁多魚，值哦而就揀左招牌米線，米線內都係真材實料，有2,3塊鯇魚喇，仲有魚腐同魚餅，都感覺到魚腐同魚餅係用真魚整既，可知道坊間有幾多無魚既魚蛋同魚餅嫁喇手打墨魚餅，都不錯哦，好彈牙，如果有埋原本甜甜地既醬仲好總括而言，40幾50元食到咁有魚既米線，抵丫！

朕個貼身隨從今晚自己約左人食飯，得番朕一個食自己，呢排又食得太多山珍海味，於是乎就諗住食得清淡啲－鮮魚湯米線都好喎，於是就上OP Search一下荃灣附近有咩好推介，荃灣𠴱間三條魚朕就食過好多次，反而呢間漁川米線朕就未試過，好啦就試一試啦！一坐低，朕就問店小二有咩推介，店小二就推左個招牌米線同埋炸墨魚餅比朕試。自家手打墨魚餅，炸到金黃香口，墨魚餅夠哂彈牙，仲有泰式醬點。招牌米線有魚腩，魚腐，魚餅，再加埋鮮魚湯，魚湯夠鮮味，而且不加味精，同荃灣三條魚既魚湯有得輝，食完碗招牌米線，然後再飲埋碗魚湯，大滿足！－－－－－完－－－－－