漁川米線 (沙咀道)

营业中

休息中

之前經常去食，但由於服務越來越差已很久沒到，今天剛經與好友再試下，但明顯比以前少客，一試湯底已經差好多， 蠔仔仲要唔新鮮，1：30食，坐到2：45，餐廳仍有好多空位，諗住坐多一陣傾下，轉頭職員表示你哋都坐咗好耐不如下次傾， 我表示仍有很多空位喎，但他沒有回應，香港人點解北上消費係有原因，可以服務好些嗎？如果滿座，我也會識做以免阻人做生意。真係唔會再去，仲有裝修完好明顯唔想你坐咁耐，因為原本有椅背全部換晒圓凳。

今日上完課，又係解決晚餐嘅時候，路過咗呢間舖，畀佢啲魚湯吸引咗，就決定食佢，入到去裝修比較舊式，環境一般，朋友點咗一個杞子牛肉豬潤泡飯，自己就叫咗一個原條黃花魚米線，湯超級鮮甜，比左胡椒粉無腥味，其實黃花魚如果處理唔好係好腥㗎，呢間舖處理得乾淨，所以先令個湯只有鮮，無腥，湯入面還有鮮冬菇片同豆卜,米線爽口滑嫩，同魚湯絕配，朋友噶牛肉豬潤泡飯都好食，湯都鮮甜，牛肉質嫩爽口，豬潤煮到剛熟，不會太硬，加上杞子噶甜，口感特別，呢個湯飯都不錯，咁樣今晚嘅晚飯又解決了。

一嚟到荃灣，就會心思思想食漁川米線，出名原條魚上既米線，可惜我太晏去到已賣哂黃花魚，唯有試其他米線。🍜雲吞魚湯米線 $45雖然我揀咗雲吞，但今日主角係魚湯😋湯底非常鮮甜，唔會太濃郁，感覺係足料魚湯，配搭米線係完美。雲吞味道都唔錯，但建議大家嚟試一定要試原條黃花魚，仲可以揀要泡飯/米線，價錢合理，絕對係大份兼抵食❤️

荃灣街坊店🐟魚湯米線🍜行荃灣成日見到呢間魚湯米線🐟🍜今次終於去試下 環境似普通老街坊店星期六晚市坐滿客 座位有啲逼雖然多人 但製作好快 5-7分鐘有得食👅💛金牌米線🍜$68（魚腩｜魚腐｜素鮑片｜蟹籽丸）一嚟到即刻試下個湯底🍜🐟魚湯香濃 清甜 完全唔腥，唔會太咸 （唔會話飲完好頸渴，可以飲哂碗湯😂）1️⃣🐟魚腩都比左4-5大塊，厚肉，唔腥🦴骨唔多，粗骨為主，容易挑走2️⃣魚腐 口感軟熟，豆腐>魚肉，個人幾鐘意佢咁腍，內軟（唔似譚仔，譚仔皮比較厚同彈）3️⃣素鮑片&蟹籽丸 都係平常食開個種💛鮮蠔仔🦪紫菜泡飯 $46 見到蠔仔🦪一定揀配泡飯啦😍🍜個湯同金牌米線個魚湯唔同㗎～比較清🦪蠔仔分量好多又肥美😍食落水潤肥美，唔乾，（重點佢無沙，洗得乾淨🤡）呢個價比個份量🦪超級抵食❤️🦪啖啖肉加埋🍚湯飯，畢下畢下就食哂成碗，飲埋啲湯🤤見到同場好多人食原條魚🍜同自家製小食下次試下先🤤😍味道 🪴🪴🪴🪴抵食 🪴🪴🪴🪴 環境 🪴🪴服務 🪴🪴

