一幻拉麵

营业中

休息中

自從食肆每枱人數放寬後，餐廳多咗好多人，一家大細終於都可以同枱食飯👨‍👩‍👧‍👦 今日肥b話想食拉麵，剛好嚟到冇乜人，即刻入座🎉見到有二人套餐$248，可選兩碗拉麵、三款小食、兩款飲品。飲品揀咗波子汽水都唔洗加錢✌🏻✨黑蒜叉燒湯幼拉麵 哩款係荃灣店限定款式，蝦湯味濃郁，黑蒜味唔算好突出，但兩者加埋味道都唔錯，落埋拉面胡椒就更惹味😋幼面嘅硬度適中， 加埋麵酥一齊食口感豐富👍🏻 哩碗嘅叉燒有少少柴，溫泉蛋做得幾好。✨招牌蝦湯粗拉麵講明係招牌當然唔會差啦😏 今次就揀咗適量豚骨嘅鹽味蝦湯底。上菜已經聞到好香，試一啖湯底味道香濃，雖然唔係原味蝦湯，就算有豚骨味都一樣冇蓋過蝦味🦐 麵酥（紅薑天婦羅）一樣有驚喜，咩薑唔喜歡嘅我，食落完全食唔到有任何紅薑味，只係食到脆卜卜香脆感👍🏻 叉燒嘅肥瘦度剛好，又腍又滑。 溫泉蛋嘅生熟度係我最愛，食到滑溜溜感覺，同時有蛋香😋 喜歡有咬口所以揀咗粗麵，果然冇揀錯✌🏻✨黑胡椒海老串黑胡椒醬汁香燶，唔會過鹹或太重黑胡椒味，配埋爽口海老味道好食，醬汁味道剛好，食出蝦味🤤✨雞脾菇雞脾菇冇草青味，加埋醬汁同木魚碎就更香，味道幾好👌🏻✨味筍我自己幾喜歡食味荀，今次好滿意👍🏻

一人專享套餐（$99），包拉麵×1、小食×1、飲品×1。另收加一。招牌蝦湯拉麵，有三款湯底（原味、適量豚骨、濃厚豚骨），三款口味（味噌、鹽味、醬油），既然要試，於是揀咗原味+鹽味。上枱好香蝦味，即刻試試啖湯如何，味道反而冇香味咁多，但都嗒到有蝦味嘅；麵底可揀粗幼（揀咗幼麵），個人喜好，覺得軟身咗少少，硬番啲會啱我多啲（冇得揀軟硬度）；兩片叉燒好軟滑，不錯；半隻溫泉蛋夠入味，好食；另外有麵酥（紅薑天婦羅），脆卜卜口感幾得意。辛辣味噌蝦湯拉麵，湯底雖然辣辣哋，但蝦嘅味道反而更出，有啲意外。小食要咗木耳（酸酸哋，個醬汁調校得幾好，好開胃）、溫泉蛋。

早2個月時已經想去一幻食拉麵, 但由於新開張條龍長得太誇張, 所以我放棄左, 直到早幾日經過見到唔太多人,  又肚餓, 就入去食下, 睇下佢味道如何!!招牌蝦湯拉麵 $88湯底可以選擇原味, 適量豚骨或濃厚豚骨。口味可以選擇味噌, 鹽味或醬油。今次就揀左原味湯底同鹽味。果然係招牌菜, 好鐘意佢個蝦湯, 蝦味好突出, 鹽味相對唔會太過咸, 但個人唔想太咸, 所以揀左呢款!黑蒜叉燒蝦湯拉麵 $78呢一款係荃灣限定既拉麵, 當然要試試佢!!黑蒜好深色, 不過有點蓋過左蝦湯味道, 唔太食得出蝦湯味!呢個湯底比一般既較傑身, 幾特別!拉麵份量都幾多, 叉燒有輕輕燒過, 肉質都OK, 肥瘦幾平均!糖心蛋好軟滑!雞脾茹 $22幾有咬口, 味道調較得幾好, 唔會好咸。白桃梳打同西瓜梳打 各$28白桃會甜d, 西瓜就清d, 2款都唔錯, 唔會係藥水味個種!荃灣新開張仲有d優惠, 大家要把握最後一彈啦!

