Shelly Cake Express

营业中

休息中

🍰數到南丫島有咩好味嘅美食！當然唔小得充滿田園風既Shelly Cake express💐呢個招牌豆腐芝士餅，係我食過咁多間蛋糕店最好味嘅！原因係香芝士味同時又唔會掩蓋左豆腐嘅清香味道！而且蛋糕上有少少乾花令到蛋糕嘅層次更加清香！所以要做到呢個咁完美嘅balance係真係好考功夫😋😋😋所以入到黎南丫島就一定要食呢一個咁好味嘅豆腐芝士餅推介菜式：招牌豆腐芝士餅 ($60)味道：🌟🌟🌟🌟環境：🌟🌟🌟🌟價錢：🌟🌟服務：🌟🌟🌟🌟注意～店內嘅最低消費為$65，以一件芝士餅$60嚟計都算幾貴！不過我覺得都值得一試！已店內約有10個座位，所以如果假日嚟到有機會要等位😂😂😂而且店主亦都非常nice, 好樂意為客人推介菜式仲有介紹南丫島有咩美食同埋好玩嘅地方俾～所以大家都可以同老闆娘傾吓計🥰除咗叫咗蛋糕，我亦試咗hazelnut latte& ice cappuccino! 咖啡黎講我就比較失望，因為咖啡豆雖然比較苦澀但係就唔夠香，所以我諗其他嘅飲品會比較出色！

每次嚟南丫島，一定要到訪呢間Cake Shop，回想第一次嚟，已經係14年前，每次都見證住小店嘅小變化，感覺好窩心🥰記得我第一次嚟嘅時候，佢主要都係賣cakes為主，不過依家已經多咗好多唔同嘅選擇，有雪糕、有曲奇、仲有其他特飲。Follow小店仲有小禮物送「豆腐芝士蛋糕」仍然係佢嘅鎮店之寶仲有自家製嘅曲奇🍪每次嚟到，我都會叫我最鍾情嘅豆腐芝士餅，有啲人會expect芝士餅就要好似New York cheesecake咁有濃厚嘅味道，所以會覺得佢好淡冇乜味，但其實呢個餅係要你去細味豆腐嘅豆香，再配一杯花茶，慢活一下，就可以在這小島上享受洗滌心靈嘅感覺☺️當然，好多朋友仍然會最鍾情於New York cheesecake嗰種厚實香濃嘅味道，包括我隔離嗰位，老公就對呢個芝士餅讚不絕口啦，佢覺得New York cheesecake 唔需要加其他材料，先欣賞到最原始嘅味道。 小朋友話要食雪糕，所以叫咗呢個Crème Brûlée 配雪糕，法式焦糖燉蛋充滿濃濃嘅雲呢拿味和蛋香，面層係剛剛燒嘅脆脆焦糖，燉蛋內仲見到有一粒粒嘅雲呢拿籽，所以咁香滑。夏日炎炎，最好飲番杯冰凍沙冰，呢杯蜜桃沙冰好香桃味，飲

咁遠黎到南丫島，一定要黎朝聖！之前見到有介紹過南丫島有一間逼食嘅豆腐芝士餅，經過大路，再轉左就會見到。鋪面非常非常細，只有3張檯嘅位置，如果撞正多人可能要行幾轉先會有位。係一間小小嘅甜品店，有蛋糕、沙冰、咖啡等等。注意哩度有最低消費，至少每人要叫兩杯咖啡同一件蛋糕，如果啱啱食完飯食唔落甜品就要遲d先去啦！藍色碟配粉紅格仔檯布好有童話嘅感覺，芝士餅上面有幾塊玫瑰花瓣。切落去好軟熟，冇溝好多魚膠粉，好重豆腐味！質感比較淋，入口即融。餅底都唔係厚實，鬆鬆地嘅餅碎，食落好light。Shelly都有訂蛋糕嘅訂單，食完太難忘，之後都訂左一個，好似係六寸，Shelly仲好好人幫手畫朱古力牌同ice bear哈哈！

每次入開南丫島, 我都必定會去食芝士餅, shelly 既 cheese cake 係 hand made, 真係好好味架, 最愛當然係, 豆腐味濃, 又有好香既豆味, 雖然芝士味不濃, 但倆者好配合, 蛋糕本身又好軟滑, 真係好愛, 已有年幾無黎過, 以家餅面仲有啲可吃用既玫瑰花碎, 令件餅有少少清香, 正.另外要左件檸檬乳酪芝士餅, 食唔出乳酪味, 檸檬味好清新, 好開胃, 芝士味比豆腐芝士餅濃好多, 自家製蛋糕黎講出色啲!記得, 以前有 set, 以家好似無咗, 因為有最低消費, 每人五十蚊, 所以叫咗杯咖啡, 唔太記得係咩咖啡, 但無特別, 同三合一無乜分別, 早知食多件芝士餅好過.佢以家好努力開拓 cookie 市場, 希望佢都要努力 keep 住啲蛋糕水準, 等我地下次再入南丫島, 仲可以食到好好味既招牌豆腐芝士餅!

由於食完午餐太飽, 又準備出發行山, 所以外賣拎上山食, 不過天氣比較熱, 就要盡快食, 唔係會溶溶地.當然入店內食最好啦, 又有冷氣又舒服. 而且感覺件蛋糕大件d, 外賣件蛋糕好似細件左.招牌豆腐芝士餅 ($48) :外觀好靚, 因為有d 玫瑰花及花碎裝飾. 第一口食落去, 好濃豆味, 用料十足, 好夠豆腐味.好軟滑既蛋糕, 餅底唔硬, 反而較鬆散既消化餅底, 牛油比較多.不過最好係唔會太甜, 整件蛋糕都好清淡, 反而食唔出芝士味, 不過最尾食感覺膩既, 同人share最好.總括, 價錢比較貴, 而且外賣好似細件左, 但味道幾好, 服務又好.