今日收工落荃灣買d野, 好似好耐無食, 今次唔食鯇魚, 叫左鮮茄勝瓜黃花魚米線另外加左南瓜, 由於我一個人, 當時爆晒, 比安排坐係收銀台隔離的頂腳長枱, 勁唔舒服, 坐得好辛苦🥹等左一陣先送上, 橙紅色的湯底先飲幾啖湯, 充滿海魚的味道😋, 可能有蕃茄同南瓜, 所以變左橙紅色的湯底, 由於個人唔食生葱, 叫人走青剩係比芫茜, 南瓜唔係好甜, 不過煮到好淋都好食👍, 黃花魚好新鮮, d肉有甜味, 唔會好似魚米成條炸到走晒樣, 我聽到好多食客都係叫黃花魚, 米線正常味道, 唔會太淋, 可能浸左湯, 所以都幾好食👍再食蕃茄, 好有甜同酸的味道🥰😍, 由於份量好多, 都要花d時間才食晒🤣不過服務就真係唔係好掂😑, 由於食飯時候好似想趕人快d走的態度😶, 見到有二個食客準備都走, 有客想入, 叫人坐埋一邊🙉, 我拿定$也準備起身, 收銀見我有$係枱, 佢話我拿來比$先, 講真唔洗趕客趕到如此🤔, 好似基本服務態度都無🙊

主打鮮魚湯既健康小店🌱入去環境一般，周圍都痴左唔同既食物相✨咁岩坐個張凳係唔可以移動，所以唔係咁舒服🙃原條黃花魚泡飯 $60明明人地叫米線但內心覺得食魚都係要配飯😂真係原條魚上！🤩岩哂一個人又想食魚既人條魚煎過再放上去，所以好香好好食(˶‾᷄ ⁻̫ ‾᷅˵)但食得原條就要預左比較多骨～主打既鮮魚湯就一般，食開重口味既朋友可能會覺得唔夠味🤨一路食就成件事好peace好舒服(⁎⁍̴̛ᴗ⁍̴̛⁎)最後飲哂湯就食唔哂D飯（超多）*中意芫荽既我決定下次要額外再加‼️手打墨魚餅 $28炸到金黃色！食落非常彈牙香口🤤配埋泰色辣醬～正👍🏽

呢間野 食就幾好食 但d規矩完全令人難以理解第一次堂食 叫左個黃花魚米線 條魚另上 阿姐話唔得 我r哂頭 問拎多隻碟分開放都唔得？佢話係 轉食海鱸魚就可以 我問阿姐 係咪海鱸魚矜貴d 可以有自己另外一隻碟上 黃花魚cheap d所以唔得? 洗多隻碟人工好貴？我完全唔明問題係邊到 兩條魚都係煎過 除咗魚嘅種類 到底分別係邊到？ 阿姐話總之唔得 最後我屈服轉左海鱸魚 我諗冇乜人中意食條魚煎完又浸到淋哂爛哂第二次堂食 今次真係叫咗黃花魚米線 嚟到嘅時候即時手動分開放 但可惜條魚已經淋晒爛哂分開幾缺第三次我叫外賣 問定有冇得分湯先 阿姐話自動分 順便問埋條魚有冇得分開裝 佢答我本身條魚就係分開放 條魚浸湯 我忍唔住即場下？左出聲 阿姐話因為魚湯所以條魚要浸湯 我忍唔住話：咁一開頭條魚就唔好煎啦 直接烚米得囉 煎到脆又扔落湯都浸淋 又唔係拎泥熬湯 甘煎泥把鬼阿 你間野都呢間野一成不變 阿姐淨係識聽老細點 老細個腦又唔知放係邊幾好食都冇本事再幫襯。

這間米線店與仁濟醫院僅一街之隔，送了親人去醫院檢查身體後決定吃個早餐，於是就腳去吃最近的米線店。點了一份金牌米線，魚湯湯底清淡，食材不過不失，最滿意是米線順滑彈牙，整體水平不及自家製作😆本來會給這家食店打7分，始終係無味精有營食店👍🏻，誰知我就快吃完米線之際，見到個女侍應（or 老闆娘？）在廚房出餐位前剪指甲！！！噠噠噠的聲音差點把我吃下去的東西都震出來🤢🤢🤢內心受到一萬點爆擊😡😡😡出餐位走廊後半段食客其實看不到，為何她不在裡面剪，偏要走出來前半段給食客看呢😵‍💫😵‍💫🌚

