鹿鳴春飯店 (已結業)

三位老年人聚餐, 梗係要配合下氣氛, 搵番D老店架啦, 鹿鳴春就啱晒.7點鐘到達, 已經半滿了.負責接待我哋嘅侍應伯伯, 有型又nice, 好有禮貌.齊人坐好, 有人建議先來隻北京烤鴨, 一路食一路講.侍應伯伯建議我地嚟過一鴨兩食.北京烤鴨分左兩碟上, 唔算太肥, 皮同肉嘅比例唔錯.我哋3個人, 青瓜條配京蔥, 甜面醬, 粉皮各2碟.呢度嘅粉皮唔似外面咁薄, 幾厚身, 但睇得出係手工嘢, 仲幾頂肚添.填鴨另一食係炒鴨崧, 用生菜包嚟食, 味道唔錯.掛住講主菜, 反而唔記得開胃前菜, 係花生配酸椰菜, 酸酸爽爽, 夠開胃.上湯火腿炆津白, 津白相當入味, 而火腿唔會硬到似石頭.拼盤, 海蜇勁粗, 唔算太爽.最後嘅拔絲香蕉, 外脆內軟, 連我唔好甜食, 都覺得幾好食.有歷史嘅招牌, 值得保留.

09年嘅下半年真係好忙，好耐都無打到食評，呢段時間真係要多謝夫人嘅相助貢獻不少！！2009年最後一次同屋企人嘅飯局，夫人就提議去呢到試下。呢到係我第一次嚟食，到步後發現自己張檯安排係門口．．． 無計，真係好多人，唔訂檯WALK IN 基本上佢都係得兩個答案 ﹣ 等得就等 ／ 無位。點都好，今晚餐飯由夫人話事，5人食飯叫咗以下咁多嘢：1.（雜綿）拼盤2. 賽螃蟹3. 火腿津白4. 京燒羊肉5. 片皮鴨6. 叉子燒餅7. 蒸餃8. 拔絲蘋果（雜綿）拼盤由海蜇、牛𦟌、豆干、西芹、豬肉、荀拼出嚟嘅組合，穩陣之作。海蜇爽口，豆干、牛、豬當作前菜味道恰當，唔會一開飯就食到咁濃味，否則之後啲餸都唔知點算。賽螃蟹蛋白夠多，炒得夠滑唔會老，好味！因為坊間好多炒蛋白真係揸流灘㗎，炒完出嚟一條條柴咁。而且都欣賞醋嘅味道唔太濃～火腿津白正常無特別，間間差唔多～唯一係稍嫌金華火腿唔算太夠味京燒羊肉各位有機會真係要試試呢款餸，夠稔唔會太乾，適當騷味。有准鹽同自家調配醬汁揀，個人選擇就咁食！片皮鴨呢到嘅片皮鴨呢．．．師父片埋好多肉，唔知係因為太多人師父以快打快片成咁，定係無咩客兩食打算

舊式酒樓..點了拼盤 - 比較好味的一道菜..海蜇都幾彈牙..焗飽- 吃了一口之後,所有人第一句講既係"好味o個個位係邊..'哈哈~ 零分.....蝦仁炒麵 - 麵條完全沒有咬口,太淋了...栗米湯 -一般啦....好難唔好味既... 片皮鴨 - 等了很久,主角來了,點知..薄餅皮太厚了..亦唔覺鴨有甚麼特別,好滯...失望....由於友人生日..放棄了其他甜品,點了壽包..負分....皮極厚,硬得像鉛球般..

說了很耐要再到鹿鳴春，礙於種種原因一直未有成行，但期待的心情從來沒有間斷。多得搞手的悉心安排，早幾個星期前的訂坐，才能促成是次六人小局，還我心願。大家也很客氣，點菜這動作就由小弟發版。來到老牌的京菜館，也吃得傳統一點，冷盤、幾味經典的京菜，稍後再叫甜品，我想這比較恰當。點菜後，先吃些餐前小食。稱得上香港數一數二的京菜館，小吃當然不會馬虎，花生煮至皮軟，再滲入麻油的香，我吃得不停口；酸菜的酸度調節剛好，很醒胃，這兩味有水準的小吃為是晚的飯聚揭開了美妙的序幕。冷盤先到，拼盤由牛展、紹菜、豆乾、豬脷、西芹及海哲組成，色水吸引，幾款食物都不是濃味的，勝在爽口、開胃、感覺清新，在主菜之前有這味菜，是完美的配對。北京填鴨是大家引頸以待的，看見師傅在面前顯示刀功，未吃已興奮莫名。事實上，鹿嗚春的填鴨，哪有叫人失望的可能呢? 酥香的餅皮夾著鴨，鴨皮和肉的比例得宜，不會是肉多過皮的。鴨皮充滿油香，肉質鬆化嫩口，還有又香又爽脆的京蔥，以及醒胃的甜醬油，完全沒有可挑剔的地方。吃罷填鴨，接著是清淡一點的花素蒸餃。餃子皮不過厚，煙煙韌韌的，咬下充斥著韭菜的香，還有些少木耳，令蒸餃更有層次。糟溜魚片，醬汁甜度調校