上海姥姥

营业中

休息中

今日去完佐敦谷上攝影，之後同J小姐搭車落銅鑼灣上海姥姥食飯……呢間嘢個名聽就聽過但未食過，我哋都等咗10分鐘先有位，我哋叫咗一個排骨麵share，一碟糖醋雲耳、小籠包及紅油抄手……雲耳酸酸甜甜都ok，小籠包一般般，總是不及鼎泰豐般薄皮，排骨麵的排骨炸得夠香脆，麵質、味道都ok，但就細碗，50幾蚊吾抵食，紅油抄手味道，我覺得辣了一點，其實都OK……呢度啲環境，我覺得其實吾係幾好坐，同隔離枱近，一邊梳化位，一邊櫈，食物嚟得快，寓意快來快走做多轉生意，如果食上海嘢都係王家沙、小南國果啲好食啲……

今日下午行到銅鑼灣，入咗去一個剛剛重新裝修嘅廣場搵嘢食。呢個廣場叫做翡翠明珠廣場。大家樂集團好厲害, 一包包起成層一樓開咗六間舖頭。 我今日揀咗一間食上海菜嘅餐廳叫做上海姥姥試食。雖然話係大家樂集團經營但係佢真係似一間普通 食上海嘢嘅餐廳而唔係似快餐店。 裝修好舒服，仲好光猛，有時代感。講到啲食物， 比較值得一提的就係蟹粉伴素鵝。 雖然蟹粉做得有啲傑撻撻，但係估唔到蟹粉同素鵝的味道係咁夾。碗排骨面比了我有兩個唔同嘅感受。 啲拉面非常彈牙，湯又好清甜，實在好味。 但係排骨一開始嚟到的時候又凍又硬非常難食。 和他們的經理反應後重做一份排骨就有唔同嘅感覺。 肉質比較鮮嫩，有肉汁。但係醃製得時間唔夠長，肉未入味。只係靠其外面的咖哩炸粉調味。 真係對碗拉面唔公平。蟹粉小籠包皮薄餡靚，如果多點蟹粉和蟹膏就會更加好。這間食上海嘢嘅餐廳也算中等，可以再嚟。有時食一個快嘅午餐，一流!