德發牛丸粉麵

营业中

休息中

今日下午差唔多黄昏时候我们同朋友喺尖沙咀新港中心饮杯嘢之后，谂紧晚餐去边度食𠮶阵，老豆就突然提议话去海防道街市入面嘅熟食市场有间食牛丸面好好食，而且系老豆同妈之前约会曾经去过嘅地方，所以老豆就话今日要同埋我一齐去食吓！一坐低，我们就分别叫咗牛丸面、牛丸粗面同牛丸河，一食就觉得果然系名不虚传，真系新鲜手打牛丸，所以牛肉鲜味相当浓郁，质感极之爽口弹牙，汤底嘅味道非常鲜甜香浓，而粗面同幼面嘅面质都超爽韧弹牙，至于河粉亦好烟韧软滑，再加埋他们独家秘制辣椒酱一齐食，会更加惹味醒胃，所以我们每人都再叫多一碗嚟食，真系超正呀！另外！我们再叫咗几款多士嚟食，分别系鲜油奶多同咖央多，但喺餐牌上见到其中一款多士个名叫「新嘢」，心谂觉得几特别，所以我们就叫咗嚟试吓，等咗一阵终于嚟到喇，原来系有齐晒咖央酱、花生酱、牛油同奶油，谂唔到夹埋一齐食，原来系咁夹咁好食！系多士之中嘅必食推介！