沙田新強記燒鵝海鮮酒家

营业中

休息中

陪長輩行大圍新商場，午餐如何安排好呢？思前想後，還是到大圍站隔離的「沙田新強記燒鵝海鮮酒家」穩陣。除了因為歷史悠久，服務良好外，最主要是食物有質素，我可不想聽到長輩的投訴呢。結果正如如期，我們點了馳名雞粥和滿枱點心，長輩都表示滿意。🧡沙田新強記雞粥分三個價錢：一位（$60）／例牌（$128）／大（$128）。一位其實是一鍋，足夠兩人享用。雞粥綿密鮮味，雞肉嫩滑可口，加上足夠薑絲，是令人非常滿意的正宗沙田雞粥。滿枱點心不一一介紹了，但有幾款超水準，必食。🧡蘿蔔絲酥：一碟三隻，隻隻漲卜卜，外皮金黃酥脆，蘿蔔絲餡香甜軟滑，熱辣辣，非常好食。想食記得早點落單，好快賣曬。🧡南乳豬手：南乳醬夠多，非常入味，豬手腍滑。🧡古法燒腩卷：鬆軟包皮包住一片燒腩肉和一片芋頭，一啖咬落去，燒腩肉肉質軟嫩，肥而不膩，芋頭香味濃郁，兩者配搭非常完美。🧡懷舊馬拉糕：原籠蒸出來的馬拉糕不但賣相好，而且非常鬆軟好食。

晚同幾個好朋友聚會，大家約到大圍新強記燒鵝海鮮酒家食餐好。例牌每人點一味菜，結果大家都點了這家酒樓的招牌菜有新強記雞粥，椒鹽鮮魷，新強記燒鵝皇，金牌燒乳鴿。新強記雞粥~個粥底綿，雞入味,再加起蔥和薑。椒鹽鮮魷~熱辣辣，有咬口,鮮魷個肉質都非常好,食得出個鮮味。新強記燒鵝皇~肉質好，鵝油香，一口咬落去肉與鵝油都融入口中，個口感味道都真係非常正。金牌燒乳鴿~肉質素好，皮脆肉滑。另外乳鴿夠晒入味,再配合鹽作提升肉味層次感一流。食飽之後糖水仲有送，我點左紅豆沙。紅豆沙唔會太甜,甜度剛剛好,豆都煲得好淋,食起上黎都口感好好,而且有好香的果皮味道,將整個糖水帶起來。

新強記係一間沙田老字號，街坊一定知佢最出名係雞粥、燒鵝同乳鴿。今晚食飯，都見到唔小人枱上都有呢幾款食物。座位闊落，平日晚上人流都幾多，侍應姐姐都話我地個位今晚已翻左幾枱客。新強記雞粥 $98一大窩上，都有5-6碗，粥底夠綿，雞汁味突出，雞件都唔小，而且滑嫩，絕對唔會令你失望。金牌咖哩牛腩 $128上枱熱辣辣，咖哩味好香同惹味，辣辣地送飯正。牛筋同牛腩都幾多同入味。椒鹽脆豆腐 $98外皮夠香脆，表面完全冇油份，內層既豆腐保留到軟滑。最後，仲會送湯水，有綠豆沙同紅豆沙，食完好滿足🥰