上星期五放工去整甲 完左都已經8點30分 即刻搵野去醫肚  諗起附近呢間好耐冇食嘅魚湯米線 入到去啲卡位裝修左 坐得鬆動左光猛左最開心喺大叫呀阿姐就已經可以落單嗌左魚腐 雲吞 南瓜 魚湯米線 (多湯) 🤫 碗米線上台都仲係熱辣辣 落雨既晚上飲一啖熱湯真係好幸福 😌 各樣配料都好新鮮 香濃魚湯加上南瓜嘅甜味 對我黎講就好完滿啦 湯痴嘅我當然飲到一滴不剩😋😋 ［真心唔覺有落味精喎］ 寫住食評 已經諗緊今個星期去翻兜補番我今次太夜食唔倒嘅魚咀同魚腩 嘻嘻～

想食 康健的食物， 行行下見到有間鮮魚湯底。 就入去試下個湯底。簡單單 我叫咗 一碗 手打墨魚餅 米線。手打墨魚餅 咬落去 好彈牙 原味濃郁。再飲啖湯 個湯底的確係鮮魚湯好清甜。墨魚餅 都有好多塊 大大塊， 仲有豆腐卜， 最後我成碗食曬 呢碗嘢都算係幾好味 合格。叫一杯熱菜蜜 清甜好味 又解渴呢個價錢都幾實惠 42元 有嘢飲。唯一可惜就係 呢度 唔收到 八達通 又唔收支付寶。以呢個價錢嚟嘅 呢個地方尚算清潔。平平哋 喺度食個下午 飲杯嘢 對係一個唔錯嘅選擇

其實一向食米線不食辣所以都鐘意去有魚湯湯底嘅米線店嗰日經過見到就即管試試揀左雲呑墨魚餅因為睇下食評多數都讚墨魚餅湯底都幾清唔係好濃所以感覺唔係味精湯😂墨魚餅確實彈牙唯一美中不足係如果分碟上會好d因為浸左落湯無禁香口不過都好食嘅米線口感都ok唔會太淋雲呑就正正常常總括來講整體都ok見有人話服務麻麻我又唔覺d呀姐態度有問題正常落單唔覺黑面所以下次想食魚湯底都會再幫襯

在荃灣逛街，看到這間之前看過傳媒介紹，以鮮魚做主打的米線店，本着試一試的心情入內。尤於同行有一年老家人不良於行，需坐輪椅，而因店門有一級，我們已扶他步入店內，並打算收好輪椅，這時門口旁的女收銀已用不滿的口氣，大聲喝令我們輪椅不要內進，我明白店內的坐位擠迫，於是自行收起輪椅後泊在門外，但她仍不停止的和其他店員及食客說我們的不是，我忍不住問她說夠了沒有，她才說只是交代同事做事及收聲，如不是家人已坐下，真的想馬上離開。我們只想快些吃完馬上離開，叫了鯇魚咀米線及咖喱牛筋腩飯，牛筋腩飯份量很足，筋腩亦很軟淋，並包一杯飲品，算抵食。而主打的魚咀米線則鮮味不足，普通而已。總括來說本人一定不會再光顧😤😤

每隔一排就會突登去食魚湯米線，我主要食是為了她的煎墨魚餅，煎到勁香口，又香墨魚味，很彈牙，不會過淋。而且湯底又清清地的魚湯味，感覺不會有味精口渴，雖然這裡的侍應態度不是很好，座位又不太舒服和迫，但食物質素真的很不錯，會是我keep 住幫襯的食店！

同朋友係荃灣做完運動，想食唔洗太飽既晚餐就揀左間食米線雖然間舖格局普普通通但個餐牌都幾利害有勁多魚揀既米線，我都係第一次見本身我對魚麻麻地，好大條嗰ｄ例外但見佢個餐牌就試試佢我揀左原條黃花魚米線個湯清清地好飲條魚多骨，食落都幾好成碗清清地感覺健康！

First time visit and was attracted by the pictures! Fish soup base noodles - perfect on a day when it’s so humid and hot and when T3 is up! I ordered the 芫荽皮蛋鯇魚片米線. When it arrived I was impressed with the amount of coriander and shallot. Put a smile on my face straight away. There were quite an ample amount of fish fillet too. The soup base is nice though I wish it will be a little bit stronger in terms of the fishy flavour. Overall not a bad option for a quick lunch.