鼎泰豐 (已結業)

虽然呢个都唔系咩新野，但自己本身未试过鼎泰丰，同朋友系尖沙咀想揾一间可以倾下计同环境舒适既餐厅，行到美丽华广场，唔想食太多，见又有得饮啖茶，就拣左喺美丽华一期既鼎泰丰。入到去，可能平日缘故所以楼面都唔算多人，唔洗等直接入去。首先黎左蒜香粉皮肉，感觉似食紧轻量蒜版既蒜泥白肉，蒜味无咁重咁辣度劲d，食落肉够嫩滑又够惹味，但食完都系会口臭XD小笼包都算细粒，但皮薄多汁，望落小笼包汁占左小笼包既一半，好在皮唔易穿，相比平时有d餐厅整到好易漏汤，味道唔算特别出色但已经相当唔错。主菜今次试左两个炒饭，排骨蛋同虾仁蛋炒饭。基本上两款炒饭主要分别系饭面个𩠌，卖相黎讲，虾仁较吸引，但数量有d少（得几粒虾仁），相比排骨炒饭份量非常充足。味道方面我就会拣排骨，食落块排骨唔会干，又有浓浓既胡椒味，配个蛋炒饭都够镬气，干爽得黎又未至于太油，值得推介。另外绍兴酒醉鸡都要一试，去骨既鸡肉够滑，酒味唔算太浓但岩我haha，唯独分量唔多，3个人分既过每人只得几件。总括黎讲，食物质素算中上，唔点得多小食既话价钱唔会太贵，系几个人揾个位食小菜饮啖茶，环境适合倾计既好地方。