天山小館 (已結業)

又黎到天后跟住天后既朋友覓食😁今次黎到依間天山小館 食新疆菜佢地menu選擇都幾多元化，除左新疆菜，仲有川菜，廣東菜，蔬菜、豆腐類等等，所以點都有野岩食👍🏼因為想食麵，點左店員推介既新疆手工拌麵。無介紹錯！ 自家手工製既麵，好柔韌彈牙，唔會夾斷/爛，好好咬口👍🏼👍🏼估唔到都幾多配料，有羊肉粒、蕃茄、翠肉瓜，同埋好香既蒜茸&新鮮辣椒碎。辣度可以自己揀，我哋要左少辣。成件事 除左好好咬，少少辣，好味，清新✨烤羊扒 四件辣度揀左兩件小辣 兩件中辣食落都唔會太辣，主要係面頭d味粉既分別。羊扒下面係有骨都易骨肉分離既，所以食起上嚟都方便好多肉，羊肉幾嫩，好juicy, 而且唔會太羶，味道唔錯～金沙琵琶豆腐 比想像中好食好多！外皮好脆，而且薄薄既，唔厚粉😋唔油，帶微微咸蛋黃味至於中間，軟軟地豆腐味道岩岩好，唔會太咸配啤酒🍻 正呀 整體黎講 成餐飯都食得幾開心好味，又坐得幾舒服酒精搓手液都有提供，唔錯☺️

放工相約朋友晚飯, 她推薦了一家公司附近的新彊菜餐廳。老實說起初聽到新彊菜有點卻步, 因為第一印象覺得食物味道會很騷很濃, 不合一般香港人口味, 而且自己不太吃羊肉, 但朋友說有很多菜式選擇, 而且環境舒適價錢實惠, 是她其中一間心水之選。有預先訂位的關係, 餐廳預留了卡位給我們, 牆上的掛畫和餐具很有北方情懷呢。二人共點了兩款含羊肉的特色新彊菜式, 另外再點了一份炸物和湯。 手工拌麵是老闆娘推薦的。麵條是即拉人手製作, 一入口已經感受到跟一般麵條的分別, 好久沒有吃過這麼有咬勁的麵條了。麵條口感煙韌, 加上淡淡的麵粉味, 對於愛吃麵條的我實在是一大享受。拌麵配料有羊肉, 蕃茄和翠玉瓜, 配搭和味道都很家常。羊肉不會羶, 而且切了粒, 就連不吃羊肉的我也覺得很容易接受, 吃了足足大半碟。因為點了小辣的關係, 味道不算太辣很容易入口, 但如果很怕辣的話要小心不要吃到裡面的辣椒粒。 羊肉餡餅一份有四件, 可以點半份有兩件, 這個是朋友指定要吃的。她說餡料主要是羊肉, 肉汁豐富, 配搭酥脆的外皮很美味。看見她不消一會便吃了一整個。另外一件外帶了回家給家人品嚐, 家人表示餡餅皮薄有肉味, 餡料

唔係好食魚, 出街食飯不外乎豬牛雞, 無乜新意. 今晚決定上Openrice 發掘下新嘢!! 終於搵到豬牛雞外的選擇,  一於新疆全羊宴. 由於未試過新彊菜又怕唔知叫乜, 本來都驚驚哋. 去到門口發覺貼滿相片, 可以睇圖; 仲有雜誌介紹過,  當然一試啦! 牆身繼續係圖文並茂介紹不同食物. 除咗新彊菜, 仲有廣東同四川菜. 今次當然係主力新彊菜啦!!! 先來一個半份嘅羊肉餡餅. 好香, 好明顯係即炸嘅!熱辣辣! 羊肉又香又多汁! 外脆內軟!!羊肉串, 又係即叫即整!! $20串, 可以叫唔辣, 大中小辣! 羊肉外滿滿孜然粉, 又好睇又好食!大大口食落去, 滿口羊味!! 手工拌麵, 亦可唔辣, 大中小辣!分量十足, 材料有羊肉外, 仲有翠肉瓜蕃茄辣椒. 麵條有D似刀削麵, 人手拉切出來的!有口感, 夠惹味.一邊食羊, 一邊飲埋冰凍嘅洛神花茶. 酸酸甜甜, 既開胃又解辣!! 食飽行出去, 仲係滿滿羊肉味

這間餐廳有廣東菜, 川菜及新疆菜, 原來老闆娘是新疆人，與香港老公開餐館, 餐廳開了幾個月, 所以之前冇為意。羊肉餡餅一份是$88，可以叫半份50蚊有2件，羊肉餡很大件，汁多肉香，皮薄餡靚，食過很想再食多次。新疆手工拌麵很彈牙爽口, 原來是老闆娘自己每天拉。分開不同辣味，叫了小辣， 伴埋羊肉，可口羊香。啫啫鐵板芥蘭，上來時熱力十足，香力攝人。羊肉碎來調味，唔騷又很香。一讚!士多啤梨骨， 排骨很嫩很林。$389埋單, $400蚊有找. 羊肉有不同煮法，配合香港人口味，煮得出色，值得再約朋友去。

今晚嚟試吓呢間新開嘅新疆餐廳，雖然我唔食羊肉，不過呢度都有做廣東菜，可以一試吖！星期一晚上8點嚟到，全場差不多滿座，好在仲有一張檯，否則餓死喇。老闆娘好親節咁走埋嚟招呼，望一望咁熟口面嘅，原來係之前食過北角嗰間中哥廚房個老闆娘呀！原來佢而家搬咗過嚟呢邊做，佢話見我唔食辣又唔食羊，所以就介紹其他食乜俾我新疆手工拌麵 ($98)呢個係老闆娘大力推介嘅，好啦我又鍾意食麵，試吓先。落單後老闆娘即刻走入廚房，親自切麵煮俾我食。上菜時真係不得了，熱辣辣不特止，仲蒜香爆棚，澎湃都唔夠形容有幾蒜，係爆爆爆棚！成碟都係肉碎番茄翠玉瓜及蒜，仲有少少紅椒吊味，香到不得了！先試試即叫即整嘅麵條先，每條都好厚身又肥美，非常彈牙煙韌，仲有啲新鮮麵粉嘅味道，唔似得外面啲麵咁又鹼水味又好鹹咁，呢個味道係非常天然！撈埋啲料一齊食，沾滿餸菜嘅麵條變得好惹味，就算口感變稔咗，都依然食到麵條嘅煙韌度，大讚！黑松露炒龍躉球 ($148)魚塊嘅數量算多，仲連埋皮，魚肉口感細嫩新鮮，魚皮膠質豐富彈牙。翠玉瓜炒得好爽脆，一流！不過黑松露醬就輕手咗啲喎，味道唔夠，老闆娘都表示唔好意思，下次會落返重手啲俾我啫啫鐵板芥蘭 ($98) 食到