蝦湯超濃，是好是壞，因人而異，以我口味，蝦湯係濃郁但也覺得太鹹，蓋過了蝦味，很可惜，冇辦法飲到多過兩啖湯。油，超油，超多油，可能係制作這款湯麵的原固，碗內很多油，我嘗試盡量享受這碗湯，但是......真係冇辦法再飲下去，我食過咁多間拉麵店的出品，很少會沒有飲曬碗湯，睇不到碗底的多謝字句😐流心蛋，蛋黃已經半熟透，流心效果不理想，蛋白的外圍比較白淨，應該係浸醬油的時間太短，所以無嘜味。叉燒超簿，無特別賣點，所以 no comment。

尖沙咀店的一幻拉麵光顧過，拉麵好吃。今次見荃灣開了分店，也去試試，看看味道如何。我知道集團式經營的麵店，大致上供應的餐款都是統一了的，味道也大同小異。不過荃灣店新開，要搞搞新意思，推出荃灣店限定的黑蒜叉燒蝦湯拉麵，所以我也要了一碗這款拉麵，然後就是每店都有的蝦湯拉麵，再加一份餃子。和其他分店一樣，點菜紙簡單易看，湯底、口味、麵條粗幼、加不加配料、小食，飲品，寫得清清楚楚，還有飯類供應，只要在自己喜歡的食品旁打個剔，交給待應就完成落單。先來的是餃子，一份五隻，每隻都煎得焦香好吃，滿滿實實的豚肉，咬一口肉汁到達口腔，啖啖肉入口很充實。再來就是荃灣店限定的黑蒜叉燒蝦湯拉麵，叉燒微微被火炙，肉質肥瘦平均，糖心蛋蛋心綿滑，麵條煙韌彈牙，蝦湯味道濃郁，木耳絲和麵酥都增加了不同口感，黑蒜油陣陣濃香，真的吃到雪雪聲，這碗拉麵令你味覺和嗅覺都在享受食的樂趣。接住來是招牌蝦湯拉麵，這碗蝦湯拉麵和之前在其他分店吃的味道一樣，麵身爽，叉燒嫩滑，蛋味香，湯底蝦味濃郁稠密，果然是招牌拉麵，水準統一。拉麵店主打就是吃拉麵，雖然價格不便宜，但吃到一大碗質量良好的拉麵也是值得的。這個月還有消費100元送100元的現金券

北海道人氣拉麵店(一幻拉麵)不知不覺間在港已開到第五間分店了；今次進駐荃灣「荃新天地」，位近荃灣如心酒店方向。繼往常一樣，每開新店也會帶來新口味；今次推介嘅係期間限定的「黑蒜叉燒蝦湯拉麵」HKD78/碗。我倆叫了「黑蒜叉燒蝦湯拉麵」、「招牌蝦湯拉麵」、「甜辣小蝦沙律」、「煎餃子」及「北海道梳打」。黑蒜叉燒蝦湯拉麵沿用一幻招牌甜蝦湯底，加入主角黑蒜，上桌前更會在拉麵上澆上日本黑蒜油；蝦湯混合黑蒜的獨特甜香，沒有一般大蒜的刺激味，層次感更豐富，令食慾大增；而每碗均附有半隻溏心蛋、火炙日本叉燒、麵酥及青蔥，如嫌未夠喉，更可添加叉燒、溏心蛋和麵底，一定令你吃得滿足。而招牌蝦湯拉麵、甜辣小蝦沙律、煎餃子及北海道梳打，之前在其它分店已寫過，就不再多說了。新店推出優惠驚喜四重奏，開業首五天拉麵「買一送一」，即係購買任何一款拉麵，可免費享用第二碗(以價錢較高之拉麵計算)。(7月8至12日)第二重優惠，惠顧拉麵二人套餐 (包：兩款拉麵或拌麵/兩款小食/兩款指定飲品)，即贈送限量版摺疊式環保飯盒乙個，數量有限，送完即止。(7 月13日至31日)第三重優惠「食滿$100送您$100」，即是消費滿$100 即