上海三六九菜館

营业中

休息中

恨咗食三六九既擔擔麵好耐，終於今日做完野，順路去食到啦😋 份量真係唔多，不過湯靚、麵更靚, 好好食呀😍! 呢道咁多日本遊客嚟食, 學吓日本人食拉麵傳統, 食完仲差唔多飲晒D湯😋。我牙隙闊，一碗麵唔夠攝，一次過叫埋小籠包，早知叫10個啦。今晚人多, 等位都預咗。 好彩單拖, 被安排攝入「主家席」個吉位，用紅枱布, 四個party搭枱。見隔離個婆婆叫酸辣湯，個細酸辣湯其實一個人都KO到，不過廢事麻煩人加單啦，夜D再食宵夜啦。

擔擔麵 $33不辣，花生香撲鼻，慢熱，每一箸之間味道都在蛻變。湯底潤滑、清新而香濃、矛盾。把整碗湯喝完了。麵線一貫的出色。9/10小籠包五粒 $25稍遜。不燙口，皮略厚。夾起像布袋般下墜，觀感壯麗。汁液豐富，味道一般。6.5/10回鍋肉、菜飯（+$8，不加菜飯有兩碗免費白飯）、豬骨湯（免費）$48菜飯：翠綠新鮮，份量大。8/10回鍋肉：辣味適中、自然、立體，甜味過了頭。肉切薄片易嚼，入味。7.5/10湯：巨型豬骨，有一半是可吃下肚的瘦肉。湯味過於人工化。7/10

夜收工，灣仔真係無咩選擇，來得最多都應該係這間老店，因為真係開得夠夜，食了好幾次，又分享下。食上海野，小龍包真係少不免會叫到，這裡有五隻同十隻既供應，小龍包皮薄薄，肉味就普通，稍為淡身，湯汁都幾多，水準都不錯的。冷盤除了肴肉係常叫，海哲分蹄都係我既選擇，因為肴肉水準真係一時時，好的時候係一半肉一半果凍狀，一般般的時候全部只係實實的肉，好影響咬口同味道。反而個海哲就食幾次都好錯，食落爽脆，唔係一味落麻油。分蹄都唔錯，都係爽爽的，係冷盤既好選擇。鱔糊，水準正常，不過其實好多地方做鱔糊做得好潺下，要食正常的，都真係要睇彩數。擔擔麵，湯底係偏向麻醬味，用上幼身麵條，都幾唔錯。除了上海小菜，其他小菜其實都做得唔錯，最強勁的，首推黑椒豬手，豬手軟腍，黑椒味濃郁，用黎送飯無得頂。另一款食過的係椒鹽田雞，田雞就好一般，雖然有好多隻脾，不過真係整得好腍，無椒鹽應有既香口，不過亮點係個麵底，非常香脆，用黎做炒麵都唔會太失色。有時一個人，都可以要客飯，客飯我通常都係要獅子頭，有肉有菜，肉唔係一夾就散，用黎撈飯真係無得傾。仲有個例水，都係四十幾蚊，都幾抵食。上海甜食除左豆沙鍋餅，仲有自家製既芝麻湯丸，軟熟非常

今日完左學界,有好多時間比我地食lunch之後先番學.之前果晚,我問爸爸灣仔有邊間好食,佢話呢間d豬扒麵唔錯,所以今日我就同同學黎食喇.去到入面坐低之後,伙計馬上拎杯茶比我地,但我果杯竟然有隻蚊喺入面:S 跟住睇下個餐牌,搵爸爸所講嘅豬扒麵,但係搵黎搵去都冇 本身想食客飯,但係跑完都係食麵好d.所以就叫左最平嘅擔擔麵.等左大約五分鐘就食得喇!湯底辣度同花生味岩岩好,唔會同出面落得太重手,搞到好易飽.不過就稠左,亦得好得因為榨菜嘅問題,搞到個湯底好咸.呢到嘅擔擔面配料落得好多,而且配料味道唔錯.麵條比較幼身,都算彈牙.如果湯底煮得好d,相信會係非常出色嘅擔擔麵.其實叫完野食之後,我同學話隔離有人食緊叫類似豬扒嘅野.唔通就真係有豬扒麵?睇黎,要等下一次有機會再試.