鼎泰豐 (已結業)

🍽小編連續介紹幾間台灣餐廳，舒緩一下大家無法去台灣旅行的心情，希望大家從食物能夠回味一下。小編今次推介餐廳食物☝🏻排骨蛋炒飯 $90/碟春菜肉絲拌麵 $60/碗蝦肉紅油抄手 $68/碗高湯蒜蓉炒菠菜 $72/碟蒜香粉皮肉 $64/碟小編雖然今次無食到小籠包，但都食左其他推介食物，排骨蛋炒飯既排骨有胡椒味，再配上蔥花蛋炒飯，超級配搭👍🏻，另外點左蝦肉紅油抄手，有好多外國客都超鍾意用紅油汁撈飯，超好味，勁推介比大家，而春菜肉絲拌麵比較少見，味道偏咸，但係其他餐廳好少見，高湯蒜蓉炒菠菜採用菠菜苗，所以好嫩，蒜香粉皮肉都係我最愛既菜式😋

眾所周知，米芝蓮對餐廳的評估標準有一定的要求，不論食物品質、服務質素或衛生方面等等都要達到指標，所以絕對有信心保證👍🏼·🍜油炸排骨湯麵(HKD 68)排骨雖然是油炸，但完全沒有油膩的感覺！排骨還帶點胡椒味，食落每啖都有肉汁嘅感覺，淋身之餘非常香口😋麵條有彈性，夠柔韌。•🍛排骨蛋炒飯 (HKD 90)由於鼎泰豐嘅排骨實在太好味，所以朋友另外叫咗排骨蛋炒飯。利用蛋配合蔥花炒，炒飯依然粒粒分明，帶金黃色，水準極高👍🏼·🥟小籠包(HKD 66/6個)小籠包皮薄但唔易穿，餡料都好足夠，咬第一啖，已經飲到香濃嘅湯汁！非常推介❤️餐廳用膳環境乾淨整潔，枱面一啲油膩感都無，而且服務態度良好，店員仲非常細心，會主動加水

雖然呢個都唔係咩新野，但自己本身未試過鼎泰豐，同朋友係尖沙咀想搵一間可以傾下計同環境舒適既餐廳，行到美麗華廣場，唔想食太多，見又有得飲啖茶，就揀左喺美麗華一期既鼎泰豐。入到去，可能平日緣故所以樓面都唔算多人，唔洗等直接入去。首先黎左蒜香粉皮肉，感覺似食緊輕量蒜版既蒜泥白肉，蒜味無咁重咁辣度勁d，食落肉夠嫩滑又夠惹味，但食完都係會口臭XD小籠包都算細粒，但皮薄多汁，望落小籠包汁佔左小籠包既一半，好在皮唔易穿，相比平時有d餐廳整到好易漏湯，味道唔算特別出色但已經相當唔錯。主菜今次試左兩個炒飯，排骨蛋同蝦仁蛋炒飯。基本上兩款炒飯主要分別係飯面個餸，賣相黎講，蝦仁較吸引，但數量有d少（得幾粒蝦仁），相比排骨炒飯份量非常充足。味道方面我就會揀排骨，食落塊排骨唔會乾，又有濃濃既胡椒味，配個蛋炒飯都夠鑊氣，乾爽得黎又未至於太油，值得推介。另外紹興酒醉雞都要一試，去骨既雞肉夠滑，酒味唔算太濃但岩我haha，唯獨分量唔多，3個人分既過每人只得幾件。總括黎講，食物質素算中上，唔點得多小食既話價錢唔會太貴，係幾個人搵個位食小菜飲啖茶，環境適合傾計既好地方。