家上海 (形點 I)

营业中

休息中

第一次食，算唔錯👍只係擔擔麵份量比較少，一碗真係唔夠飽🥹中午時段去食，唔需要等位😆但係問佢攞個碗總共叫咗第三位侍應生先睬我😅可能太忙啦，最出色就係個小籠包，下次都會再幫襯嘅👍

身為上海人既家母，淨係識食，唔識煮，所以作為佢的後代，每次見到上海餐廳，就會帶佢去試試，呢一日就黎到yoho mall一期，零方向感既我，需要一段時間先揾到間餐廳下午茶唔太餓，叫左幾樣點心，2個人share，分別有生煎包 擔擔麵 粉皮 小籠包生煎包用鑊仔上幾得意，熱辣辣滋滋聲咬落去又有汁，個湯汁唔會太油膩，輕鬆食2隻擔擔面覺得個湯偏清淡，可能為左就反大眾既口味啦，麵就煮得剛剛好，唔會過淋。雞絲粉皮合符預期 可以一試小籠包有湯汁，輕鬆夾起冇穿到overall 環境清靜，坐得舒服，唔會大大個燈照住你，行完街攰攰地，係度叉下電幾正！

幾次星期日去Yoho Mall I 期，「家上海」門口都會企住一堆人排隊等入坐。7月3號起身諗：星期一去「家。上海」應該唔洗等。餐館12點左右只有3、4枱散客，可以旋速直入餐館真爽快！ 餐館空間好寬趟，新穎設計保留懷舊情懷，好舒服！隔咗廿幾日先分享，記憶模糊，不過仲堅持冇刪除照片，絕對係想讚揚「家上海」⋯⋯果日叫咗醉雞、擔擔麵、燻魚、生煎包。樣樣都好味道，特別係我最愛的燻魚，做得又脆又乾身，啖啖都無腥味，超級可口！撞啱平日既，入黎元朗光顧下呢間上海菜館！

元朗yoho mall形點係今年9月終於都開喇，開左好多餐廳，第一間係yoho食既就係呢間“家上海”，岩家人口味。8點拎飛眼見入面有位但無人執枱同安排，都等左陣先入得。坐底左都無乜人理我地，落埋單食到一半先發現茶都無黎，仲有出菜真係好慢！！可能新開張所以運作唔太流暢。1.雞絲粉皮：我至愛，但好細碟所以我覺得唔抵食因為都要成＄58，不過好味。2.我哋仲叫一個湯＄98 ,我唔記得左叫咩名，個湯好濃，而且啲湯料幾有質素。3.上海小籠包：一籠有六粒，好多汁4.上海炒年糕：呢個真係好推介，年糕夠“林”同炒得好入味，好正！！5.擔擔麵：辣味同麻醬味（我唔太鍾意食）每樣餸都等左好耐，最後埋單嘅時候發現每位要收$10小食同$10茶芥，但我地根本無食過小食，好彩有睇下張單姐。 一共$418