紅豆烘焙 (西洋菜南街)

营业中

休息中

今日認真心情麻麻，一來一早被一位餐廳姐姐惡劣嘅態度激親；二來今日天氣仍然令人悶熱，加上今日工作行程緊密，忙到下午五點左右，終於可以抖抖。想心情靚番，就會突然想食啲甜野，咁啱一落巴士站就見到呢間「紅豆烘焙」。首先以為只是一般麵包店，奇怪店內外有不少客人光顧，好奇心驅使下睇下有乜嘢特別，突然發現有多款法式布丁限定發售。呢間「紅豆烘焙」原來產品頗多元化，有一般麵包、中式酥餅、西餅、甜品、曲奇、布丁包，更有近年大熱的立體蛋糕及扑扑球蛋糕，歡迎預訂。正好甜品癮發作，食指大動。原來法式布丁包每日下午開始發售，售完即止。最後決定選了新口味《伯爵茶布丁》（$15），法包底非常新鮮，面微脆包軟熟。布丁甜度適中，伯爵茶十分香濃好味。超值好味，配 coffee or tea 都夾。甜品亦很多選擇，更有馬卡龍，杯杯甜品有傳統布丁、燉蛋等等。用杯盛裝住，乾淨衞生又企理。揀了至愛《提拉米蘇》（$20），可可及酒味超濃，不太甜，如果配埋杯咖啡就十分完美了。講起咖啡，所以最後決加多件《咖啡芝士切餅》（$18），未食已經𡶐啡香氣撲鼻。入海綿蛋糕底好柔軟，Cream除了咖啡味亦微微帶有芝士味，配茶亦係至正。其實開心真係好

紅豆烘焙之前都幫趁過幾次，之前都係買麵包，貪佢麵包款式多選擇，今次經過旺角西洋菜街新分店，先有留意佢原本甜品西餅都一樣好多款，而且賣相都餅仔唔似一般街坊餅店嘅貨色，所以就買黎試下。而家大熱嘅麵包布丁都幾款個口味。甜品杯有好多口味，木康布丁、Tiramisu、奶凍、焦糖燉蛋、雪果子......等等。切餅賣相好吸引，拍得住連鎖餅店，但價錢就平好多。麵包簡直花多眼亂，除左經典嘅腸仔包、菠蘿包、雞尾包之外，仲有好多新派麵包。揀左三款試下，全部都未食過。法式麵包布丁($15) - 布丁麵包買嗰時仲係暖嘅，不過如果唔係即場食，我會之後烘返熱佢。雖然用羹畢時會覺得有少少實，但入口其實OK，唔會覺得實的的，蛋味都幾香，再夾埋脆脆地嘅麵包都唔錯。提拉米蘇($20) - Tiramisu朱古力味都OK，咖啡味唔會過重，Cream比蛋糕多，食落好滑。特濃朱古力切餅($18) - 朱古力切餅好濃朱味，但又唔會太乾，朱迷一定收貨。