德發牛丸粉麵

营业中

休息中

今日下午差唔多黃昏時候我們同朋友喺尖沙咀新港中心飲杯嘢之後，諗緊晚餐去邊度食嗰陣，老豆就突然提議話去海防道街市入面嘅熟食市場有間食牛丸麵好好食，而且係老豆同媽之前約會曾經去過嘅地方，所以老豆就話今日要同埋我一齊去食吓！一坐低，我們就分別叫咗牛丸麵、牛丸粗麵同牛丸河，一食就覺得果然係名不虛傳，真係新鮮手打牛丸，所以牛肉鮮味相當濃郁，質感極之爽口彈牙，湯底嘅味道非常鮮甜香濃，而粗麵同幼麵嘅麵質都超爽韌彈牙，至於河粉亦好煙韌軟滑，再加埋他們獨家秘製辣椒醬一齊食，會更加惹味醒胃，所以我們每人都再叫多一碗嚟食，真係超正呀！另外！我們再叫咗幾款多士嚟食，分別係鮮油奶多同咖央多，但喺餐牌上見到其中一款多士個名叫「新嘢」，心諗覺得幾特別，所以我們就叫咗嚟試吓，等咗一陣終於嚟到喇，原來係有齊晒咖央醬、花生醬、牛油同奶油，諗唔到夾埋一齊食，原來係咁夾咁好食！係多士之中嘅必食推介！

又是不知多久未曾到過這天橋下,迫迫夾的食碗粉. 在尖沙咀要一碗粉廿蚊算是德政....而且這間的粉麵真是吃得過.牛丸彈牙有牛味唔粉,柱候牛筋好咬口(當然要咬得開) 河粉細滑...讚中讚再來''新嘢''~有幾新,賣咗幾廿年...麵包頭拿埋出嚟賣的混醬多新下欄嘢...一條包有幾多塊包皮？咁即係限定版...嘩當堂好似UPGRADE咗去'必甩卡'不過咖吔多也好吃...油菜都好甜.叫下呢叫下路...40蚊人均...OK啦.尖沙咀喎.

每次經過都知裡面有好嘢食,今次就決心闖一闖行過左幾間花店之後,前路都係黑黑暗暗,好多檔口都係關閉,又靜英英,突然有幾個自由行既同胞係公廁走出嚟,我心諗:再行前多少少無就走人,這裡跟本唔似有嘢食既地方,話口未完就見到...............嘩!!有好幾檔熟食喎~~~我這個牛腩怪,已經有心水食邊一間,當然係德發啦!!牛腩河牛腩望落去都好粗糙,不過牛不可以貌相,充滿了牛腩汁味之餘,肉質係好"林",牛丸就一般,不及元朗果間爽,湯底都係深啡色................正!!凍奶茶我一向對大排檔既奶茶係最有信心,這間都唔例外,茶濃奶滑,帶有少少甜.新嘢生花醬上面有一片牛油,麵包既熱力已經將牛油熔化囉~~~非常脆口,不會太甜,而且係麵包頭嚟嫁,底部都係啡色,不過再加煉奶就十級好味食飽飽就四圍望下,我既左手邊真係好黑暗,好似好有神秘感裡面有貓貓自由活動